ʻI he Fuʻu ʻAkau Fakafāmilí, ʻoku fakafofongaʻi ʻe he ngaahi fakaʻilonga kehekehé e tuʻunga ʻo e ngaahi ouau temipale ʻo ha tokotaha.
| Fakaʻilongá | ʻUhingá |
| Naʻe vahevahe e ngaahi ouaú mo e temipalé, pe naʻe vahevahe mo ha kulupu fakafāmili ʻokú ke mēmipa ai. ʻE lava ke ke fakatatali e ngaahi ouau ko ʻení, pea ʻoku tuku atu ha ʻaho ‘e 120 ke fakakakato ai kinautolu. |
| ʻOku kāinga e tokotahá mo koe, pea ʻoku ʻatā ha ouau ke ke kole. ʻOkú ke ma‘u ha ta‘u ʻe ua ke fakakakato ai ‘a e ngaahi ouaú. Kapau na‘e fāʻeleʻi ʻa e tokotahá ʻi loto ʻi he taʻu ʻe 110 kuo ʻosí, ʻe fiemaʻu ke ke kole ha ngofua mei ha kāinga ofi kei moʻui, kimuʻa pea toki fakahoko ʻa e ouaú. Kātaki ʻo tokanga ki he ongo ʻa e kakai kehé. ʻOku ʻi ai nai ha taha kehe ʻoku kāinga ofi ange mo e tokotahá ʻiate koe ʻa ia te ne lava ʻo fai e ngāue tatau ko ʻení? Mahalo te ke lava ʻo fakaafeʻi kinautolu ke nau kau mai. |
| Kuo fakatatali e ouaú. ʻOku muiaki mai ʻi he ʻaikoní ha kiʻi fakaʻilonga nounou (short tag) mo ha fakamatala lahi ange: Teʻeki Paaki. Kuo fakatatali, ka ʻoku teʻeki paaki e kaati hingoá ia. ‘E lava ke ke feinga fetuʻutaki ki he tokotaha na‘á ne kole e ouau ko ʻení pea kole ange ke ne vahevahe ia mo koe. ʻOsi Paaki. Kuo ‘osi paaki ha kaati ʻo e hingoa fakafāmilí ki he ouau pau ko ʻení. Kapau te ke fili ke vahevahe ʻa e ouaú, kātaki ʻo fakaʻauha ʻa e kaati hingoa fakafāmilí. ʻOku taʻofi ʻe hono fakaʻauha ʻo e kātí ʻa hono toutou fakahoko ʻo e ouaú. Vahevahe. Naʻá ke fakatatali ʻa e ouau ko ‘ení ka naʻá ke vahevahe ia mo ha tokotaha kehe, pe mahalo mo e temipalé. Te ke lava ʻo toʻo hono vahevahe ʻo e ouaú tukukehe kapau kuo paaki ʻe he temipalé ʻa e kaati hingoá pe kuo fakatatali ia ʻe ha taha kehe. Tatali. Fakakakato e ngaahi ouau fakatemipalé ʻi he hokohoko totonú. ʻOku ʻuhinga ʻa e Lolotonga Ngāueʻi, kuo pau ke fakakakato ʻa e ngaahi ouau fakatemipale kehé kimuʻa peá ke toki lava ʻo fakahoko ʻa e ouau ʻokú ke loto ke fakahokó. |
| ‘Oku ʻikai lava ke ma‘u ʻa e ngaahi ouaú. Makehe mei he fakatātā fakaʻilongá, kumi ki ha fakaʻilonga nounou ʻokú ne fakamatalaʻi: Fiemaʻu Ha Fakamatala Lahi Ange. ʻOku ʻi ai ha meʻa ʻoku pulia. ʻE fiemaʻu ke tānaki pe fakatonutonu e fakamatala ki he lekooti ʻo e tokotaha ko ʻení kimuʻa pea lava ʻo fakahoko e ouaú. Teʻeki Maau. Kuo mālōlō e tokotaha ʻoku fakafehuʻiá pea ʻoku teʻeki lava ha ʻaho ʻe 30. He ʻikai lava ke fakahoko e ngaahi ouau temipalé he taimí ni. |
| Kuo ʻosi fakakakato pe ʻoku ʻikai fiemaʻu ʻa e ouaú. |
| ʻOku ʻikai maʻu e tuʻunga ʻoku ʻi ai e ouau ʻo e tokotahá, pe ʻoku ʻikai ke ke kāinga mo e tokotahá. ʻI ha ngaahi tūkunga ʻe niʻihi, naʻe moʻui ʻa e kuí kimuʻa ʻi he A.D. 200. Pe ʻoku taʻofi kimautolu ʻe ha totonu fakataautaha ʻa hono fakaʻasi atu ʻo e fakamatalá. Ki ha sila ʻi he temipalé, mahalo ʻoku ʻikai maʻu ʻe he kuí ha hoamali pe mātuʻa ʻoku lisi ʻi he Fuʻu ʻAkau Fakafāmilí, pe ʻoku kei moʻui ʻa e hoamalí. |
Ngaahi fakamatala fekauʻakí
Te u kole fēfē nai ʻa e ngaahi ouau maʻa hoku kāinga naʻe fāʻeleʻi ʻi he taʻu ʻe 110 kuohilí?
ʻE founga fēfē haʻaku vahevahe ʻa e ngaahi hingoa fakafāmilí mo e temipale?
ʻE founga fēfē haʻaku vahevahe ʻeku ngaahi hingoa fakafāmilí mo hoku fāmilí mo e ngaahi kaungāmeʻá ʻi he ʻīmeilí?
Ko e hā ha ngaahi tūkunga ʻoku lau ai ha fānau ʻoku “fanau‘i ʻi he fuakava” (BIC)?
ʻOku ʻuhinga ki he hā ʻa e “Teʻeki Maau” ʻi he tuʻunga ʻo e ouaú?
ʻI he Fuʻu ʻAkau Fakafāmilí, ko e ʻuhinga ki he hā ʻa e “Fiemaʻu ha fakamatala lahi angé”?
Ngāue fakatemipale maʻá e fānau ne mate mei manavá