Kapau ʻoku ʻosi ʻasi ha taha ʻi he Fuʻu ʻAkau Fakafāmilí, te ke lava ʻo falaleleiʻi hono lekōtí ʻaki hono tānaki ha tā fakatātā ʻo e moʻuí, ngaahi meʻa mahuʻingá, mo ha fakamatala kehe.
- Ko e tā fakatātā ʻo e moʻuí ko ha talanoa ia ʻo e moʻui ʻa e tokotahá. ʻE lava ke aʻu ia ki he mataʻitohi ʻe 10,000. Ke fakahū ha tā fakatātā ʻo e moʻuí, kuo pau ke ke fakaʻaongaʻi e Fuʻu ʻAkau Fakafāmili ʻi he uepisaiti FamilySearch.org.
- ʻOku mau fokotuʻu atu ke taipeʻi ʻa e tā fakatātā ʻo e moʻuí ʻi he komipiutá, pea toki hiki tatau ki he Fuʻu ʻAkau Fakafāmilí. He ʻe malava pē ke ʻosi ho taimí, pea ʻe ala mole hoʻo ngāué.
- ʻOku kau ʻi he Ngaahi Fakamatala Mahuʻingá ʻa e hingoá, tuʻunga tangata pe fefiné, fāʻeleʻí, tāpuakiʻí, maté, mo e fakamatala ki he tanú. Te ke lava ʻo tānaki ha ngaahi fakamatala mahuʻinga mei he ʻFuʻu Akau Fakafāmilí ʻi he uepisaiti FamilySearch.org, ko e polokalama telefoni toʻotoʻó, mo e Fuʻu ʻAkau Fakafāmili Laití.
- ʻOku kau ʻi he ngaahi fakamatala kehé e ngaahi hingoa kehé, mālōlō ʻi manavá, ngaahi ngāué, tohi kakaí, ngāue fakakautaú, ngaahi hingoa fakanofo ki he nōpelé, mo ha ngaahi fakamatala lahi ange. Te ke lava ʻo tānaki ha fakamatala kehe ʻo ngāue ʻaki e Fuʻu ʻAkau Fakafāmili ʻi he uepisaiti FamilySearch.org mo e polokalama telefoni toʻotoʻó. He ʻikai te ke lava ʻo tānaki ia ʻi he Fuʻu ʻAkau Fakafāmili Laití.
Ngaahi Sitepú (uepisaiti)
Landscape, Portrait, Fan Chart, mo e Descendancy Views
- ʻI he menu ʻi ʻolungá, lomiʻi ʻi he Fuʻu ʻAkau Fakafāmilí, pea lomiʻi leva ʻi he Fuʻu ʻAkaú.
- Kumi ʻa e tokotaha ʻi he fuʻu ʻakau ʻokú ke loto ke fakaleleiʻí.
- Lomiʻi e hingoa ʻo e tokotahá. ʻI he ngaahi fakaikiiki ʻoku ʻasi haké, toe lomiʻi ʻi he hingoa e tokotahá. ʻE ʻave koe ki he peesi ʻo e tokotaha ko iá.
- Lomiʻi ʻi he Ngaahi Fakaikiikí pe meʻalomi Time Line. ʻOku toki maʻu pē ʻa e fakatātā ʻo e moʻuí ʻi he meʻalomi Fakaikiikí.
- ʻI he meʻalomi Fakaikiikí, lomiʻi ʻi he tapatolu ʻi he tafaʻaki ʻo e konga takitaha ke sio ki he fakamatalá. ʻOku ʻi ai ha konga lalahi ʻe fā: Ngaahi Tā Fakatātā ʻo e Moʻuí, Ngaahi Meʻa Mahuʻingá, Fakamatala Kehé, mo e Kau Mēmipa ʻo e Fāmilí.
- Lomiʻi ʻi he fehokotakiʻangaTānaki totonú. Ka ʻasi atu, fili ʻa e faʻahinga fakamatala ʻokú ke loto ke tānakí.
- Fakahū ha fakamatala ki hono ʻuhingá ke fakamatalaʻi e ʻuhinga ʻoku tonu ai ʻa e fakamatalá. ʻOku ʻikai fie maʻu ha fakamatala ki he Tā Fakatātā ʻo e Moʻuí (Life Sketch).
- Lomiʻi ʻi he Seiví.
Vakai ki he Kui ʻUluakí
ʻE lava ke tānaki atu ʻe he konga ko ʻení ha ngaahi meʻa naʻe hoko, ngaahi moʻoniʻi meʻa, mo ha ngaahi fakamatala ʻi he moʻuí ki ha puipuituʻa ʻo ha taha kae ʻikai mavahe mei he mape tohi hohoko ʻo e Fuʻu ʻAkau Fakafāmilí, ka he ʻikai lava ke ne tānaki atu ha ngaahi meʻa mahuʻinga.
- Hū ki he FamilySearch pea lomiʻi ʻi he Fuʻu ʻAkau Fakafāmilí, pea lomiʻi leva ʻi he Fuʻu ʻAkaú.
- ʻAlu leva ki he tokotaha ʻokú ke loto ke fakatonutonú.
- Lomiʻi ʻi honau hingoá.
- ʻOku fakaava ha laʻipepa he tafaʻaki ʻo e tokotaha ko iá ʻi he tafaʻaki toʻomataʻú. ʻAlu hifo ki lalo ki he konga ʻi he menu ko ia ʻokú ke loto ke fakaleleiʻí. ʻE lava ke ke fili ke lomiʻi ʻa e 1 ʻo e ngaahi meʻá ni:
- Tānaki Atu ha Meʻa Naʻe Hoko
- Tānaki Atu ha Meʻa Moʻoni Naʻe Hoko
- Tānaki ha Fakatātā ʻo e Moʻuí (Fakatokangaʻi ange: kapau kuo ʻi ai ha fakatātā ʻo e moʻuí kuo tānaki, he ʻikai lava ke ke liliu ia kaeʻoua kuó ke ʻalu ki he peesi ʻa e tokotahá. ʻI he tuʻunga ko iá, lomiʻi honau hingoá ʻi he menu he tafaʻakí pea ʻe ʻave koe ki heʻenau pēsí.)
- Ko hoʻo fili pē ha taha ʻo kinautolu, fakafonu ʻa e fakamatala mahuʻinga tahá ki he lelei taha te ke malavá. ʻOua naʻa ngalo ke tānaki atu ha fakamatala ʻuhinga ki he ngaahi meʻa ne hokó mo e ngaahi meʻa moʻoní.
- Lomiʻi ʻi he Seiví.
Ngaahi Sitepú (polokalama telefoni toʻotoʻó)
ʻI he polokalama telefoni toʻotoʻo ʻo e Fuʻu ʻAkau Fakafāmilí, te ke lava ʻo tānaki ha ngaahi meʻa mahuʻinga mo ha fakamatala kehe ai. ʻOku ʻikai maʻu ʻa e tā fakatātā ʻo e moʻuí.
- ʻI he polokalama telefoni toʻotoʻo ʻo e Fuʻu ʻAkau Fakafāmilí, fakaʻaliʻali e peesi ʻa e tokotaha ʻokú ke loto ke fakaleleiʻí.
- Lomiʻi ʻa e +.
- Fili e faʻahinga fakamatala ʻokú ke fie tānaki ki aí.
- ʻI he feituʻu takitaha, fakahū e fakamatala totonú.
- ʻI he puha ʻUhinga ʻOku Tonu ai e Fakamatala ko ʻEní, tānaki ha fakamatala mahino ʻo e founga ʻokú ke ʻilo ai ʻoku tonu ʻa e fakamatalá.
- Lomiʻi ʻi he Seiví.
Ngaahi Sitepú (Fuʻu ʻAkau Fakafāmili Laití)
ʻI he Fuʻu ʻAkau Fakafāmili Laití, te ke lava ʻo tānaki ki ai e fakamatala mahuʻingá pē. ʻOku ʻikai maʻu ai ʻa e tā fakatātā ʻo e moʻuí mo e fakamatala kehé.
- ʻI he Fuʻu ʻAkau Fakafāmili Laití (lite.fs.org), lomiʻi ʻi he hingoa ʻo e tokotaha ʻokú ke loto ke fakaleleiʻí.
- Lomiʻi ʻi he fehokotakiʻanga Tānaki totonú.
- ʻI he feituʻu takitaha, fakahū e fakamatala totonú.
- ʻI he puha ʻUhinga ʻOku Tonu ai e Fakamatala ko ʻEní, tānaki ha fakamatala mahino ʻo e founga ʻokú ke ʻilo ai ʻoku tonu ʻa e fakamatalá.
- Lomiʻi ʻi he Seiví.
Ngaahi fakamatala fekauʻakí
Te u liliu fēfē nai ʻa e fakamatala mahuʻingá ʻi he Fuʻu ʻAkau Fakafāmilí?
Ko e hā e meʻa ʻoku kau ʻi he peesi ʻa e Tokotahá ʻi he Fuʻu ʻAkau Fakafāmilí?
Ko e hā e ʻuhinga ʻo e “Naʻe fakaʻaongaʻi e lekooti IGI ne maʻu ko ʻení ke faʻu ʻaki e tokotahá ni”?
Te u fakapapauʻi fēfē nai e ngaahi vā fetuʻutaki fakaetotó (biological), fānau ʻa e mali ki muʻá, fānau ohi mo tauhi fakataimí (foster) ʻi he Fuʻu ʻAkau Fakafāmilí?