Te ke lava ʻo fakapipiki ha ʻū tā ki he ngaahi talanoa ʻi he Tauhiʻanga Tā ʻo e Ngaahi Manatu Melié.
- ʻE lava ke fakapipiki ha tā ʻe taha ki ha talanoa lahi ange ʻi he tahá.
- ʻE lava foki ke tānaki ha ʻū tā ʻoku fakamatala fakapepa ki he ngaahi talanoá.
- ʻOku lava ʻo aʻu ki he ʻū tā ʻe 10 ʻe lava ke load ki he talanoa takitaha.
Te ke lava foki ʻo fakapipiki ha tā kae ʻikai fakahāhāholo ki ha talanoa ki he kakaí. ʻE lava ʻa kinautolu kehe ʻoku nau fakaʻaongaʻi ʻa e FamilySearch ke nau sio pē ki he talanoá kae ʻikai lava ʻo sio ki he taá.
Ngaahi Sitepu (uepisaiti)
- Hū ki he FamilySearch.
- ʻI he konga ki ʻolunga ʻo e pēsí, lomiʻi ʻi he Ngaahi Manatu Melié.
- Lomiʻi ʻi he Tauhiʻanga Taá.
- Lomiʻi ‘i he fakaʻilonga ʻo e Ngaahi Talanoá (‘oku hangē ha tohi ʻoku fakaavá).
- Lomiʻi ʻi ha talanoa ʻokú ke fie tānaki ki ai ha tā.
- ʻI ʻolunga ʻi he hingoa ʻo e talanoá, lomiʻi ʻi he Fakatonutonu e Talanoá.
- ʻI ʻolunga ʻi he tohi talanoá, ʻi he puha ʻoku kau ai ha fakaʻilonga meʻafaitaá, te ke lava ʻo fili ke upload ha tā mei hoʻo komipiutá pe fili mei he ʻū tā kuo ʻosi ʻi he Tauhiʻanga Taá. Hokohoko atu mo e ngaahi fakahinohino totonu ʻi laló.
Upload e Taá
- Lomiʻi e Upload e Taá.
- Kumi ʻa e taá pe fakamatala fakapepa ʻo e taá ʻi hoʻo komipiutá, pea lomiʻi tuʻo ua ke upload.
- Kapau ʻokú ke fie tānaki ha tā ʻe taha, lomiʻi ʻi he + ʻi lalo ʻi he tā ʻoku lolotonga ʻasi maí.
- ʻI he ʻosi hoʻo tānaki e ʻū taá, lomiʻi ʻi he Seivi e Talanoá ʻi ʻolunga ʻi he ʻū tā kuo ʻosi load. (Ka, ʻo kapau ‘oku liliu hoʻo fakakaukaú fekauʻaki mo hono tānaki mai ʻo e ʻū taá, lomiʻi ʻi he Kaniseli.)
Fili mei he Tauhiʻanga Taá
- Lomiʻi ʻi he Fili mei he Tauhiʻanga Taá.
- Kumi ke aʻu ki he ʻū tā ʻe 10 ʻi hoʻo tauhiʻanga taá ke tānaki ki he talanoá.
- ‘I he tuliki toʻomataʻu ʻo e tā takitaha ʻi ʻolungá ʻokú ke fie tānakí, lomiʻi ʻi he vakaiʻi e fakaʻilongá ke fili ia.
- ʻI he tafaʻaki toʻomataʻu ki lalo ʻo e monitoa ki he Fili mei he Tauhiʻanga Taá, lomiʻi ʻi he Fakapipiki e ʻŪ Taá. (Pe, kapau ‘oku liliu hoʻo fakakaukaú fekauʻaki mo hono tānaki ʻo e taá, lomiʻi ʻi he Kaniselí.)
Ngaahi Sitepú (polokalama telefoni toʻotoʻó)
- ʻI he polokalama telefoni toʻotoʻo ʻo e Ngaahi Manatu Melié, lomiʻi ha talanoa ʻokú ke fie tānaki ki ai ha tā.
- Ki he Android, hili hoʻo lomiʻi ʻa e talanoá, lomiʻi ʻa e foʻi toti ʻe tolu ʻi he tuliki toʻomataʻu ʻi ʻolungá, pea lomiʻi leva ʻi he Fakatonutonú.
- Lomiʻi e fakaʻilonga meʻafaitaá. Te ke lava ʻo fili ke faitā ʻaki hoʻo meʻangāue fakaʻilekitulōniká, upload ha tā kuo ʻosi ʻi hoʻo meʻangāue fakaʻilekitulōniká, pe fili mei he ʻū tā kuo ʻosi ʻi hoʻo Tauhiʻanga Tā ʻo e Ngaahi Manatu Melié.
Tānaki Atu ʻa e Taá
- Apple iOS: Lomiʻi ʻi he fakaʻilonga meʻafaitaá ke ʻai ha tā ʻaki hoʻo meʻangāue fakaʻilekitulōniká, pe fili mei he ʻū tā kuo fakaʻaliʻalí ʻa ia ‘oku tauhi ʻi hoʻo meʻangāue fakaʻilekitulōniká. Lomiʻi ʻi he Upload.
- Android: Lomiʻi ‘i he Meʻafaitaá ke ʻai ha tā ʻaki hoʻo meʻangāue fakaʻilekitulōniká, pe lomiʻi ʻi he Failé pea fili mei he ʻū tā ʻoku tauhi ʻi hoʻo meʻangāue fakaʻilekitulōniká. Lomiʻi ʻi he Seiví
Fili mei he Tauhiʻanga Taá
- Apple iOS: ʻI Lalo ʻi he Tānaki ha Taá, lomiʻi ʻi he Camera Roll, pea lomiʻi leva ʻi he FamilySearch. Fili mei he ʻū tā ʻi hoʻo tauhiʻanga taá pea lomiʻi ʻi he Upload.
- Android: Lomiʻi ʻi he Family Search. Fili mei he ʻū tā ʻi hoʻo tauhiʻanga taá.
- Lomiʻi ʻi he + ke tānaki ha toe ʻū tā.
Fuʻu ʻAkau Fakafāmili Laití
ʻI he taimí ni, ʻoku ʻikai poupouʻi ʻe he Fuʻu Akau Fakafāmili Laití ʻa e polokalama ʻo e Ngaahi Manatu Melié.
Ngaahi fakamatala fekauʻakí
Te u upload fēfē nai ha ngaahi manatu melie ki he FamilySearch?
Te u toʻo fēfē nai ha tā, talanoa, fakamatala fakapepa, pe faile ki he fanongó mei he Ngaahi Manatu Melié?
Te u tānaki fēfē nai ha talanoa ki he Ngaahi Manatu Melié?
Te u tag fēfē nai ʻa e kakai ʻi he ngaahi talanoá mo e ngaahi faile ki he fanongó?