Ko e taumuʻa fakalūkufua ʻo e Fuʻu ʻAkau Fakafāmilí ke tokoniʻi koe ke ke ʻiloʻi ho fāmilí, pea ke ke ʻiloʻi foki mo ha kiʻi meʻa siʻi fekauʻaki mo koe.
- ʻOku kehe ʻa e Fuʻu ʻAkau Fakafāmilí ia mei he ngaahi uepisaiti tohi hohoko faitatau kehé. Ko e Fuʻu ʻAkau Fakafāmilí ko ha fuʻu ʻakau pē ʻe taha ʻoku fehokotaki mo e kakaí, ʻoku fakafehokotaki fakataha ai e ngaahi fāmilí. ʻOku fakaʻatā pē ʻe he ngaahi saiti kehé ʻa kinautolu ʻoku nau fakaʻaongaʻí ke nau faʻu mo tokangaʻi ʻenau ngaahi fuʻu ʻakau fakatāutahá. ʻOku ngāue fakataha ʻa e tokotaha kotoa pē ʻi he Fuʻu ʻAkau Fakafāmilí ʻi he fakamatala tatau. Ko ʻemau taumuʻá ke fakafehokotaki ʻa e mēmipa kotoa pē ʻo e faʻahinga ʻo e tangatá.
- ʻOku fakafehoanaki ʻe he Fuʻu ʻAkau Fakafāmilí ʻa e ngaahi lēkooti fakahisitōliá ki he kakai ʻi he fuʻu ʻakaú ke tokoni atu ke ke maʻu ha ngaahi maʻuʻanga tokoni maʻá e tokotaha ko iá.
- ʻOku fakafehoanaki ʻe he Fuʻu ʻAkau Fakafāmilí ha kakai tatau ʻi he fuʻu ʻakaú ke tokoni atu ke ke maʻu ha kakai ʻoku ʻasi tuʻo ua, ʻa ia te ke lava ʻo fakatahaʻi.
- ʻOku ʻoatu ʻe he Fuʻu ʻAkau Fakafāmilí ha ʻū meʻangāue ki he fepōpoakiʻakí mo e fengāueʻakí, pea pehē foki ki ha tokoni mataotao taʻetotongi ʻi he telefoní mo e ʻīmeilí, ke tokoni atu ʻi hono fakaleleiʻi e ngaahi fehalaākí.
- ʻOku ngāue ʻaki ʻe he Fuʻu ʻAkau Fakafāmilí e tauhiʻanga fakamatala lahi mo tupulaki ʻa e FamilySearch ke ʻoatu ha fanga kiʻi tokoni fakalekooti. ʻOku tokoni atu ʻa e fanga kiʻi tokoní ke ke fakafehokotaki ki he ngaahi toʻu tangata kimuʻá.
- ʻE lava ke tokoni ʻa e konga ki he Ngaahi Manatu Melié ke ohi ha ngaahi fehokotaki loloto ange ki he ngaahi kuí. Te ke lava ʻo tauhi mo vahevahe ʻa e ngaahi taá mo e ngaahi hisitōliá.
- ʻOku mau fiemaʻu ʻa e Fuʻu ʻAkau Fakafāmilí ke lava ʻo maʻu ʻe he tokolahi taha ʻo e kakai ʻe ala lavá. Makehe mei he uepisaiti kakató, te ke lava ʻo fakaʻaongaʻi hoʻo polokalama telefoni toʻotoʻó pe ko e uepisaiti Family Tree Lite.
Ko ʻemau fakaʻamú, te tau lava ke ngāue fakataha ʻo fakafou ʻi he Fuʻu ʻAkau Fakafāmilí, ke faʻu ha ʻakau fakafāmili ʻoku lahi ai e ngaahi maʻuʻanga tokoní pea ʻatā ki he kakaí. ʻOku mau fie tokoni ki he kau mēmipa ʻo e fāmilí ke nau fehokotaki ki he kāinga kuo pekiá mo kei moʻuí.
Ke ʻilo lahi ange fekauʻaki mo e FamilySearch, pe kapau ʻokú ke fiemaʻu tokoni, hū ki he FamilySearch.org/about.
Ngaahi fakamatala fekauʻakí
Te u ʻave fēfē ha pōpoaki ki ha taha naʻe tokoni ki he Fuʻu ʻAkau Fakafāmilí pe Ngaahi Manatu Melié?
Te u fakaʻaongaʻi fēfē e ngaahi manatu melie ʻa e FamilySearch ke fakatolonga e ngaahi talanoa ki he moʻui ʻa ʻeku ngaahi kuí?