ʻOku fikaʻi ʻe he polokalama vakai ki he vā fetuʻutakí ho vā fetuʻutaki mo ha taha ʻi he Fuʻu ʻAkau Fakafāmilí pea fakaʻasi ha saati ʻoku ʻasi ai e fetuʻutaki fakahangatonu ʻiate koe mo e tokotahá. ʻI ʻolunga ʻi he sātí, te ke lava ʻo sio ai ki ho vā fetuʻutakí, hangē ko ʻEku Kui Fefiné pe Ko Hoku Kāsini ʻUluakí. Kapau naʻe ʻikai maʻu ha vā fetuʻutaki, ʻe ʻasi mai leva ʻa e polokalama vakaiʻí ko e “ʻIkai ʻIloʻi ʻa e Vā Fetuʻutakí.”
- Hū ki he FamilySearch, pea lomiʻi ʻi he Ngaahi Manatu Melié.
- Lomiʻi ʻi he Kakaí.
- Kumi ʻa e tokotaha ʻokú ke fie vakai ki he anga hoʻomo kāingá.
- ʻI he konga ki lalo ʻo e fakamatala ki he tokotahá, lomiʻi ʻi he Vakai ki Hoku Vā Fetuʻutakí. ʻOku ʻasi mai ha saati ke fakahaaʻi e anga hoʻo kāinga mo e tokotaha ko iá.
- Ke fakaʻata lahi pe fakaʻata siʻí, lomiʻi ʻi he + pe -.
- Ke fakaʻaliʻali ʻenau pēsí ʻi he Fuʻu ʻAkau Fakafāmilí, lomiʻi ʻi he X ke hū ki tuʻa mei he vakaiʻi e vā fetuʻutakí.
- Lomiʻi ʻi he hingoa ʻo e tokotahá.
ʻOku ʻikai maʻu ʻi he polokalama telefoni toʻotoʻo ʻo e Fuʻu ʻAkau Fakafāmilí mo e Ngaahi Manatu Melié ʻa e polokalama vakaiʻi ʻo e vā fetuʻutaki ki he ngaahi manatu melié. Kātaki ka ke fakaʻaongaʻi ʻa e uepisaití.
ʻOku ʻikai ʻasi ʻi he Fuʻu ʻAkau Fakafāmili Laití ʻa e Ngaahi Manatu Melié pe ko hoʻo vā fetuʻutaki ki ha tokotahá. Kātaki ka ke fakaʻaongaʻi ʻa e uepisaití.
Te u sio fēfē nai ki hoku vā fetuʻutaki mo ha tokotaha ʻi he Fuʻu ʻAkau Fakafāmilí?
ʻOku fakapapauʻi fēfē ʻe he polokalama vakaiʻi e vā fetuʻutaki ʻi he Fuʻu ʻAkau Fakafāmilí pe ʻoku ʻi ai hamau kāinga?