Teu tanaki fēfē ha ma'unga fakamatala mei tu'a ki he Fu'u 'Akau Fakafamili?

Taimi 'e nihi'i 'oku ke ma'u e ngaahi ma'u'anga fakamatala 'oku 'ikai kenau 'i he FamilySearch kinautolu. Te ke ma'u ia mei ha to e uepisaiti 'e taha, pe 'i ha pepa pe ko ha tatau fakakomipiuta. Te ke lava ke toki taipe'i e ngaahi fakamatalá ke tānaki e ngaahi ma'u'anga fakamatala ki he Fu'u 'Akau Fakafamili. 'I ho'o taipe'i e ma'u'anga fakamatalá, te ke lava pe 'o fakafehokotaki ki hano tatau 'i he 'initanetí pe tānaki atu hano tatau fakakomipiuta.

Lahi e lelei 'o e 'i ai e tatau fakakomipiuta:

• 'Oku tolonga e tatau fakakomipiuta ke hoko ko ha ma'u'anga fakamatala ma'ae to'utangata 'i he kaha'u.
• 'I he vakai 'a e taha kotoa ki he tatau fakakomipiutá, tenau ongo'i ofi ange ki he'enau fanga kui.
• 'E 'omai 'e he tatau fakakomipiutá ha fanga ki'i fakafufū ki he kau fakatotolo fāmilí kenau ngāue'aki.

'i ho'o puha ma'u'anga fakamatalá, pea 'i he Fu'u 'Akau Famili, te ke lava 'o 'ilo ai e ngaahi ma'u'anga fakamatala mei tu'a 'i he faka'ilonga ko ení:

Kimuʻa pea ke kamata

Kapau ko e ma'u'anga fakamatala 'i he 'initanetí, hiki hono tu'asilá (URL). Kapau ko ho ngaahi tatau pepa pe, tauhi hano lekooti fakakomipiuta 'i ho'o komipiutá.

• 'Oku mau tali 'a e ngaahi faile .jpg, .png, .tif, .bmp, mo e .pdf. (Ngaue'aki e .pdf ki he ngaahi peesi 'oku lahi.)
• Ko e lahi taha e lahi 'o e failé ko e 15 MB.

         Te ke lava tānaki e ngaahi manatu melie ko ha ma'u'anga fakamatala ki he kau pekiá. He'ikai te ke lava 'o tānaki ha manatu melie ko ha ma'u'anga fakamatala kiate kinautolu 'oku mo'uí. Neongo ia, te ke lava 'o ngāue'aki 'a e polokalama Fu'u 'Akau Fakafamili 'i he telefoni ke tānaki atu ha ngaahi la'itā mei he telefoni ko ha ma'u'anga fakamatala. 

Ngaahi Sitepú (uepisaiti)

1. Sign in ki he FamilySearch.
2. Fekumi leva ki he peesi 'a e Tokotaha ko ia 'oku 'uhinga ki ai 'a e ma'u'anga fakamatala mei tu'á.  
3. Lomi'i e puha Sources. 
4. Lomi i e Add Source.
5. Lomi'i e Add New Source.
6. Fakahū leva 'a e fakamatala fekau'aki mo e ma'u'anga fakamatalá.
   
   1. Fakahū mo e taimi/'aho na'e hoko ai. 'Oku tokoni 'a e 'aho ko ení ki ho'o fokotu'utu'u fakataimi tepile 'a e ma'u'anga fakamatalá.
   2. Fakahū mo e 'ulu'itohi 'o e ma'u'anga fakamatalá.
   3. 'I he konga ki he Web Page, lomi 'i he Web Page URL ke fakahū 'a e ma'u'anga fakamatala mei ha uepisaití. Fakahū leva 'a e tu'asila uepisaití (URL) ki he ma'u'anga fakamatalá. Lomi'i e Add a Memory ke 'ohake 'a e manatu melie ko ia pe ko ho'o fili ha la'ita mei he Gallery. Fakaikiiki ki ho'o 'Ohake 'a e Manatu Melie(Upload Memory) ki he 'Initanetí pea Fili mei he Gallery 'i lalo.
   4. Tānaki atu ha ki'i fakamatala nounou ke fakamahino e feitu'u na'e ma'u ai 'a e lekooti.
   5. Fakamatala'i 'a e lekooti. Te ke lava pe ke fakahu ha 'ulu'itohi 'o ha ma'u'anga fakamatala pe ko ha fakaikiiki 'o e manatu melie ko ia
   6. Fakamatala'i e 'uhinga ki hono tānaki 'a e ma'u'anga fakamatala.
   7. Lomi 'i he ngaahi puha ki he me'a kotoa na'e hoko 'oku felave'i mo e lekooti ma'u'anga fakamatala.
   8. Kapau 'oku ke fiema'u ho ma'u'anga fakamatala ke 'i he puha Ma'u'anga Fakamatalá (Source box), fili 'a e puha ko iá. Ka 'ikai, pea ke lomi'i ai ke mate.
   9. Lomiʻi eSeivi (Save).

'Ohake 'a e ngaahi manatu melié

1. 'I he sitepu 6c 'i 'olungá, lomi 'i he Upload Memory.
2. Kumi ki he lekooti ko ia 'i ho'o komipiutá, pea lomi'i tu'o ua ai.
3. 'E hoko leva e lekooti ko iá ko ha ma'u'anga fakamatala ki ho fanga kui. 'E 'ave leva 'e he polokalamá 'o tānaki ia ki he Memories Gallery 'i he FamilySearch.
4. Hoko atu ai pe ki he sitepu 6d 'i 'olunga.

Fili mei he Gallery

1. 'I he sitepu 6c 'i 'olunga, lomi'i heSelect from Gallery.
2. 'E fakaava mai leva 'a e puha Memories Gallery.
3. Pea ke fili leva 'a e me'a 'oku ke fiema'u ke taānaki ko ha ma'u'anga fakamatala.
4. Lomiʻi e Fakapipiki (Attach).
5. Hoko atu ai pe ki he sitepu 6d 'i 'olunga.

Ngaahi Sitepú (polokalama telefoni toʻotoʻó, mobile app)

1. 'I he Fu'u 'Akau Fakafamili 'i he polokalama telefonií kumi ki he peesi 'a e Tokotaha 'oku ke fiema'u ke tānaki ki ai 'a e ma'u'anga fakamatalá.
2. Lomi 'i he puha Sources tab.
3. 'I lalo hifo 'i he tafaka'aki to'omata'u 'o e screen, lomi 'i he faka'ilonga tānaki.
4. Lomi 'i he Add Source with a Web Page pe Add a Source with a Photo. Hoko pea muimui 'i he fakahinohino ki he me'a na'a ke fili.

Tānaki ho'o ma'u'anga fakamatala mo e peesi uepisaiti

1. Fakahū e 'ulu'itohi 'o e Ma'u'anga Fakamatalá.
2. Fakahū e 'aho (Fili pe).
3. Fakahū leva 'a e tu'asila uepisaiti (URL) ki he ma'u'anga fakamatalá.
4. Tuku atu ha ki'i fakamatala nounou ke fakamahino e feitu'u na'e ma'u ai 'a e lekooti.
5. Tānaki e Ngaahi Fakamatalá
6. Fakamatala'i e 'uhinga ki hono tānaki 'a e ma'u'anga fakamatala.
7. Lomi'i e Save.

Tānaki ha ma'u'anga fakamatala mo ha la'itā

1. Lomi'i e Add Photo ''i he telefoni iOS. Lomi'i e Add Source Photo 'i he telefoni Adroid.
2. Fili mei he lisi 'oku hā atu.
   
   1. Me'a Faitā (Camera) pe Faitaa'i Atu:(Take Photo): Ngāue'aki ho'o telefoní ke faitaa'i e la'itā 'oku fiema'u.
   2. Fakahokohoko 'o e Tā (Camera Roll), Ko 'eku 'ū Faile, pe Faile: Ki hono tānaki mai ha la'itā mei ho'o telefoni ko e ma'unga fakamatala.
   3. My FamilySearch Gallery pe FamilySearch Gallery: Fili e taha e ngaahi 'ata 'i ho'o 'ū taa ké ke ngāue'aki.
3. Fili ke tānaki ha la'itā mei he sitepu hono 2. Makatu'unga mei ho'o fili, lomi 'a e Save pe Upload.
4. Fakahū ha 'Ulu'itohi 'o e Ma'u'anga Fakamatala.
5. Fakahū mo e Taimi/'Aho na'e Hoko ai.
6. Fakahū ha ki'i fakamatala nounou ke fakamahino e feitu'u na'e ma'u ai 'a e lekooti.
7. Fakahū ha Fakamatala Tokoni. Ko e ngaahi fakamatala pepa, 'e tokoni 'a e fakamatala tokoni ki hano to e vakai'i pe fakamatala nounou 'o ha lekooti.
8. Fakamatala'i e 'uhinga ki hono tānaki 'a e ma'u'anga fakamatala.
9. Lomi'i e Save.
   

Ngaahi sitepu (Fuʻu ʻAkau Fakafāmili Laití, Family Tree Lite)

'Oku 'ikai ha atu 'i he Family Tree Lite 'a e konga ki he Ma'u'anga Fakamatala (Sources). Ki hono tokanga'i 'o e ma'u'anga fakamatalá, vakai ki he uepisaití kakato.

Koe Ngaahi Ola

Kapau 'oku ke ngāue'aki ha uepisaiti (URL), 'e to e vakai'i 'e he FamilySearch ke fakapapau'i 'oku taau hono kanotohi mo e Fu'u 'Akau Fakafamili (Family Tree). Kapau 'e fakapaasi 'a e uepisaiti ko ia ke ngāue'aki 'i he Fu'u 'Akau Fakafamili, te ke lava ke tauhi e ma'u'anga fakamatala ko ia pea hoko atu.

Kapau 'oku te'eki fakapaasi ia ki he Fu'u 'Akau Fakafamili, 'e faka'asi atu e fekau ke fakahū mai e uepisaiti(URL) ko ia ke toe vakai'i. Hili hono vakai'i, te ke ma'u ha fanongonongo 'īmeil. 'I he taimi ko eni, te ke foki ki he Fu'u 'Akau Fakafāmili pea to e fakahū e tu'asila uepisaiti ko iá. 'Oku fakahoko e ngāue ko eni ki ha uepisaiti 'oku 'ikai fa'a siofi

Kapau te ke fakahū ha uepisaiti 'oku 'ikai tali hili hono vakai'i ke fe'unga mo e FamilySearch, he'ikai te ke lava 'o ngāue'aki ia ko ha ma'u'anga fakamatalá.  

Ngaahi fakamatala fekauʻakí

Ko e hā e ngaahi lelei 'o hono tānaki ha ma'u'anga fakamatala ki he Fu'u 'Akau Fakafamili?
'E anga fēfē 'eku 'ohake ha manatu melie ki he FamilySearch?