Te ke lava ʻo kumi ha hingoa ngāue kuo ngalo pe toe liliu ha lea fufū kuo ngalo ki hoʻo ʻakauni FamilySearch ʻo fakaʻaongaʻi ʻa e ngaahi fili naʻe fehokotaki fakahangatonu ki hoʻo ʻakauní:
- Ko hoʻo fika telefoni toʻotoʻó
- Ko ho tuʻasila ʻīmeilí
Te ke lava ʻo toe maʻu ha hingoa ngāue pe fakafoʻou ha lea fufū kapau naʻá ke fakamoʻui hoʻo ʻakauni FamilySearch. Kapau ʻoku ʻikai fakamoʻui ho ʻakauní, kātaki ʻo fetuʻutaki ki he FamilySearch Support.
Ngaahi Sitepú (uepisaiti)
- ʻI he tuliki toʻomataʻu ki ʻolunga ʻo e uepisaiti FamilySearch, lomiʻi ʻa e Hū ki he Polokalamá.
- Fakahoko ha taha ʻo e ngaahi meʻá ni, ʻo makatuʻunga pē pe ko ho hingoa ngāué pē kuo ngaló, pe lea fufuú, pe fakatouʻosi:
- Hingoa ngāué pē: Lomiʻi ʻa e hingoa ngāué ʻi lalo ʻi he feituʻu ki he Lea Fufuú.
- Lea fufuú pē: Lomiʻi ʻa e lea fufū ʻi lalo ʻi he feituʻu ki he Lea Fufuú.
- Fakatouʻosí: Lomiʻi ʻa e hingoa ngāué ʻi lalo ʻi he feituʻu ki he Lea fufuú. Lomiʻi leva ʻi he puha ofi ki he Kuo ngalo mo ʻeku lea fufuú.
- Fili ha founga ke toe kumi ʻaki hoʻo ʻakauní ʻo makatuʻunga ʻi he fakamatala naʻá ke fakahū lolotonga ʻa e lesisitá.
- Telefoni Toʻotoʻó: Fakahū hoʻo fika telefoni toʻotoʻó. ʻE hū ha kouti fakapapauʻi ki he fika ko iá. Fakahū ʻa e kouti fakapapauʻí ʻi he feituʻu ʻoku ʻoatú, pea lomiʻi ʻa e Hoko Atú.
- ʻĪmeilí: Fakahū ho tuʻasila ʻīmeilí. Te ke maʻu ha ʻīmeili ʻoku ʻi ai e ngaahi hingoa ngāue kotoa ʻoku felāveʻi mo e ʻakauni ʻīmeili ko iá. Fakaava ʻa e ʻīmeilí, pea lomiʻi ʻa e hingoa ngāue ʻokú ke fie fakaʻaongaʻí.
- ʻE makatuʻunga e hoko atú mei hoʻo fakahaaʻi e meʻa kuo ngaló:
- Hingoa ngāué pē: ʻE toe ʻasi mai ʻa e peesi hū ki he polokalamá, fakataha mo ho hingoa ngāué kuo ʻosi fakafonu mai pē ia. Te ke lava leva he taimí ni ʻo fakahū hoʻo lea fufuú, peá ke hū ki he polokalamá. Pe kapau ʻokú ke pehē kuo ngalo foki mo hoʻo lea fufuú, lomiʻi ʻi he lea fufuú ke fakafoʻou ho lea fufū.
- Lea fufuú pē: ʻE ʻasi mai ʻa e founga ke toe fakafoʻou ai hoʻo lea fufuú.
- Fakatouʻosí: ʻE ʻasi mai ʻa e founga ke toe fakafoʻou ai hoʻo lea fufuú. ʻE ʻasi mai ho hingoa ngāué ʻi he screen.
- Kapau ʻe fie maʻu, fakafoʻou hoʻo lea fufū:
- Fakahū ha lea fufū foʻou.
- Fakapapauʻi ʻa e lea fufū foʻoú.
- Lomiʻi ʻi he Fakafoʻoú.
Ngaahi Sitepú (ngaahi polokalama telefoni toʻotoʻó)
- Kamata ʻi he polokalama telefoni toʻotoʻó ʻi he Fuʻu ʻAkau Fakafāmilí pe Ngaahi Manatu Melié.
- Lomiʻi ʻa e Hū ki he Polokalamá.
- Kapau kuo ngalo ʻiate koe ho hingoa ngāué pe lea fufuú, lomiʻi ʻa e Tokoní.
- Fakahoko ha taha ʻo e ngaahi meʻá ni, ʻo makatuʻunga kapau ko ho hingoa ngāué pē kuo ngaló, pe lea fufuú pē, pe fakatouʻosi:
- Hingoa ngāué pē: Lomiʻi ʻa e Ngalo ʻa e Hingoa Ngāué?
- Lea fufuú pē: Lomiʻi ʻa e Ngalo ʻa e lea fufuú?
- Fakatouʻosi: Lomiʻi ʻa e Ngalo ʻa e Hingoa Ngāué? Pea, ʻi he screen hokó, lomiʻi ʻa e puha ofi ki he Kuo ngalo foki mo ʻeku lea fufuú.
- Fili ha founga ke toe kumi ʻaki hoʻo ʻakauní ʻo makatuʻunga ʻi he fakamatala naʻá ke fakahū lolotonga ʻa e lesisitá.
- Telefoni Toʻotoʻó: Fakahū hoʻo fika telefoni toʻotoʻó. ʻE hū ha kouti fakapapauʻi ki he fika ko iá. Fakahū ʻa e kouti fakapapauʻí ʻi he feituʻu ʻoku ʻoatú, pea lomiʻi ʻa e Hoko Atú.
- ʻĪmeilí: Fakahū ho tuʻasila ʻīmeilí. Te ke maʻu ha ʻīmeili ʻoku ʻi ai e ngaahi hingoa ngāue kotoa ʻoku felāveʻi mo e ʻakauni ʻīmeili ko iá. Fakaava ʻa e ʻīmeilí pea lomiʻi ʻa e hingoa ngāue ʻokú ke fie fakaʻaongaʻí.
- ʻE makatuʻunga e hoko atú mei hoʻo fakahaaʻi e meʻa kuo ngaló:
- Hingoa ngāué pē: ʻE toe ʻasi mai ʻa e peesi hū ki he polokalamá, fakataha mo ho hingoa ngāué kuo ʻosi fakafonu mai pē ia. Te ke lava leva he taimí ni ʻo fakahū hoʻo lea fufuú peá ke hū ki he polokalamá. Pe kapau ʻokú ke pehē kuo ngalo foki mo hoʻo lea fufuú, lomiʻi ʻi he lea fufuú ke fakafoʻou hoʻo lea fufū.
- Lea fufuú pē: ʻE ʻasi mai ʻa e founga ke toe fakafoʻou ai hoʻo lea fufuú.
- Fakatouʻosí: ʻE ʻasi mai ʻa e founga ke toe fakafoʻou ai hoʻo lea fufuú. ʻE ʻasi mai ho hingoa ngāué ʻi he screen.
- Kapau ʻe fie maʻu, fakafoʻou hoʻo lea fufū:
- Fakahū ha lea fufū foʻou.
- Fakapapauʻi ʻa e lea fufū foʻoú.
- Lomiʻi ʻa e Fakafoʻoú.
Ngaahi Sitepú (ʻAkau Fakafāmili Laití)
- ʻAlu ki he ʻAkau Fakafāmili Laití.
- Kapau ʻokú ke manatuʻi ho hingoa ngāué, fakahū ia, pea lomiʻi ʻa e Hū ki he Polokalamá. Kapau kuo ngalo ho hingoa ngāué, te ke toe lava pē ʻo maʻu ia:
- Lomiʻi ʻa e Ngalo ʻa e Hingoa Ngāué?
- Fili ʻa e founga ʻe lava ke toe kumi ʻaki hoʻo ʻakauní.
- Telefoni Toʻotoʻó: Fakahū hoʻo fika telefoni toʻotoʻó. ʻE hū mai ha kouti fakapapauʻi ki he fika ko iá. Fakahū ʻa e kouti fakapapauʻí ʻi he feituʻu ʻoku ʻoatú, pea lomiʻi ʻa e Hoko Atú.
- ʻĪmeilí: Fakahū ho tuʻasila ʻīmeilí. Te ke maʻu ha ʻīmeili ʻoku ʻi ai e ngaahi hingoa ngāue kotoa ʻoku felāveʻi mo e ʻakauni ʻīmeili ko iá. Fakaava ʻa e ʻīmeilí, pea lomiʻi ʻa e hingoa ngāue ʻokú ke fie fakaʻaongaʻí.
- Kapau kuo ngalo ʻiate koe hoʻo lea fufuú, te ke lava ʻo fakafoʻou ia:
- Lomiʻi ʻa e Ngalo ʻa e lea fufuú?
- Fakahū ho hingoa ngāué.
- Lomiʻi ʻa e Hoko Atú.
- Tali ʻa e ngaahi fehuʻi maluʻí, pea lomiʻi ʻa e Fakahū ʻa e Ngaahi Talí.
- Fili ʻa e meʻa ke fili mei ai ʻi he telefoni toʻotoʻó pe ʻīmeilí.
- Lomiʻi ʻa e Hoko Atú.
- Te ke maʻu ha pōpoaki mo e founga ke fakafoʻou ʻaki hoʻo lea fufuú. Fakaava e pōpoakí, pea lomiʻi ʻi he Fakafoʻou e Lea Fufuú.
- Fakahū pea fakapapauʻi hoʻo lea fufū foʻoú.
- Lomiʻi ʻi he Fakafoʻou e Lea Fufuú.
Ngaahi fakamatala fekauʻakí
Te u kole fēfē ke toe ʻave ha kouti fakapapauʻi ke fakamoʻui ʻaki ʻeku ʻakauni FamilySearch?
Te u kole fēfē ke toe ʻave ʻe he FamilySearch ha ʻīmeili fakapapauʻi ki heʻeku ʻakauní?