ʻI hoʻo fakatatali ʻa e ngaahi ouau maʻa hoʻo fanga kuí, mahalo te ke maʻu ha pōpoaki fakatokanga ʻoku pehē, “Fiemaʻu ha Ngofua.” ʻOku ʻuhinga ʻa e pōpoakí ni naʻe fāʻeleʻi ʻa e kuí ʻi loto he taʻu ʻe 110 kuo hilí. Kuo pau ke ke maʻu ha fakangofua mei ha kāinga ofi ʻoku kei moʻui kimuʻa peá ke fakatatali ʻa e hingoá ki he ngāue fakatemipalé. ʻOku sai pē mo e fakangofua ngutú.
Ko e kāinga ofi ʻoku kei moʻuí ko ha hoamali kuo teʻeki vete, ko ha fānau kuo matuʻotuʻa, ko ha mātuʻa, pe ko ha taha ʻoku nau fānau taha.
ʻOku tokangaʻi ʻe he FamilySearch ʻa e ngaahi kole ki ha ngaahi vā fetuʻutaki mei ha nofomali kehe, ʻo makatuʻunga ʻi he tūkunga takitaha.
Kapau ʻoku ʻikai ke ʻi ai ha kāinga ofi ʻoku kei moʻui ke maʻu ha fakangofua, te ke kei lava pē ʻo kole ha fakangofua ke fakahoko ʻa e ngaahi ouaú. Kātaki ʻo ʻomi ha fakamoʻoni ʻoku ʻikai ke ʻi ai ha kāinga ofi ʻoku kei moʻui.
Ki ha fakamatala lahi ange ki he tefitó ni, kātaki ‘o vakai ki he Tohi Tuʻutuʻuni Fakakātoa ʻa e Siasí: Ko e Ngāue ʻi he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní, 28.1 .
ʻE lava ke kole ʻe he makapuná e ngaahi ouau maʻa ʻenau ngaahi kui kuo pekiá. ʻOku kei fiemaʻu pē ʻe he makapuná ha ngofua mei ha kāinga ofi ʻoku kei moʻui. ʻOku ʻikai fakafonu ʻe he makapuná ʻa e foomu fakangofuá.
Kimuʻa peá ke kamatá
- Ke kole ha fakangofuá, te ke fiemaʻu ha tuʻasila ʻīmeili mo ha fika telefoni ʻo e kāinga ofi ʻoku kei moʻuí, ʻa ia naʻá ne fakangofua koé.
- Fakapapauʻi ʻoku ʻasi ʻa e tokotaha naʻá ne fakangofuá ʻi he Fuʻu ʻAkau Fakafāmilí ko ha kāinga ofi ʻoku kei moʻui ʻo e tokotaha kuo pekiá.
- Kapau ʻoku ʻikai ha kāinga ofi ʻoku kei moʻui, fakapapauʻi ʻoku ʻi he Fuʻu ʻAkau Fakafāmilí honau fakamatala pekiá. Fakakau e ngaahi maʻuʻanga fakamatalá ko ha fakamoʻoni.
Ngaahi Sitepu (uepisaiti)
- ʻI he Fuʻu ʻAkau Fakafāmilí he uepisaiti FamilySearch.org, ʻalu ki he peesi ʻo e kāinga ko hono ngaahi ouaú ʻokú ke fie kolé.
- ʻI he peesi ʻa e tokotahá, ʻe ʻasi mai ha ngaahi konga fakahangatonu hifo ki lalo he hingoa ʻo e kāingá. Lomiʻi ʻi he Ngaahi Ouaú.
- Lomiʻi ʻi he Kole (Fiemaʻu ha Ngofua).
- ʻI he puha Fiemaʻu ha Fakangofuá, lomiʻi ʻi he ʻOku Ou Maʻu ha Fakangofua.
- Tali ʻa e fehuʻi, “ʻOku kei moʻui ʻa e hoa malí?”
- Fakafonu e fakamatalá, pea lomiʻi ʻi he Fakahuú.
- ʻOku fakahā atu ʻe ha pōpoaki ke ke ʻilo kuó ke fakahū ʻa e kolé.
Ngaahi Sitepú (polokalama telefoní)
- ʻI he polokalama telefoni toʻotoʻo ʻo e Fuʻu ʻAkau Fakafāmilí, ʻalu ki he peesi ʻo e kāinga ʻokú ke fie kole hono ngaahi ouaú.
- ʻI lalo he feituʻu ʻoku ʻi ai e hingoá, lomiʻi ʻi he Ngaahi Ouaú.
- Lomiʻi ʻi he Kole ha Ngofua.
- ʻI lalo he fakamatala tuʻutuʻuní, fakahū ho tuʻasila ʻīmeilí mo e fika telefoní.
- Fakahū ho vā fetuʻutaki mo e tokotaha ko ʻení, fakataha mo hoʻo ʻuhinga ki hono fai ʻo e kole ko ʻení.
- Fakahū e hingoa ʻo e tokotaha ʻokú ne ʻoatu e fakangofuá.
- Fakahaaʻi ʻa e vā fetuʻutaki ʻo e tokotaha ʻokú ne fakangofuá mo e kāinga kuo pekiá.
- Fakahū e fakamatala fetuʻutaki ʻo e tokotaha ʻokú ne fai e fakangofuá.
- ʻI he tuliki toʻomataʻu ki ʻolunga ʻo e monitoá, lomiʻi ʻi he Fakahuú.
Ngaahi Sitepu (Fuʻu ʻAkau Fakafāmili Laití)
ʻOku ʻikai te ke lava ʻo kole ha ngofua ʻi he Fuʻu ʻAkau Fakafāmili Laití.
ʻI hoʻo ʻosí
ʻOkú ke maʻu ha ʻīmeili fekauʻaki mo hoʻo kolé neongo pe ko e hā e tuʻutuʻuní. ʻOku ngāue ʻa e FamilySearch Support ke ʻoatu ha tali ʻi he taimi totonu. Fakapapauʻi ʻokú ke vakaiʻi hoʻo foulutā meili junk ʻi hoʻo fakasio e ʻīmeili ko ʻení.
- ʻOku tali ʻe he FamilySearch ʻa hoʻo kolé. ʻOku tānaki ʻe he polokalamá ʻiate ia pē ʻa e hingoa fakafāmilí ki hoʻo lisi hingoa fakafāmilí. Mei ai, te ke lava leva ʻo paaki e kaati hingoa fakafāmilí. Kapau ʻoku ʻikai ʻasi e hingoá ʻi hoʻo lisi hingoa fakafāmilí, tali fakafoki e ʻīmeili fakangofua naʻá ke maʻú.
- ʻOku fiemaʻu ha fakamatala lahi ange ki hoʻo kolé. Kātaki ʻo ʻomi hoʻo talí mo e fakamatalá.
- ʻOku ʻikai tali ʻe he FamilySearch ʻa hoʻo kolé. He ʻikai ke ke toe lava ʻo kole tuʻo ua. Ka, te ke lava ʻo tali e ʻīmeili naʻá ke maʻú.
Ngaahi fakamatala fekauʻakí
ʻOku ʻikai ke u lava ʻo maʻu ha kāinga ofi ʻoku kei moʻuí ke nau fakangofua ʻa e ngaahi ouaú
ʻOku ou fiemaʻu nai ha ngofua mei he kāinga ofi taha ʻoku kei moʻuí ke fakahoko e ngaahi ouau fakatemipalé?
Te u lava nai ʻo kole ha ngaahi ouau fakatemipale fakafofonga ki haʻaku kaungāmeʻa?
Niʻihi fakafoʻituitui te u lava ʻo kole ke fakahoko honau ngaahi ouau fakatemipalé
Ko hono fakahoko e ngāue fakatemipalé maʻá e kakai ʻoku ʻikai ke mau kāingá