ʻI hoʻo ngaahi fokotuʻutuʻu he FamilySearch, te ke lava ʻo liliu hoʻo fakamatala fetuʻutakí pea fakamahinoʻi e meʻa ʻoku sio ki ai e niʻihi kehé fekauʻaki mo koé.
ʻOku fakaʻaongaʻi ʻe he FamilySearch hoʻo fakamatala fetuʻutakí ke fakafaingofuaʻi e fengāueʻaki mo koé. Neongo ʻoku ʻatā maʻu pē ki he kakaí ʻa e hingoa fetuʻutakí, ka ʻoku mau poupouʻi atu ke ke ʻai foki hoʻo tuʻasila ʻīmeilí ke ʻatā ki he kakaí.
Kimuʻa peá ke kamatá
ʻOku ʻikai lava ke ke liliu ʻa e fokotuʻutuʻú ki ha fakamatala ʻe niʻihi.
- ʻOku Fakapulipuli Maʻu Pē Ho Hingoa Ngāué. He ʻikai ke ke lava ʻo fakaʻatā ia ki he kakaí.
- ʻOku ʻAtā Maʻu Pē ho Hingoa Fetuʻutakí ki he Kakaí. ʻOku ʻasi ho hingoa fetuʻutakí ʻi he taimi ʻokú ke fakatonutonu ai ha lekooti pe fakahū ha manatu melie. ʻI he taimi naʻá ke faʻu ai hoʻo ʻAkauni FamilySearch, naʻe vahe leva ʻe he polokalamá ha hingoa fetuʻutaki angamaheni. Te ke lava ʻo liliu ia ki ho hingoa totonú, ha fakalelei ki ho hingoá, pe ko ha meʻa kehe.
- Ki he Kāingalotu ʻi he Ngaahi ʻAho Kimui Ní, ʻoku maʻu ha fakamatala ʻakauni ʻe niʻihi mei he ngaahi lekooti mēmipasipi ʻa e Siasí. Ke fakatonutonu ho hingoá, tuʻunga tangata pe fefiné, ʻaho fāʻeleʻí, pe feituʻú, kātaki ʻo kole ki hoʻo kalake fakauōtí pe fakakoló ke fakatonutonu hoʻo lekooti mēmipasipi ʻi he Siasí.
- ʻOku ʻoatu e ngaahi fanongonongo ʻīmeili mei he FamilySearch ki he tuʻasila ʻīmeili ʻoku fakamahinoʻi atu ʻi he konga ki he Lea-Fufuú mo e Ngaahi Founga Ki Hono Fakafoki Maí ʻi hoʻo ngaahi fokotuʻutuʻú. ʻOkú ke maʻu e ngaahi fanongonongo ʻīmeili ko ʻení ʻo tatau ai pē pe ʻokú ke fakaʻatā ia ki he kakaí.
Ngaahi Fakahokohokó (uepisaiti)
- Hū ki he FamilySearch
- ʻI he tuliki toʻomataʻu ki ʻolungá, lomiʻi ʻi ho hingoá, pea lomiʻi leva e Settings.
- Sio ki he konga ki ʻolunga ʻo e pēsí. Kapau ʻoku ʻikai fakaʻilongaʻi ʻa e ʻAkauní, lomiʻi ia.
- ʻI he tafaʻaki ʻo e ʻuluʻi tohi takitaha, lomiʻi ʻi he Edit ke fakahoko ha ngaahi liliu ʻi he konga ko iá.
- Ke fakahoko ha liliu, lomiʻi ʻi he puha “Private”.
- Lomiʻi ʻi he Save.
Ngaahi Fakahokohokó (polokalama telefoni toʻotoʻó)
ʻOku ʻikai fakangofua koe ʻe he polokalama telefoni toʻotoʻo ʻo e Fuʻu ʻAkau Fakafāmilí mo e Ngaahi Manatu Melié ke fakatonutonu hoʻo fakamatala fetuʻutakí. Fakaava ha browser ʻi hoʻo meʻangāue toʻotoʻó, pea muimui ʻi he ngaahi sitepu ki he uepisaití.
Ngaahi Fakahokohokó (Family Tree Lite)
ʻOku ʻikai fakangofua koe ʻe he Family Tree Lite ke ke fakatonutonu hoʻo fakamatala fetuʻutakí. Kātaki ʻo hū ki heʻemau uepisaití, pea fakahoko ai hoʻo ngaahi liliú.
Ngaahi sitepu hokó
Kapau naʻá ke liliu hoʻo tuʻasila ʻīmeilí pe fika telefoni toʻotoʻó, muimui ʻi he ngaahi fakahinohinó ke fakapapauʻi ʻa e fakamatalá.
Ngaahi Olá
ʻE ʻasi ho hingoa fetuʻutaki motuʻá ʻi he FamilySearch ʻo aʻu ki he houa ʻe 24 hili hoʻo liliú. Kapau ʻe muimui e niʻihi kehe ʻoku nau fakaʻaongaʻí e ngaahi lekooti kuó ke fakatonutonú, ʻe kei ʻasi mai pē ho hingoa fetuʻutaki motuʻá kae ʻoua kuo kakato hono fakatonutonu ʻo e polokalamá.
Ngaahi fakamatala fekauʻakí
How do I change my username or password?
How do I unsubscribe or subscribe to email notifications and newsletters?
How do I send a message to someone who contributed to Family Tree or Memories?
How do I turn on or off the option to view my relationship to other users?