Ngaahi Polokalama FamilySearch ki he Telefoni Toʻotoʻó

ʻOku fakaʻatā ʻe he ngaahi polokalama FamilySearch ha ngaahi fekumi fakafāmili ʻi he faʻahinga taimi mo e faʻahinga feituʻu pē ʻoku fakaʻaongaʻi aí.

Fakahoko ʻa e Ngaahi Fekumi Fakafāmilí

Download ʻa e ngaahi polokalama FamilySearch taʻetotongi ko ʻení ki he telefoni toʻotoʻó ke fakafehokotaki mo hoʻo fāmilí ʻi he ngaahi toʻu tangatá.

Ko ha polokalama tohi hohoko kakato ke tānaki atu ki ai, liliu, mo vahevahe ai hoʻo talanoa fakafāmilí.

Fakaʻaongaʻi ha ngaahi tokoni ki he lekōtí ke fakalahi hoʻo ngaahi vaʻa ʻi he fuʻu ʻakau fakafāmilí.
Vakai ki he anga hoʻo kāinga mo e niʻihi kehe ʻoku nau fakaʻaongaʻi ʻa e FamilySearch.
ʻIlo lahi ange fekauʻaki mo ho tukufakaholó ʻaki e ngaahi ʻekitivitī fakafiefiá.

Ko ha tohi fakaʻilekitulōnika ʻokú ne ʻomi ʻa e fiefia ki hoʻo fāmilí ʻi he taimí ni pea mo e kahaʻú.

Lekooti ha ngaahi meʻa mahuʻinga fakafāmili ʻi he taimi ʻoku nau hoko aí.
Fakaʻaongaʻi hoʻo telefoní ke tauhi ai ha ʻū tā pe fakamatala fakapepa.
Lekooti e ngaahi talanoa ʻi he ongó (audio) mei he ngaahi toʻu tangata motuʻa angé.

Ko ha founga fakafiefia ke tokoni ke lava ʻo kumi taʻetotongi ʻa e ngaahi lekooti fakahisitōliá ʻi he ʻinitanetí.