Ko ʻEmau Tukupā ke Malava ʻo Maʻu Atú
ʻOku mau tukupā ki hono fakapapauʻi ʻoku ʻatā ʻemau ngaahi maʻuʻanga tokoni fakatohi hohokó ki he fakafoʻituitui kotoa pē ʻo kau ai kinautolu mo e ngaahi faingataʻaʻia fakaesinó.
Malava ke Maʻu Atu mei he Kamataʻangá
ʻOku fakakaukauʻi ʻe he FamilySearch ʻa e tuʻunga malava ke maʻu atú ʻi hono faʻu mo fakatupulaki ʻo ʻemau uepisaití mo e ngaahi polokalama fakakomipiutá. ʻOku mau feinga ke fakafenāpasi mo e Ngaahi Fakahinohino ki he Tuʻunga Malava ke Maʻu Atu ʻo e Fakamatalá (WCAG)ke fakapapauʻi ʻoku lava ʻemau ngaahi ngāué ʻo vakai ki ai, faingofua hono fakaʻaongaʻí, mahinongofua, pea tuʻuloa. ʻOku mau fekumi maʻu pē ki he ngaahi tokoni meiate kinautolu ʻoku nau fakaʻaongaʻí ke ʻiloʻi e ngaahi feituʻu ke fakaleleiʻí pea hokohoko atu hono fakaleleiʻi ʻemau ngaahi meʻangāue fakakomipiutá ke tokoni lelei ange ki he ngaahi fāmilí ʻi he tapa kehekehe ʻo e māmaní.
Ngaahi Faʻunga ke Malava ʻo Maʻu Atu Aí
Ke tokoniʻi ʻa e ngaahi fiemaʻu kehekehé, ʻoku maʻu atu ʻi he FamilySearch ʻa e ngaahi meʻa kehekehe hangē ko e:
- Malava ke lau ʻa e screen maʻanautolu ʻoku poʻuli pe ʻikai lelei ʻenau vakaí.
- Tokoni ki hono fakaʻaongaʻi ʻo e keyboard maʻanautolu ʻoku ʻikai ngāue lelei honau nimá.
- Closed captioning ʻi he ngaahi vitioó maʻanautolu ʻoku ʻikai lelei ʻenau fanongó.
- Faʻunga faingofua ki he laukongá ki he ngaahi lekooti mo e maʻuʻanga tokoni fakatohi hohokó, ʻo kau ai e ngaahi ʻata ʻo e fakamatala lahi fakataha mo ha ngaahi fakamatala tonu ʻo e fakamatala ko iá.
ʻOku Fēfe ʻEmau Faifatongiá?
Kapau ʻokú ke aʻusia ha ngaahi fakafeʻātungia ʻi hono fakaʻaongaʻi ʻemau uepisaití pe apps pe ʻi ai ha ngaahi fokotuʻu ki hono fakaleleiʻi ʻo e aʻusiá, kātaki ʻo fetuʻutaki mai ʻi he support@FamilySearch.org. ʻOku tokoni mai hoʻo fakamatalá ke mau ʻai ke toe lelei ange ʻa e FamilySearch.org kiate kinautolu ʻoku ʻaʻahi mai ʻi he uepisaití.
Fetuʻutaki ki he Vaʻa Tokoní