Faʻu ha ʻAkau Fakafāmili
ʻAhiʻahi e ngaahi ʻekitivitī ko ʻení ke kamata lekooti hoʻo ngaahi vaʻa ʻakau fakafāmilí ʻi he FamilySearch.
Ko e hā ʻa e fuʻu ʻakaú?
Ko ha tānaki ʻanga ʻoku fakautuutu ʻo e ngaahi tohihohoko fakafāmilí. Kuo tānaki ʻe he kakai ʻi he funga ʻo e māmaní ʻenau ngaahi vaʻá ʻi he ngaahi taʻu lahi.
Ngaahi sitepu ʻuluakí
Kamata ʻi hoʻo mātuʻá, tānaki atu ki he lahi taha te ke lavá ʻa e kāinga ʻoku kei moʻuí mo kinautolu kuo pekiá. ʻE ala tokoni ha telefoni pe pōpoaki telefoni nounou ki ha kainga matuʻotuʻa ange ke ke fakafonu ngaahi konga ʻoku kei ʻataá.
Tokoni: ʻOua te ke hohaʻa ki hono tānaki atu ʻo e niʻihi fakafoʻituitui moʻuí ʻi hoʻo foki ki he pekiá. ʻOku tauhi fakataautaha ʻa e fakamatala kotoa pē ki he kakai moʻui.
Tānaki atu e kakaí ki he Fuʻu ʻAkaú
Lomiʻi ʻa e meʻa lomi (+) ke tānaki atu ha tokotaha ki he fuʻu ʻakaú.
Tānaki atu e hingoa ʻo e tokotahá pea pehē ki he ʻaho mo e feituʻu ne fā��eleʻi pe pekia aí. Ko e hā pē ʻokú ke ʻilo pe lava ke ʻilo. Pea lomiʻi ʻi he hoko atu.
Fakafehokotaki atu ki he ʻAkau Fakafāmili ʻoku ʻatā ki ha taha pē
ʻI hoʻo tānaki atu ʻa e ngaahi hingoa ki he fuʻu ʻakau te mau kumi ha ngaahi hoa tatau. Ko ia, kapau kuo ʻosi ʻi he fuʻu ʻakaú hoʻo kui fefine kuo pekiá, te mau kumi ia ʻo fakafehokotaki. ʻOku lahi e ngaahi meʻa ʻoku faitatau ai e kumí—ko e ʻAkau Fakafāmili ʻoku ʻatā ki ha taha peé ko e tokoni ia mei he kau fakatotolo ʻi he funga ʻo e māmaní, kuo fakahoko he ngaahi taʻu lahi.
Vakaiʻi e ngaahi fakaʻilonga ki ha lekōtí
ʻIkai ngata pē ʻi hono kumi e ngaahi kui ʻi he ʻakau fakafāmilí, te mau fekumi foki ʻi heʻemau tānakiʻanga lekooti fakahisitōliá ki ha ngaahi kui kuo pekia ʻokú ke tānaki mai. ʻI hono maʻu ha hoa tatau, te mau fakaʻaliʻali atu ha “kiʻi tokoni.” Te ke lava ʻo fakatokangaʻi ha kiʻi tokoni mei he ʻaikoni lanu pulū ʻoku ʻasi haké.
Muimui ʻi he fehokotakiʻangá ke ʻalu ki he ʻAkau Fakafāmilí ke kamata. Lomiʻi ʻi he fakaʻilonga (?) ʻi he konga ki ʻolunga ʻo e pēsí kapau ʻoku ʻi ai hao ngaahi fehuʻi pe fie ako lahi ange ki heʻene founga ngāué.
Tokoni: Vakaiʻi e ngaahi tokoní pe ʻoku nau hoa tatau. Kapau ʻoku ʻio, ko ha founga lelei ia ke tānaki ai ha ngaahi vaʻa foʻou ki he ʻakau fakafāmilí.