Kumi e Ngaahi Kuí ʻi he Ngaahi Lekōtí
ʻE lava ke maʻu ha ngaahi fakaikiiki foʻou ʻi he ngaahi lekōtí pea maʻu ha ngaahi fakamatala hokohoko ki ha kui pau.
Ngaahi tefitoʻi meʻa ki he fekumi ki he kuí
ʻOku hangē ʻa e fekumi ki ho ngaahi kuí ʻi ha ngaahi lekooti fakahisitōlia ko ha fekumi ʻi he polokalama Google. ʻOkú ke fakahū ʻa e meʻa ʻokú ke ʻilo fekauʻaki mo ha meʻa ʻokú ke fiemaʻu ke ʻilo. Pea ʻe vakaiʻi holo ʻe he polokalamá ʻi ha ngaahi fakamatala lahi ke maʻu ʻa e hoa tatau lelei tahá.
Ke kumi ha kui, ʻoku lelei ke fakahū e fakamatala hangē ko e hingoa ʻo e tokotahá mo e feituʻu mo e taimi moʻui pea pekia aí. ʻE tokoni foki kapau te ke lava ʻo fakahū ha faʻahinga vā fetuʻutaki hangē ko e hoamali, mātuʻa pe fānau.
Fakahū ʻa e meʻa ʻokú ke ʻilo pe lava ʻo ʻilo mei ho kāingá. ʻOua te ke hohaʻa kapau ʻoku ʻikai te ke ʻilo kotoa; ʻe kei lava pe ke fai ha fekumi ʻaki ha fakamatala siʻisiʻi.
Meʻa hoko ke faí
ʻOku tokoni atu ʻa e ngaahi lekooti fakahisitōliá ke tānaki ʻa e ngaahi fakaikiiki ʻo ha talanoa ki he fāmilí. Te nau lava ʻo ʻomai e fakamatala mahuʻinga pe mālie hangē ko e ngaahi tuʻasilá, ngaahi hingoa ʻo e mēmipa ʻo e fāmilí, fakamatala fakataautaha hangē ko e maʻolunga, lanu ʻo e kanoʻi matá, mo e ngāue maʻuʻanga moʻuí. Mahalo te ke maʻu ai foki mo e fakamoʻoni hingoa ho kuí.
Seivi ʻa e meʻa ʻokú ke maʻu fekauʻaki mo ho ngaahi kuí ki honau fakamatala fakafoʻituitui ʻi he ʻAkau Fakafāmilí. ʻE maluʻi ʻa e meʻa ʻokú ke seiví pea vahevahe ʻi he taimi pē ko iá mo e kāinga mahalo ʻoku nau fekumi ki he fakamatala tatau. Ko e ngaahi fakaikiiki ko ʻeni ko ha ngaahi maʻuʻanga tokoni foki ia te ne lava ʻo fakapapauʻi ʻa e ngaahi moʻoniʻi meʻa ʻi he moʻui ʻa e tokotaha ko iá pea tokoni ke fakamoʻoniʻi ʻa e ngaahi vā fetuʻutakí.