'Oku ke lava ke 'ohake ki he 'initanetí ha faile GEDCOM 'o tanaki ki ho ngaahi fakamatala hisitōlia fakafāmili 'i he Pedigree Resource File (PRF). 'E toki lava 'e ha taha 'oku ne ngaue'aki 'a e FamilySearch ke sio ki ho hisitōlia fakafāmili ka he'ikai kenau lava 'o liliu ha me'a ai.
Hili ho'o 'ohake ho'o failé ki he 'initanetí, 'oku ke mafai ki hono pule'i e faile ko iá. 'Oku ke lava ke:
- Tamate'i 'a e failé mei he Pedigree Resource File.
- Fetongi e faile ko iá 'aki ha faile fo'ou.
- Fakahoa ho'o faile GEDCOM ki he Fu'u 'Akau Fakafamilí pea fetukutuku ho'o ngaahi fakamatalá ki he Fu'u 'Akau Fakafamili.
Kimuʻa pea ke kamata
- Ko e polokalama tohi hohoko fakafamili 'oku ke ngaue'akí 'oku malava pe ke ne faka'atā koe ke fakahū ki tu'a e ngaahi fakamatalá ki ha faile GEDCOM. Ko e faile GEDCOM 'oku angamaheni pe ia ki hono fe'ave'aki holo 'i he ngaahi polokalama tohi hohoko fakakomipiutá.
- To e vakai'i e ngaahi fakamatala 'i ho faile GEDCOM. Vakai'i ha fa'ahinga fehalaaki 'aki e me'angāue 'i he tauhi'anga lekooti pulé:
- Fakapapau'i ko e ngaahi hingoa, ngaahi 'aho, mo e ngaahi feitu'ú 'oku hā atu 'i he founga totonu angamaheni.
- Fakakpapau'i ho'o ngaahi fakamatala fakaikiikí 'oku maau ke vahevahe ki he taha kotoa.
- Vakai'i na 'oku 'i ai ha fa'ahinga palopalema kehe
- Vakai'i na 'oku hiki tu'o ua ha taha.
- Vakai'i na 'oku hiki tu'o ua ha hingoa 'o ha feitu'u
- Vakai'i na 'oku 'i ai ha taha 'oku te'eki tānaki ki he lekootí.
- Toe vakai'i e ngaahi fakamatalá na 'oku 'i ai ha me'a 'oku 'ikai ké ke loto ke pulusi atu:
- Vakai'i kotoa ho'o ngaahi fakaikiikí mo e ngaahi fakamatala kehe te'eki fokotu'utu'u leleí. Faka'ilonga'i e fakamatala 'oku 'ikai ké ke loto ke pulusí ke pelepelengesi, pe tamate'i ia. Pea toki fa'u ho'o faile GEDCOM.
- 'Oku hanga 'e he'emau founga ngaué 'o vakai'i ho'o failé ke 'ilo e kakai 'i ho'o fu'u 'akaú 'oku kei mo'uí. Ko e ngaahi lekooti 'o kinautolu 'oku kei mo'uí he'ikai hā atu ia 'i he Pedigree Resource File.
- Fa'u ho'o faile GEDCOM.
- Kapau 'oku 'ikai ké ke 'ilo pe 'oku fēfē, vakai'i e ngaahi fakahinohino 'oku 'oatu fakataha mo ho'o polokalamá.
- Kapau 'oku ke fokotu'utu'u ke hiki tatau e ngaahi fakamatala 'i he Fu'u 'Akau Fakafamilí, 'oku mau fale'i ké ke fakahū kongokonga ho'o ngaahi faile GEDCOM 'o 'ikai toe laka hake 'i he hingoa 'e 100. Hili ho'o 'ohake ki he 'initanetí, 'e fakatauhoa pe 'a e ngaahi faile iikí pea ko e founga hiki tataú 'e toe faingofua ange.
- Kapau 'oku ke taumu'a ke tauhi mo vahevahe atu ho'o failé, 'e malava pe ke a'u ki he 100MB 'a e size ho'o failé.
Ngaahi Sitepú (uepisaiti)
- Hu ki he FamilySearch pea lomi 'i he Search
- Lomi 'i he Geneologies (Tohi Hohoko).
- 'Alu ki lalo ki he "How is FamilySearch Genealogies (Tohi Hohoko) different from FAmilySearch Family Tree?"
- Lomi 'i he Upload Your Individual Tree.
- Lomi leva 'a e Upload GEDCOM file.
- Lomi e Choose File —-> kumi leva ho'o faile GEDCOM 'i ho'o komipiutá.
- Fakahū e hingoa ho'o fu'u 'akaú.
- 'I he feitu'u ki he rDescription, te ke fakamatala ai 'a e tupu'anga 'o e fu'u 'akaú pea mo ha ngaahi mo'oni'i me'a fekau'aki mo e rfakatotolo na'e fakahokó.
- Lomi 'a e Upload.
Ngaahi Sitepú (polokalama telefoni toʻotoʻó, mobile app)
'I he lolotonga ni, 'oku 'ikai lava 'a e 'ohake ha faile GEDCOM 'i he Fu'u 'Akau Fakafamili 'i he polokalama telefoni to'oto'ó. Ki ha'o 'ohake ha faile ki he 'initanetí, 'a'ahi ki he uepisaiti 'a e FamilySearch.
Ngaahi sitepu (Fuʻu ʻAkau Fakafāmili Laití, Family Tree Lite)
'I he lolotonga ni, 'oku 'ikai lava 'a e 'ohake faile GEDCOM 'i he Family Tree Lite. Ki hano 'ohake ha'o ngaahi faile, ngaue'aki 'a e uepisaiti kakató.
Koe Ngaahi Ola
Ko hono 'ohake 'o ho'o ngaahi faile GEDCOM, pea mo hono tanaki 'e he polokalamá ki he Pedigree Resource File. Ko e ngāue ko iá 'oku malava pe ke a'u ki he miniti 'e 30. Ko e lalahi ange ho'o faile GEDCOM, ko 'ene lōlōa ange ia 'a e ngāue 'i hono 'ohake ki he 'initanetí.
'I he kakato 'a e ngāue ki hono 'ohaké, 'e toki malava leva 'e kinautolu 'oku ngaue'aki e FamilySearch ke fekumi mo sio ki he ngaahi fakamatala ko iá.
Ngaahi fakamatala fekauʻakí
'E anga fēfē ha'aku fa'u ha faile GEDCOM?
'E anga fēfē 'eku hiki tatau e ngaahi fakamatala mei he faile GEDCOM ki he Fu'u 'Akau Fakafamilí?
Ko e hā e me'a 'oku hoko ki he ngaahi fakamatala 'oku 'ohake ki he 'initanetí mei he faile GEDCOM?