ʻE lava ʻa e kau mēmipa kotoa pē ʻi ha kulupu fakafāmili ʻo sio mo fakatonutonu ʻa e ngaahi fakamatala kotoa ʻi he fuʻu ʻakau fakafāmili fakakulupú. Hangē ko ʻení, ʻoku fakangofua ai heni ʻa e kau mēmipa kehe ʻo e fāmilí ke vahevahe ʻa e ʻū tā mo e ngaahi manatu melie fekauʻaki mo kinautolú.
ʻE lava foki ʻe he kau mēmipa ʻo e kulupú ʻo fili ʻenau tokotaha kamata ke ngāue ʻaki ʻi he taimi ʻoku fakaʻasi ai e fuʻu ʻakau fakafāmili fakakulupú.
ʻOku totonu ke tokanga ʻa e kau mēmipa kotoa pē pea muimui ʻi he ngaahi fakahinohino ki he totonu fakafoʻituituí, aleapau ki hono fakaʻaongaʻi ʻo e FamilySearch, pea mo e tuʻutuʻuni ki he ʻulungaanga ke fakaʻaongaʻi ʻi he kulupú.
ʻOku fatongia ʻaki ʻe he niʻihi ʻoku nau tokoni maí ʻa hono fakapapauʻi ʻoku nau maʻu ʻa e ngaahi totonu mo e ngofua ke vahevahe ʻa e fakamatala ʻi loto ʻi he kulupú, ʻo kau ai ʻa e fakamatala fakataautaha ʻo e niʻihi fakafoʻituitui ʻoku kei moʻuí.
Kakai moʻuí
ʻE lava ʻa e kau mēmipa kotoa pē ʻi ha kulupu fakafāmili ʻo sio mo fakatonutonu ʻa e ngaahi fakamatala kotoa ʻi he fuʻu ʻakau fakafāmili fakakulupú.
ʻOku ʻikai ha faʻahinga founga ke hanga ai ʻe ha tokotaha ʻo loka ʻenau lekooti ʻi he ʻakau fakafāmili fakakulupú ke taʻofi hano liliu ʻe ha kau mēmipa kehe ʻi he kulupú.
Ngaahi kui kuo nau pekiá.
ʻOku lava ʻa e kau mēmipa kotoa ʻo e kulupú ʻo sio mo fakatonutonu ʻa e ngaahi kui kuo pekiá ʻa ia ʻoku nau fehokotaki mo e kakai moʻui ʻi he ʻakau fakafāmili fakakulupú.
Ko e tefitoʻi faikehekehe ʻi he kakai moʻuí pea mo kinautolu kuo pekiá ʻi ha ʻakau fakafāmili fakakulupu, he ko e ngaahi kui kuo pekiá ʻoku nau ʻi ha ʻakau fakafāmili maʻá e kakaí, ʻa ia ʻe lava ke sio mo fakatonutonu ʻe he kinautolu kotoa pē ʻi he FamilySearch ʻa e fakamatalá.
ʻOku ʻikai ha founga ke ʻave ai ʻa e kui kuo pekiá mei he ʻakau fakafāmili ʻa e kakaí koeʻuhi ke mamata mo fakatonutonu ʻe he fāmilí pē.
Kakai ʻikai fakahāhāholó
Kapau ʻokú ke maʻu ha kakai ʻikai fakahāhāholo ʻi hoʻo lisi fakataautahá, te ke lava ʻo hiki tatau kinautolu ki ha ʻakau fakafāmili fakakulupu pea vahevahe ke lava ʻe kinautolu ʻoku ʻi he kulupú ʻo maʻu ʻa e fakamatalá. Ko e taimi pē ʻeni ʻe taha ʻe fakaʻasi ai ʻa e ngaahi kui kuo pekiá ki he kau mēmipa ʻo e kulupú.
Ngaahi fakamatala fekauʻakí
ʻOku maluʻi fēfē nai ʻe he ʻAkau Fakafāmilí ʻa e totonu fakafoʻituitui ʻo e kakai moʻuí?
Ko hai ʻe lava ʻo vakai ki he fakamatala fekauʻaki mo e kakai kei moʻui ʻi he ʻAkau Fakafāmilí?
Ko hai ʻoku lava ʻo vakai ki he ngaahi fakamatala fakafoʻituitui ʻo e kakai ʻoku ʻikai fakahāhāholó ʻi he Fuʻu ʻAkau Fakafāmilí?