Te u tānaki fēfē ha mātuʻa ʻi he ʻAkau Fakafāmilí?

Ko e taha ʻo e ngaahi founga vave taha hono tānaki ʻo e mātuʻá ko hono fakafehokotaki kinautolu ki ha fānau kuo ʻosi ʻi he ʻAkau Fakafāmilí.

Ngaahi Sitepu (uepisaiti)

1. Lolotonga hoʻo ʻi he FamilySearch.org, lomiʻi ʻi he ʻAkau Fakafāmilí.
2. ʻAlu ki he Peesi ʻo ha fānau ʻo ha mātuʻa ʻokú ke fie tānaki.
3. Kapau ʻoku ʻikai ke ke sio ki he “Ngaahi Meʻa Mahuʻingá” ʻa ia ʻoku ofi ki he konga ki ʻolunga ʻo e pēsí, lomiʻi ʻi he Ngaahi Fakaikiikí.
4. ʻAlu hifo ki lalo ki he konga ko e Kau Mēmipa ʻo e Fāmilí .
5. ʻI lalo ʻi he Ongomātuʻá mo e Ngaahi Tokoua/Tuofāfine/Tuongaʻané, lomiʻi ʻi he Tānaki ha Mātuʻá.
6. Fakahū e fakamatala fekauʻaki mo e mātuʻá, pea lomiʻi ʻi he Hoko Atú, ʻa ia ʻoku ʻatā ʻi he hili hoʻo lomiʻi ʻi he Kuo Mate. (Kapau ʻokú ke ʻilo e fika ID ʻo e mātuʻá, lomiʻi ʻi he ʻAki e Fika ID.)
7. Kapau ʻe maʻu ʻe he ʻAkau Fakafāmilí ha kakai ʻoku faitatau mo hoʻo kumí, te ne lisi kinautolu. Fakahaaʻi pe ʻokú ke fie maʻu ke tānaki ha tokotaha ʻoku faitatau pe ke faʻu ha tokotaha foʻou:
   
   • Kapau ʻoku ʻosi ʻi he ʻAkau Fakafāmilí ʻa e tokotahá, lomiʻi ʻi heTānaki Atu e Tataú.
   • Kapau ʻoku ʻikai ke ʻi he ʻAkau Fakafāmilí ʻa e tokotahá, lomiʻi ʻi he Faʻu ha Tokotaha.
   • Ke liliu hoʻo fekumí, lomiʻi ʻi he Fakaleleiʻi e Fekumí.

Ngaahi Sitepú (polokalama mopaila)

1. ʻI he polokalama mopaila ʻa e ʻAkau Fakafāmilí, ʻalu ki he peesi ʻo ha fānau ʻa ha mātuʻa ʻokú ke fie tānaki.
2. Lomiʻi ʻi he Ongomātuʻá.
3. Lomiʻi ʻi he Tānaki ha Mātuʻa.
4. Fakahū ha fakamatala fekauʻaki mo e mātuʻá, pea lomiʻi ʻi he Hoko Atú. (Kapau ʻokú ke ʻilo ʻa e ID, lomiʻi ʻi he ʻAki e Fika ID pe Kumi ʻAki e Fika ID.)
5. Toe vakaiʻi e ngaahi ola ʻo e fekumí. Kapau te ke maʻu e mātuʻa totonú, lomiʻi ʻi he Tānaki Atu e Tataú.
6. Kapau he ʻikai te ke sio ki he tokotahá ʻi he ngaahi ola ʻo e fekumí, lomiʻi ʻi heʻIkai Ha Meʻa ʻoku Tatau.
7. Toe vakaiʻi e meʻa naʻá ke fakahuú, pea lomiʻi ʻi he Tānakí pe Tānaki e Tokotaha ko ʻEní ke faʻu ha lekooti foʻou.

Ngaahi Sitepu (ʻAkau Fakafāmili Lite)

1. ʻI hoʻo hū ki he ʻAkau Fakafāmili Lite, ʻalu ki he Peesi ʻo ha fānau ʻa e mātuʻa ʻokú ke fie tānaki.
2. Lomiʻi ʻi he Vakai ki he Fāmilí.
3. ʻI lalo ʻi he Ongomātuʻá mo e Ngaahi Tokoua/Tuofefine/Tuongaʻané lomiʻi ʻi he Tānaki ha Mātuʻá pe Toe Tānaki Atu ha Mātuʻa.
4. Fakahū ʻa e fakamatala fekauʻaki mo e mātuʻá, pea lomiʻi ʻi he Hoko Atú. (Kapau ʻokú ke ʻilo ʻa e fika ID ʻo e mātuʻá, lomiʻi ʻi he ʻAki e Fika ID.
5. Toe vakaiʻi e ngaahi ola ʻo e fekumí. Kapau te ke maʻu ʻa e mātuʻa totonú, lomiʻi ʻi he Tānaki ʻa e Tokotahá. Kapau te ke maʻu ʻa e faʻeé mo e tamaí fakatouʻosi, lomiʻi ʻi he Tānaki ha Ongomātuʻá.
6. Kapau ʻoku ʻikai ke ke sio ki he tokotahá ʻi he ngaahi ola ʻo e fekumí, lomiʻi ʻi he Faʻu ha Tokotaha.

Ngaahi fakamatala fekauʻakí

ʻE founga fēfē haʻaku tānaki ha fānau ki he ʻAkau Fakafāmilí?
ʻOku fehālaaki e hoa mali ʻo ha tokotaha ʻi he ʻAkau Fakafāmilí
Te u ʻiloʻi fēfē e ngaahi vā fetuʻutaki fakaetotó (biological), ʻuluaki fānau ʻa e mali uá, ohi, pea ngaahi vā fetuʻutaki ʻo e ohi fakataimi (foster) ʻi he ʻAkau Fakafāmilí?
Te u fakafoki fēfē ha vā fetuʻutaki naʻe toʻo mei he ʻAkau Fakafāmilí?
Te u fetongi fēfē ʻa e tuʻunga ʻo e mātuʻá pe hoa malí ke liliu ʻa hono fakaʻaliʻali ʻo e ngaahi laine fakafāmilí ʻi he ʻAkau Fakafāmilí?