ʻI he taimi ʻe niʻihi ʻoku feinga ai ha tokotaha ʻi he polokalamá ke sio ki he ngaahi vāfetuʻutakí, ʻoku pehē ʻe he tokotaha ʻokú ne vakaiʻi ʻa e vāfetuʻutakí, “ʻIkai Kāinga” pe ʻIkai Maʻu ha Vāfetuʻutaki.” Ko ha ngaahi ʻuhinga ʻeni ʻe niʻihi ʻoku hoko ai ʻení mo ha ngaahi fakalelei ʻe ala hokó:
Kuo pau ke fakangofua
ʻI he taimi ʻoku fakafehokotaki ai ʻa kinautolu ʻoku nau fakaʻaongaʻí ʻi he messaging (pōpoakí), te nau lava ʻo femamataʻaki ki honau vāfetuʻutakí. Ke lava ʻo vakaiʻi ʻa e vāfetuʻutakí, ʻe fakatou fiemaʻu ke fakaʻatā ʻe kinautolu ʻoku nau fakaʻaongaʻí ʻa hono mamataʻi ʻo e vā-fetuʻutakí. ʻAlu ki hoʻo Settings pea fakamoʻui i ʻa e Enable Relationship Viewing. ʻE fakaʻatā heni koe mo e niʻihi kehe ʻoku nau fakaʻaongaʻí ke nau mamata ki honau vāfetuʻutaki mo koé, kae pehē ki haʻamou ngaahi kui ʻoku mou fevahevaheʻaki. ʻOku ʻikai uesia ʻe he fakangofua ko ʻení ho vāfetuʻutaki ke mamatá ʻi ho vā mo e kakai ʻi hoʻo fuʻu ʻakau fakafāmilí.
ʻOku fiemaʻu ʻe hoʻo fuʻu ʻakau fakafāmilí ha fakamatala pau lahi ange
Kapau kuo teʻeki ke ke tānaki ho fāmilí ki he fuʻu ʻakaú, he ʻikai ke mau lava ʻo maʻu ha kāinga. ʻE fiemaʻu ke ke kamataʻi ha meʻa ʻe taha kae lava ke maʻu ʻe he Fuʻu ʻAkau Fakafāmilí ha fakamatala fekauʻaki mo koe ke ke fekumi ki ai.
Kapau ʻoku kamata haʻo fuʻu ʻakau fakafāmili, mahalo ʻe fiemaʻu pē ke ke toe tānaki atu mo ha ngaahi toʻu tangata siʻi koeʻuhí ke tau lava ʻo maʻu ho ngaahi vā-fetuʻutaki mo e niʻihi kehé. Feinga ke toe foki ki ha taha ʻo e ngaahi laine ho fāmilí (ko e ngaahi kui ʻa ha taha ʻo hoʻo ongomātuʻá) ʻi ha ngaahi toʻu tangata siʻi. ʻE hanga ʻe he meʻá ni ʻo ʻoange ha ngaahi faingamālie lahi ange ki he ngaahi vā fetuʻutaki fakafāmili mo e niʻihi kehe ʻoku nau ngāue ʻakí.
ʻIkai tokolahi feʻunga ʻa e ngaahi fuʻu ʻakaú.
Mahalo ʻoku ʻikai ha ngaahi fuʻu ʻakau fakafāmili feʻunga ʻe fakahū mai mei hoʻo konga pau ʻo e māmaní. ʻOku faingataʻa heni ke lava ʻe he Fuʻu ʻAkau Fakafāmilí ʻo maʻu ha fehokotaki. Te ke lava ʻo tokoni ʻaki hono poupouʻi ʻa e niʻihi kehé ʻaki ha puipuituʻa tatau ke fakahū ʻenau fakamatalá ʻi he Fuʻu ʻAkau Fakafāmilí lolotonga hoʻo hokohoko atu ke ngāue ʻiate koe peé.
ʻOku ʻikai maʻu hoʻo kui angamahení ʻi loto ʻi he toʻu tangata ʻe 15
ʻOku fekumi ʻa e tokotaha ʻokú ne vakaiʻi ʻa e vā fetuʻutakí ki ha toʻu tangata ʻe 15 ʻo ʻenau ngaahi kuí pea aʻu ki he toʻu tangata ʻe 15 honau hakó. Mahalo ʻoku ʻi ai haʻo kui tatau ʻi he toʻu tangata ʻe 15 kuohilí.
Ngaahi fakamatala fekauʻakí
Te u sio fēfē nai ki hoku vā fetuʻutaki mo ha tokotaha ʻi he Fuʻu ʻAkau Fakafāmilí?
Vakaiʻi ʻo e Vā Fetuʻutakí: ʻE founga fēfē nai haʻaku fakamoʻui pe tamateʻi ʻa e fili ke vakai ki hoku vā fetuʻutaki mo e niʻihi kehe ʻoku nau fakaʻaongaʻí?
Te u sio fēfē nai ki hoku vā fetuʻutaki mo ha tokotaha ʻi he Manatu Melié?