ʻI hoʻo hoko ko e taha faifaleʻi ʻo e temipalé mo e hisitōlia fakafāmilí, ko ho fatongia tefitó ke poupouʻi e palani ngāue fakatemipale mo e hisitōlia fakafāmili ʻa e uōtí. ʻOku totonu foki ke ke feinga ke faʻu ha ngaahi aʻusia fakalaumālie ʻokú ne ʻomi ʻa e fiefiá ki he kakai kotoa pē ʻi heʻenau ʻiloʻi, tānaki, mo fakafehokotaki honau fāmilí ʻo fakafou ʻi he ngaahi ouau ʻo e temipalé.
ʻOkú ke fakahoko totonu ho fatongiá mo tokoniʻi e niʻihi kehé ʻi he taimi ʻokú ke fakahoko ai ʻení:
- Muimui ki he Laumālié
- Tataki ki he temipalé
- Tukutaha e Tokangá ʻi he Fekumí
- Fakamālohia e ngaahi fāmili moʻuí
- Ngāue fakaetauhi ki he toko tahá
- Poupouʻi e ngāue fakafaifekaú
Ki he ngaahi maʻuʻanga tokoni ki he akó, ngaahi meʻangāué, mo e ngaahi meʻa kehe kuo faʻu maʻá e kakai faifaleʻi fakauooti ki he temipalé mo e hisitōlia fakafāmilí, ʻalu ki he Ngaahi Maʻuʻanga Tokoni Maʻá e Taha Ngāue Tokoni ʻi he FamilySearch.org.
Fakatokangaʻi ange: ʻOku lolotonga maʻu ʻa e Ngaahi Maʻuʻanga Tokoní ʻi he lea faka-Sipeiní, Faka-Potukalí, Faka-Falaniseé, Faka-Siamané, Faka-ʻĪtalí, Faka-Lūsiá, Faka-Siaina Angamahení, Kōleá, mo e faka-Siapaní.
Ngaahi Sitepú (uepisaiti)
- Hū ki hoʻo ʻakauní ʻi he FamilySearch.org.
- ʻI ʻolunga, tuliki toʻomataʻu ʻo e monitoá, lomiʻi ʻi he ʻaikoni fakaʻilonga fehuʻí.
- ʻI he lisi ʻoku hā atú, fili ʻi he Ngaahi Maʻuʻanga Tokoni Maʻá e Taha Ngāue Tokoni.
Ngaahi fakamatala fekauʻakí
Ko e hā ha meʻa ʻoku fai ʻe ha Taha Ngāue Tokoni?
Te u teuteu fēfē nai ha lēsoni ʻi he Tohi Palaní?
ʻE founga fēfē nai haʻaku tānaki atu pe ttoʻo ha taha mei heʻeku lisi ʻi he Tohi Palaní?