ʻE lava foki ke fakaʻaongaʻi ʻe he kau mēmipa ʻo e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní ʻenau fika lekooti he Siasí ko ha founga ke kumi ʻaki ʻenau ʻakauní. ʻOku lava ke maʻu ʻe he ngaahi ʻakauni ʻoku fehokotaki ki ha fika lekooti ʻi he Siasí ha ngaahi fokotuʻutuʻu maʻá e kāingalotu ʻo e Siasí. Kapau naʻe ʻikai ke ke tānaki ho fiká ʻi he taimi naʻe faʻu ai hoʻo ʻakauní, te ke lava ke toki tānaki atu ia ʻamui. ʻE lava ke ʻoatu ʻe hoʻomou kalake fakauōtí pe fakakoló hoʻo fiká. ʻOku toe maʻu foki ʻa e fiká ʻi he polokalama Member Tools.
Ngaahi Sitepu (uepisaiti FamilySearch.org)
- Hū ki he https://familysearch.org/.
- ʻI he konga ki ʻolunga ʻi he tafaʻaki toʻomataʻu ʻo e monitoá, lomiʻi ʻi ho hingoá.
- Lomiʻi ʻi he Settings.
- Lomiʻi ʻi he tab ʻAkauní.
- Tānaki atu hoʻo fika lekooti ʻi he Siasí ki hoʻo ʻakauní.
- ʻI he tafaʻaki ki lalo ʻo e monitoá, lomiʻi ʻi he Tānaki e Fika Lekooti ʻi he Siasí.
- Fakahū ʻa e fakamatalá:
- Hingoa ʻuluakí mo e fakaʻosí
- ʻAho fāʻeleʻí
- Ko ha faʻahinga mataʻifika pē ʻoku kamata ʻaki e noá ko ha konga ʻo e mataʻifika ʻe 11 ʻo e fika lekooti ʻa e Siasi. ʻOku ʻikai fiemaʻu ʻa e ngaahi haifiné (dash).
- Lomiʻi ʻi he Seivi.
- Hū ki tuʻa, pea toe hū ki loto.
Kapau ʻokú ke maʻu ha pōpoaki fehalaaki ʻoku fakahaaʻi ai ʻoku hala ʻa e fiká pe ʻaho fāʻeleʻí, ʻoku ngalingali naʻe fehalaaki hoʻo fakahū ʻa e ongo mataʻifiká fakatouʻosi. Kātaki ʻo toe fakapapauʻi hoʻo fakamatalá pea toe feinga pē.
Ngaahi Sitepu (uepisaiti ChurchofJesusChrist.org)
- Sign in ki he https://ChurchofJesusChrist.org.
- ʻI ʻolunga he tuliki toʻomataʻu ʻo e monitoá, lomiʻi ʻi hoʻo laʻitā pe fakaʻilonga ʻaikoní.
- Lomiʻi ʻi he Account Settings.
- ʻI he toʻomataʻú, lomiʻi ʻi he Mēmipasipí.
- Fakahū kotoa ʻa e mataʻifika ʻe 13 ʻo hoʻo fiká, ʻo kau ai ʻa e ngaahi fakaʻilonga haifiné.
- ʻI he konga ki lalo ʻo e pēsí, lomiʻi ʻa e Seivi ʻa e Ngaahi Liliú.
Hili hoʻo tānaki hoʻo fika lekōtí, hū ki loto ki he FamilySearch.org mei he Hū ki loto ʻaki e Church Account ʻi he peesi kamatá.
Pōpoaki “ʻOsi ʻi ai ha tokotaha ngāue pehē”
Kapau te ke maʻu ʻa e pōpoaki “ʻOku hangē kuo ʻosi ʻi ai haʻo ʻakauni mēmipá,” ʻoku ʻuhinga ia kuo ʻosi ngāue ʻaki hoʻo fika lekooti ʻi he Siasi ʻi ha ʻakauni kehe. Mahalo kuó ke fokotuʻu ʻa e ʻakauní ke fakaʻaongaʻi ʻa e ʻū koloa fakakomipiuta kehe ʻa e Siasí. Ko e ʻakauni pē ʻe taha te ke lava ʻo tānaki ki ai hoʻo fika lekooti ʻi he Siasí.
Hū ki he FamilySearch.org ʻaki ʻa e hingoa ngāue mo e lea fufū tatau ʻokú ke fakaʻaongaʻi ki he ngaahi polokalama kehe ʻa e Siasí.
Ngaahi fakamatala fekauʻakí
Te u maʻu ʻi fē ʻeku fika lekooti ʻi he Siasí?
Kuo ngalo ʻeku lea fufuú pe hingoa ngāue ki he FamilySearch
ʻI heʻeku feinga ke tānaki atu ʻeku fika lekooti ʻi he Siasí ki heʻeku ʻakauní, ʻoku ou maʻu ha pōpoaki ʻoku ʻosi ngāue ʻaki ʻeku fika lekooti ʻi he Siasí