Ko e taumuʻa ʻo e Fuʻu ʻAkau Fakafāmilí ke tokoni ke fakatahatahaʻi e ngaahi fāmilí ʻaki hano faʻu ʻa e maʻuʻanga fakamatala lelei taha mo e Fuʻu ʻAkau Fakafāmili fakatohihohoko maʻá e kakaí ʻi he māmaní. ʻOku fie maʻu ʻa e fengāueʻaki fakatahá kae lava ke aʻusia ʻa e taumuʻá, pea ko hono olá, ʻoku ʻuhinga ia ke fakaleleiʻi ʻa e ngaahi fehalākí.
ʻI he taimi ʻokú ke foua ai ha ngaahi fehalākí, manatuʻi ʻoku ʻikai lau ʻa e ngaahi fehalaaki ʻi he ʻahó, hingoá, maʻuʻanga tokoní, vā fetuʻutakí, mo e ngaahi meʻa kehé ko ha ngāue hala ʻaki. ʻE lava ke fakaʻaongaʻi ʻe ha tokotaha kehe ha ngaahi maʻuʻanga fakamatala kehe. Fakahoko ha ngaahi fakatonutonu pea ʻomi ʻa e fakamatala mei he maʻuʻanga fakamatala lelei tahá. Ko ha ngaahi meʻa ʻeni te ke lava ʻo fakahokó:
- Fakatonutonu e ngaahi fehalākí ʻaki haʻo ngāue mo e niʻihi kehe ʻoku nau fai e tokoní.
- Fakaʻaongaʻi ʻa e konga ki he Ngaahi Fealeaʻakí ke tuku atu ha fakamatala ke fekumi ki ai e kau ngāue kehé (other collaborators).
- Fakaʻaongaʻi ʻa e konga ki he Muimuiʻí ke fakahā atu kiate koe ʻa e taimi ʻoku fai ai ha ngaahi liliu ki ha lekooti.
- Vakai ki he ngaahi fakamatala ʻoku fakafehokotaki ʻi laló ki ha ngaahi fakahinohino fakaikiiki ange ki he founga ke fakahoko ai e ngaahi ngāue ko ʻení.
Kapau ʻoku ʻi ai haʻo ngaahi fehuʻi fekauʻaki mo ha fehalaaki ʻi ha ngaahi lekooti ʻoku ʻikai ke ke lava ʻo fakaleleiʻi, fetuʻutaki ki he Tokoni ki he FamilySearch.
Ngaahi fakamatala fekauʻakí
Te u fakaʻaongaʻi fēfē e polokalama fealeaʻakí ʻi he ʻAkau Fakafāmilí?
Te u lipooti fēfē nai ʻa e ngāue hala ʻakí, ʻīmeili ʻoku ʻikai ke u fie maʻú, ngaahi manatu melie taʻe-feʻungá, mo e ngaahi fakamatala kehé?