Kapau ʻokú ke fakaʻaongaʻi ha maʻuʻanga fakamatala ʻoku ʻikai maʻu ʻi he FamilySearch, kuo pau ke ke fakahū fakataautaha ʻa e hingoá, peesi ʻinitanetí, fakamatala kehé mo e ngaahi fakamatalá. Te ke lava leva ʻo fakapipiki atu ʻa e maʻuʻanga fakamatalá ʻi he taimi ʻe fie maʻu aí.
ʻI hoʻo fakahū e maʻuʻanga fakamatalá, ʻomi ha fakamatala feʻunga ki ha tokotaha kehe ke ne maʻu ia.
Ngaahi Sitepu (uepisaiti)
- ʻI hoʻo hū ki he FamilySearch, ʻalu ki he Peesi ʻa e Tokotaha fakafoʻituituí ʻa ia ʻoku lau ki ai e ngaahi fakamatalá.
- Fakaʻasi e ngaahi maʻuʻanga fakamatala ki he tokotahá pe ngaahi maʻuʻanga fakamatala ki hono vā fetuʻutakí.
- Kapau ʻoku fekauʻaki e maʻuʻanga fakamatalá mo ha tokotaha, lomiʻi ʻi he meʻa lomi Ngaahi Maʻuʻanga Fakamatalá.
- Kapau ʻoku fekauʻaki e maʻuʻanga fakamatalá mo e vā fetuʻutaki ʻo ha ongo hoa mali, lomiʻi ʻi he Ngaahi Fakaikiikí. ʻAlu hifo ki he konga Kau Mēmipa ʻo e Fāmilí pea lomiʻi ʻi he fakaʻilonga fakatonutonu ʻoku tuʻu he tafaʻaki ʻo e fakamatala mali ʻo e ongo meʻá.
- Kapau ʻoku fekauʻaki e maʻuʻanga fakamatalá mo ha vā fetuʻutaki fānau-mātuʻa, lomiʻi ʻi he Ngaahi Fakaikiikí. ʻAlu hifo ki he konga Kau Mēmipa ʻo e Fāmilí pea lomiʻi ʻi he fakaʻilonga fakatonutonu ʻoku tuʻu he tafaʻaki ʻo e hingoa ʻo e leká.
- Lomiʻi ʻi he Tānaki e Maʻuʻanga Fakamatalá.
- Fakahū e fakamatala ʻo e mauʻanga fakamatalá ʻi he ngaahi tafaʻaki totonú, ʻo kau ai e ʻuhinga ke fakakau atu ha maʻuʻanga fakamatalá.
- (Fili pē) ʻI he angamahení, ʻoku faʻa fakaʻilongaʻi ʻe kiʻi puha siʻisiʻi ʻi he tafaʻaki ʻo e Tānaki ki Heʻeku Puha Maʻuʻanga Fakamatalá. Ke fakakau e maʻuʻanga fakamatala tatau ko ʻení ki he kakai kehé pe ki he ngaahi vā fetuʻutakí, tuku pē ke fakaʻilongaʻi. Te ke lava leva ʻo fakaʻaongaʻi hoʻo puha maʻuʻanga fakamatalá ke fakakau atu ki he ngaahi meʻa ʻe fie maʻu aí taʻe toe fie maʻu ke ke taipeʻi ia.
- Lomiʻi ʻa e Seiví.
ʻOku tānaki e maʻuʻanga fakamatala foʻoú ki he tokotaha pe vā fetuʻutaki naʻá ke filí.
Ngaahi Sitepú (polokalama telefoni toʻotoʻó)
ʻI he polokalama telefoni toʻotoʻo ʻo e ʻAkau Fakafāmilí, he ʻikai te ke lava ʻo tānaki ha ngaahi maʻuʻanga fakamatala ki he ngaahi vā fetuʻutaki fakahoa malí pe ngaahi vā fetuʻutaki mātuʻa-fānaú. Ka neongo ia, te ke kei lava pē ʻo tānaki ha maʻuʻanga fakamatala ki ha tokotaha.
- ʻAlu ki he peesi ʻo e Tokotaha fakafoʻituitui ʻoku lau ki ai e ngaahi fakamatalá.
- Lomiʻi ʻi he Ngaahi Maʻuʻanga Fakamatalá.
- Lomiʻi ʻa e +.
- Lomiʻi ʻi ha taha ʻo e ngaahi meʻa ke fili mei aí.
- Ke fekumi ʻi he ngaahi tānakiʻanga fakamatalá ki ha maʻuʻanga fakamatala ke fakakau atu, lomiʻi ʻi he Fekumi ʻi he Ngaahi Lekōtí.
- Kapau ko e maʻuʻanga fakamatalá ʻoku ʻi he ʻinitanetí, lomiʻi ʻi he Tānaki ha Maʻuʻanga Tokoni mo ha Peesi Uepisaiti.
- Ka ʻokú ke fie fakaʻaongaʻi ha laʻiʻata fakaʻilekitulōnika, lomiʻi ʻi he Tānaki ha Maʻuʻanga Fakamatala mo ha Laʻitā.
- Kapau naʻá ke lomiʻi ke tānaki ha maʻuʻanga fakamatala mo ha laʻitā, lomiʻi ʻi he Tānaki ha Laʻitaá. ʻE lava ke ke faitaaʻi ha laʻitā ʻi hoʻo meʻangāue toʻotoʻó. Te ke lava ʻo fili ha laʻitā mei hoʻo meʻangāue toʻotoʻó pe ngaahi failé. Te ke lava ʻo ʻalu ki hoʻo Tauhiʻanga Tā ʻi he FamilySearch ke fili ha laʻiʻata.
- Fakahū e fakamatala ʻo e maʻuʻanga fakamatalá ʻi he ngaahi feituʻu totonú. Fakakau ai mo ha ʻuhinga ke fakakau e mauʻanga fakamatalá.
- Lomiʻi ʻi he Seivi
ʻOku ʻasi e mauʻanga fakamatala foʻoú ʻi he lisi Ngaahi Mauʻanga Fakamatala maʻá e tokotahá.
Ngaahi sitepu (ʻAkau Fakafāmili Laití)
He ʻikai lava ke tānaki e ngaahi maʻuʻanga fakamatalá ʻi he ʻAkau Fakafāmili Laití. Kātaki ʻo ʻaʻahi ki he uepisaiti kakató.
Ngaahi fakamatala fekauʻakí
Te u tānaki fēfē nai ha maʻuʻanga fakamatala mei tuʻa ki he ʻAkau Fakafāmilí?