Ko ʻEku Haʻú Nai Mei Fē?
Fekumi pe naʻe kamata moʻoni ho talanoá ʻi fē—vakai ki he ngaahi feituʻu, anga fakafonua, mo e tala tukufakaholo naʻá ne tokoniʻi hoʻo ngaahi kuí (pea tokoni ki he tuʻunga ʻokú ke ʻi aí).
Mahuʻinga Hono ʻIloʻi ʻa e Feituʻu ʻOkú Ke Haʻu Mei Aí
“Ko ʻeku haʻú nai mei fē?” Ko ha fehuʻi faingofua ʻeni ʻoku ʻikai faingofua hano tali. ʻOku mahulu hake ʻa e feituʻu ʻokú ke haʻu mei aí ʻi ha foʻi feituʻu pē ʻi he mapé, pea ʻokú ne tākiekina koe ʻo lahi ange ʻi he meʻa ʻokú ke malava fakakaukau ki aí.
Ko hono ʻiloʻi ʻo e feituʻu naʻá ke haʻu mei aí, ʻokú ne ʻomi ha ʻuhinga mo ha fakamatala ki he moʻui ʻokú ke lolotonga ʻi aí. ʻOku makatuʻunga ho tukufakaholó ʻi he ngaahi kolo, fonua, anga fakafonua, mo e ngaahi tukufakaholo naʻá ke tupu hake ai mo hoʻo ngaahi kuí.
Kamata Fekumi Ki Ho Tukufakaholó
ʻOku ngaohi ʻe he aʻusia “Ko ʻEku Haʻú Nai Mei Fē?” ʻi he FamilySearch ke faingofua hoʻo ʻiloʻi ʻa e feituʻu naʻá ke tupu hake ai mo hoʻo ngaahi kuí. ʻE tokoni foki ke ke fekumi ki he ngaahi anga fakafonua mo e ngaahi tukufakaholo ʻo e ngaahi feituʻu ko iá. Te ke lava ʻo ako ki he feituʻu naʻe ʻi ai hoʻo ngaahi kuí lolotonga ʻa e ngaahi meʻa fakahisitōlia naʻe hokó pea fakalaulauloto ki he founga naʻe uesia ai ʻe he ngaahi meʻá naʻe hokó ʻenau moʻuí.
ʻOku ʻomi ʻe he “Ko ʻEku Haʻú Nai Mei Fē?” ha ngaahi tefitoʻi aʻusia ʻe fā.
Ngaahi Toʻu Tangata
Fakaʻaongaʻi ha mape fengāueʻaki fakamāmani lahi ke tuhuʻi pau ʻa e feituʻu naʻe nofo ai hoʻo ngaahi kuí.
Ngaahi Laine Fakafāmilí
Mamataʻi ʻa e fehikitaki ho fāmilí ʻi he māmaní ʻi he ngaahi toʻu tangata lahi.
Tukufakaholó
Fekumi ki he feituʻu naʻe haʻu mei ai hoʻo ngaahi kuí mo kumi ʻa e tukufakaholo ʻo ho fonua tupuʻangá.
Taimi Tēpilé
Ako kau ki he feituʻu naʻe ʻi ai hoʻo ngaahi kuí lolotonga ha ngaahi meʻa lalahi naʻe hoko fakamāmani lahi.