Vakai ki he Kui ʻUluaki

ʻI he Fuʻu ʻAkau Fakafāmilí, fakaʻaongaʻi ʻa e vakai ki he Kui ʻUluakí ke fakahū mo fakaʻaliʻali ʻa e ngaahi tohi hohoko ʻo e haʻa Faka-Siainá mei he ʻū lekooti jiapu. ʻOku toe ʻaonga foki ʻa e monitoa vakaiʻi ko ʻení ki he ngaahi anga fakafonua ʻa ia ʻoku nau fikaʻi e ngaahi vā fetuʻutaki fakaematakalí, fakaehaʻá, mo e vā ʻi he tafaʻaki tamaí ʻo fāi ai ki mui ki he kui fakalangilangí. Ki ha fakamatala lahi ange, vakai, Te u fakaʻaongaʻi fēfē nai ʻa e vakai ki he Kui ʻUluakí ʻi he Fuʻu ʻAkau Fakafāmilí?

Ko e jiapu ko ha lēkooti fakafāmili ia ʻo e ngaahi toʻu tangata kehekehe ʻoku tauhi ʻe ha haʻa Faka-Siaina. ʻOku faʻa kamata ʻaki e tohi hohokó hano fakamatalaʻi e kui ʻuluakí—ko hai ia, feituʻu naʻá ne nofo aí, meʻa naʻá ne faí—pea hokohoko atu mo ʻene fānaú, makapuná, makapuna uá, mo e ngaahi meʻa peheé.

ʻIo. Kapau ʻoku ʻikai ke ʻi ai haʻo ngaahi kui Siaina, ʻoku talitali lelei koe ke ke ʻahiʻahiʻi hono vakaiʻi ʻo e Kui ʻUluakí. Fakatokangaʻi ange, ka, ko e vakai ki he Kui ʻUluakí ʻoku ʻikai fakataumuʻa ia ke hoko ko ha saati-taumuʻa fakalūkufua ʻo e hakó.

ʻOku fikaʻi ʻa e halanga ʻo e haʻá ʻi hono fakaʻaongaʻi ʻa e ngaahi lao ʻoku fakapatonu pē ki he jiapu faka-Siainá. ʻOku ʻuhinga ʻeni ʻoku muimui ia ʻi he laine ʻo e tafaʻaki ʻa hoʻo tamaí ke fikaʻi ha halanga ʻo e haʻá mo fakaʻaliʻali ʻa e fehokotakí. He ʻikai maʻu ʻe he vakai ki he ʻUluaki Kuí ha halanga ʻo e haʻa ʻi ho vahaʻa mo ha taha ʻo hoʻo ngaahi kui kehé, ʻo aʻu pē ki he niʻihi ʻokú ke fāmili tonu mo iá.

Ko e kui ʻuluakí ko e fuofua mēmipa ia ʻoku tukuʻau mai mei ai ʻa e haʻá. ʻOku tānaki atu ʻa e kui ʻuluakí ki ʻolunga ʻi he monitoa ki he vakaiʻí. Te ke lava leva ʻo fakaʻaliʻali pe tānaki atu hono hakó ʻo fakahokohoko hifo ki lalo ʻi he sātí.

Ko e tokotaha ʻoku fakatefito ai e tokangá ko e tokotaha ia ʻoku haʻana ʻa e ngaahi kui ʻoku fakaʻaliʻali ʻi he sātí. ʻOku meimei ko koe pē ia. Te ke lava ʻo fakaʻaliʻali pe tānaki atu hoʻo ngaahi kuí ʻo fakahokohoko ki ʻolunga ʻi he sātí.

ʻOku muimui ʻa e halanga ʻo e haʻá ʻi he laine ʻo e tafaʻaki ʻa e tamaí mei he tokotaha ʻoku fakatefito ai e tokangá mo e kui ʻuluakí. ʻOku ʻasi ia ʻi he hili hono fakahū ʻa e ngaahi toʻu tangata kotoa ʻi he vahaʻa ʻo e kui ʻuluakí mo e tokotaha ʻoku fakatefito ai e tokangá. Te ke sio ki aí ko ha fakaʻilonga lanu engeenga ia ʻi he ngaahi taila ʻo e tokotaha takitaha ʻi he halangá.

Ko e angamahení, ‘oku muimui ʻa e halanga lanu engeenga ʻo e haʻá ʻa ia ʻoku ʻasi ʻi he vakai ki he Kui ʻUluakí ʻi he hohoko ʻi he tafaʻaki ʻo e tamaí mei he kui ʻuluaki ʻi ʻolungá pea mo e tokotaha ʻoku fakatefito ai e tokangá ʻi laló.


Kapau ʻoku ʻikai ʻasi mai ʻa e halanga ʻo e haʻá, mahalo ʻoku makatuʻunga ʻi ha taha ʻo e ngaahi ʻuhinga ko ʻení:

• Ko e tokotaha ʻoku fakatefito ai e tokangá ʻoku teʻeki ai ke fili ha kui ʻuluaki ʻi he Fuʻu ʻAkau Fakafāmilí. Kuo pau ke ke tānaki atu ʻa e kui ʻuluakí ki he tokotaha kotoa pē ʻi ha fāmili, neongo kapau ʻoku maʻu ʻe he tokotaha ko iá ʻa e kui ʻuluaki tatau pē.
• ʻOku teʻeki ke ʻi he Fuʻu ʻAkau Fakafāmilí ʻa e ngaahi toʻu tangata kotoa pē ʻi he vahaʻa ʻo e tokotaha ʻoku fakatefito ai e tokangá pea mo e kui ʻuluakí.
• Ko e vā fetuʻutaki ʻi he vahaʻa ʻo e tokotaha ʻoku fakatefito ai e tokangá pea mo e kui ʻuluaki kuo filí ʻoku ʻikai ko ha laine ʻo e tamaí (ʻi he laine ʻo e tafaʻaki ʻo e tamaí). Ke liliu ʻa e halanga ʻo e haʻá ke fakaʻasi e niʻihi naʻe ohí, muimui ʻi he founga ko ʻení:
  
  
  1. Tānaki atu ki he Fuʻu ʻAkau Fakafāmilí ʻa e ngaahi mātuʻa ʻoku totonu ke nau ʻi he halanga ʻo e haʻá.
  2. Fili ʻa e ongomātuʻa ʻoku totonu ke na ʻi he halanga ʻo e haʻá ko e ongomātuʻa ia ʻoku fiemaʻú.
  3. Tānaki atu ʻa e kui ʻuluakí ki he tokotaha ʻoku totonu ke ʻi he haʻá.
  4. Foki ki he tokotaha totonu ne fakatefito ai e tokangá.

Ki ha fakahinohino fakaikiiki, vakai, Te u fakatonutonu fēfē nai ʻa e halanga ʻo e haʻá ʻi he Fuʻu ʻAkau Fakafāmilí?


Ke vakai ki he anga hoʻo kāinga mo ha faʻahinga kui pē ʻoku ʻikai ke ʻi he tafaʻaki hoʻo tamaí, lomiʻi ʻi he hingoa ʻo e tokotahá, pea lomiʻi leva ʻi he Vakai ki he Vā Fetuʻutakí ʻi he laʻipepa he tafaʻakí.

Ko e founga vave taha ke fakafoki ai koe ko e tokotaha ʻoku fakatefito ai e tokangá ko hoʻo lomiʻi ʻi he Home.: .

ʻI he taimi te ke fuofua liliu ai ki he vakai ki he Kui ʻUluakí, ʻe tokoni atu ha pōpoaki ʻoku ʻasi hake (popup) ke ke fakahū hoʻo kui ʻuluakí. Kapau he ʻikai ʻasi hake ha pōpoaki, fakaʻaongaʻi ha taha ʻo e ngaahi meʻa ko ʻení:

1. Fakapapauʻi ko e tokotaha ʻoku ʻasi ʻi lalo he monitoá ko e tokotaha totonu ia ke fakatefito ai e tokangá.
2. Fai ha fili ke tānaki atu ʻa e kui ʻuluakí:
   
   
   • ʻI ʻolunga ʻi he feituʻu ʻoku totonu ke ʻasi ai e hingoa ʻo e kui ʻuluakí, lomiʻi ʻi he Tānaki e Kui ʻUluakí.
   • ʻI he tokotaha ʻoku fakatefito ai e tokangá, lomiʻi ʻi he +, pea lomiʻi ʻi he Tānaki e Kui ʻUluakí.
   • Lomiʻi ʻi he meʻa lomi ʻo e Ngaahi Meʻa ke Fili Mei Aí, pea lomiʻi ʻi he Tānaki e Kui ʻUluakí. Kapau kuo ʻosi ʻi ai ha kui ʻuluaki ʻa e tokotahá ʻe taha, lomiʻi ʻi he Lahi Ange. Lomiʻi leva ʻi he Tānaki e Kui ʻUluakí.
3. Muimui ki he ngaahi fakahinohino ʻi he monitoá.