Ko ha ngaahi fakahinohino ʻeni ke tokoni atu ke ke fakahū totonu ʻa e ngaahi hingoá ʻi he Fuʻu ʻAkau Fakafāmilí.
Fili ʻa e lea fakafonua totonú
ʻI he taimi ʻokú ke tānaki pe fakatonutonu ai ha hingoa ʻi he Fuʻu ʻAkau Fakafāmilí, te ke lava ʻo liliu ʻa e fokotuʻutuʻu ki he lea fakafonuá. ʻOku fakaʻatā koe ʻe he fokotuʻutuʻu ki he lea fakafonuá ke ke fakahū ʻa e hingoá ʻi hono hokohoko totonú mo e ngaahi mataʻitohi totonú.
Fakahū ʻa e tuʻunga totonu ʻo e hingoá ʻi he konga ʻo e Ngaahi Meʻa Mahuʻingá
ʻI he konga ʻo e Ngaahi Meʻa Mahuʻingá, fakahū ʻa e hingoa fāʻeleʻi ʻo e tokotahá pe hingoa fakalao kakató.
- Mataʻitohi Lahi—Fakaʻaongaʻi ʻa e mataʻitohi lahi angamahení.
- Ngaahi hingoa Teʻeki Malí mo e Malí—Kapau ʻe liliu ʻe ha fefine hono fakaikú hili ʻa e malí, fakaʻaongaʻi hono hingoa teʻeki malí.
- Ngaahi hingoa liliu fakalaó—Kapau ʻe lilliu fakalao ʻe ha tokotaha hono hingoá (kehe mei hono liliu ʻa e fakaikú hili ʻa e malí), fakahū ʻa e hingoa fakalao foʻou angé.
- Hingoa angamaheni ʻoku fakaʻaongaʻí—Kapau naʻe ʻikai ke fakaʻaongaʻi ʻe he tokotahá hono hingoa fakalaó ʻi he moʻuí, te ke lava ʻo fakahū ʻa e hingoa angamaheni ʻoku fakaʻaongaʻí ʻi he konga ʻo e Ngaahi Meʻa Mahuʻingá. Fakahū ʻa e hingoa fakalaó ʻi he konga ki he Fakamatala Kehé.
Hiki ʻa e konga takitaha ʻo e hingoá ʻi he feituʻu totonú
- Hingoa Fakanofó—Fakaʻaongaʻi ʻa e Hingoa Fakanofó ki he ngaahi lea hangē ko e “Count” pe “Mister.” Te ke lava ʻo tuku ʻoua ʻe fakafonu ʻa e feituʻu ki he hingoa fakanofó.
- Ngaahi Hingoa ʻUluakí—Fakahū ʻa e ngaahi hingoa ʻuluaki mo e hingoa loto ʻo e tokotahá. Fakahū ʻa e ngaahi hingoa fakatenetené ʻi he konga ʻo e “Fakamatala Kehé”.
- Ngaahi Hingoa Fakaʻosí—Fakahū ʻa e hingoa fakafāmili pe fakaiku ʻo e tokotahá. Kapau naʻe liliu ʻe ha fefine hono fakaikú hili ʻa e malí, fakahū hono hingoa ʻi he teʻeki malí. Kapau ʻoku ʻikai ha hingoa fakaiku ʻo e tokotahá, tuku ʻatā pē ʻa e konga ki he Hingoa Fakaikú.
- Tānaki Atu mei Muí—Fakahū ha ngaahi foʻi lea hangē “Ko e Siʻí” pe “Ko e Lahí,” pe ko ha mataʻifika faka-Loma. Hangē ko ʻení: Sione Sāmita III. Te ke lava ʻo tuku ʻatā pē ia.
Fakahū ʻa e ngaahi hingoa fakatenetené mo e ngaahi hingoa kehé ʻi he konga Fakamatala Kehé
Fakahū ʻa e ngaahi hingoa kehe naʻe ngāue ʻaki ʻe he tokotahá ʻi he konga “Fakamatala Kehé”. Ko ha ngaahi sīpinga ʻeni:
- Ngaahi hingoa fakatenetené
- Ngaahi hingoa naʻe fakaʻaongaʻi kimuʻa pe ʻi he hili ʻenau hiki ki ha fonua foʻou.
- Ngaahi hingoa naʻe fakaʻaongaʻi ke ʻoua ʻe ʻiloʻi pe ko hai kinautolu.
- Ngaahi liliu ki he hingoá mei he ohí, vete malí, pe ngaahi ngāue fakalao kehé
- Faikehekehe ʻi he hingoá tupu mei he ngaahi anga fakafonua ʻo e fakahingoá, hangē ko e ngaahi hingoa faka-Falanisē ko e “dit,”
- Ngaahi hingoa mali ʻo e kakai fefiné
- Kehekehe ʻo e sipelá
Fakaʻehiʻehi mei he ngaahi foʻi lea pe mataʻitohi ʻoku ʻikai talí.
He ʻikai te ke lava ʻo seivi ha hingoa ʻoku hala ʻa e mataʻitohí ʻi ha taha ʻo e ngaahi konga ki he hingoá. ʻOku ʻasi mai ha pōpoaki fakatokanga ʻo fakamatalaʻi ʻa e palopalemá. Kapau ʻoku lanu kulokula ʻa e pōpoakí, kuo pau ke ke toʻo ʻa e ngaahi mataʻitohi ʻoku halá.
- ʻOku ʻikai ke tali ʻa e ngaahi mataʻitohi ko ʻení: \ @ # $ % ^ & * _ + = | ~ ? < > [ ] { } ( ) ; : 0 1 2 3 4 5 6 7 8 9.
- Fakaʻehiʻehi mei hano tuku ha ngaahi ʻatā lahi ange.
- Te ke lava ʻo fakaʻaongaʻi ʻa e haifení mo e ʻapositolofií ʻa ia ʻoku hoko ko e konga ʻo e hingoá.
- Fakaʻehiʻehi mei hono fakaʻaongaʻi ʻo e ngaahi hingoa ʻoku mataʻitohi nounoú.
- Fakaʻehiʻehi mei he ngaahi lea ʻoku ʻikai ko ha hingoá. ʻOku kau ʻi he ngaahi sīpingá ni ʻa e ʻikai fakahingoá, ʻikai ha hingoá, Mister, Uaifi, māhanga, pe foha.
- Fakahū ʻa e ngaahi mataʻifika ʻo e toʻu tangatá, hangē ko e III, ʻi he konga ki muí.
Ngaahi fakamatala fekauʻakí
Te u liliu fēfē nai ʻa e fakamatala mahuʻingá ʻi he Fuʻu ʻAkau Fakafāmilí?
Te u tānaki fēfē nai ha ngaahi hingoa fakatenetene ki he Fuʻu ʻAkau Fakafāmilí?
Te u fakahū fēfē nai ha hingoa mei ha lea fakafonua kehe ki he Fuʻu ʻAkau Fakafāmilí?
Ko e hā ʻoku hā ai ʻa e fakaʻilonga fehuʻí ʻi he hingoa ʻo ha tokotaha ʻi he Fuʻu ʻAkau Fakafāmilí?
Te u fakahū fēfe nai ha ngaahi hingoa faka-Sikenitinēvia ki he Fuʻu ʻAkau Fakafāmilí?