Si mund ta gjej një person të vdekur te Pema Familjare?

Mund të gjeni njerëz të vdekur te Pema Familjare. Mund të kërkoni duke përdorur informacionin për emrin, gjininë, pjesëtarët e familjes ose ngjarjen. Mund të kërkoni edhe sipas numrit të identifikimit.

Mund të gjeni njerëz të gjallë te Pema Familjare vetëm nëse i hodhët ju te Pema dhe i kërkoni duke përdorur numrin e identifikimit.

Hapat (faqe interneti)

1. Ndërkohë që nënshkruat hyrjen në FamilySearch.org, klikoni te Pema Familjare.
2. Klikoni te Gjej.
3. Klikoni te nënndarja për llojin e kërkimit që dëshironi të përdorni:
   
   • Gjej sipas Emrit. Shkruani një emër dhe informacione të tjera. Nëse dëshironi të gjeni përkim të saktë të njërit ose më shumë kritereve të kërkimit tuaj, klikoni te kutia përzgjedhëse në krah të fushës.
     
     • Përfshirja e një emri tjetër mund t’ju ndihmojë ta gjeni një person duke përdorur nofkat, mbiemrat nga martesa dhe emra të tjerë të mundshëm.
     • Kërkimi për një ngjarje lindjeje kërkon informacione edhe për lindjen edhe për pagëzimin në një kishë tjetër.
     • Kërkimi për një ngjarje vdekjeje kërkon informacione edhe për vdekjen edhe për varrimin.
     • Mund të përdorni karaktere përmbledhëse në emrat e njerëzve dhe vendeve. Shkruani * për të zëvendësuar zeron ose më shumë karaktere. Shkruani ? për të zëvendësuar një karakter.
   • Gjej sipas Numrit të Identifikimit. Shkruani numrin e identifikimit në një Pemë Familjare.
4. Klikoni te Gjej.
5. Shqyrtojini rezultatet.
6. Nëse nuk e gjeni personin që doni, ndryshojini kriteret e kërkimit tuaj:
   
   1. Bëjini ndryshimet tuaja në panelin në të majtë.
   2. Klikoni te Gjej.
   3. Shqyrtojini rezultatet përsëri.
7. Në rezultatet e kërkimit, klikoni tek emri i personit për ta parë kartën e personit.
8. Te karta e personit, klikoni te Personi.

Hapat (programi për telefonat celularë)

1. Në programin për telefonat celularë Pema Familjare, lundroni te pamja e trungut familjar.
2. Prekni me gishte tek ikona e lupës zmadhuese.
3. Prekni me gisht te lloji i kërkimit që doni të përdorni:
   
   • Gjej sipas Emrit. Shkruani një emër. Nëse e dini gjininë, prekni me gisht ose te Mashkull ose te Femër. Nëse doni të shtoni informacion për lindjen, vdekjen ose martesën, prekni me gisht te Përzgjidh Ngjarjen dhe shtojeni informacionin.
   • Gjej sipas Numrit të Identifikimit. Shkruani numrin e identifikimit të një individi te Pema Familjare.
4. Prekni me gisht te Gjej.
5. Në krye të ekranit është informacioni rreth mbiemrit që shkruat. Poshtë tij shihni te “Njerëzit që u gjetën në Pemën Familjare të përbashkët” për rezultatet e kërkimit tuaj.
6. Shqyrtojini rezultatet.
7. Nëse nuk e gjeni personin që doni, prekni me gisht te Prapa ose Gjej një Person për të ndryshuar kriteret e kërkimit tuaj.
8. Te rezultatet e kërkimit, prekeni me gisht emrin e personit.

Hapat (Pema Familjare Varianti i Thjeshtuar)

1. Ndërkohë që nënshkruat hyrjen te Pema Familjare Varianti i Thjeshtuar (lite.fs.org), klikoni te Gjej
2. Klikoni te lloji i kërkimit që doni të përdorni:
   
   • Emri. Shkruani një emër, gjininë dhe informacione të tjera.
   • Numri i Identifikimit. Shkruani një numër individual identifikimi te Pema Familjare.
   • Historia. Shihni 50 njerëzit më të fundit që patë. Klikoni tek një emër për t’u kthyer te njëri prej tyre.
3. Klikoni te Gjej.
4. Shqyrtojini rezultatet.
5. Nëse nuk e gjeni personin që doni, prekni me gisht te Përmirësoje Kërkimin që t’i ndryshoni kriteret e kërkimit tuaj.
6. Te rezultatet e kërkimit, klikoni tek emri i personit.

Artikuj të ngjashëm

Si ta kopjoj me lehtësi numrin e identifikimit të një personi te Pema Familjare?
Ku mund të gjej ndihmë për gjenealogjinë time?