Çfarë kuptimi kanë ikonat dhe gjendjet e ndryshme të tempullit?

Personi ka lidhje familjare me ju dhe një ordinancë është në dispozicion për kërkesë. Keni 2 vjet kohë që t’i përfundoni ordinancat.

Nëse personi lindi brenda 110 vjetëve të fundit, duhet të kërkoni leje nga një familjar i afërt përpara se ta kryeni ordinancën. Ju lutemi, merrini parasysh ndjenjat e njerëzve të tjerë. A ka ndonjë person tjetër me një lidhje familjare më të afërt se ju që mund të bëjë të njëjtën punë? Ndoshta mund t’i ftoni ata që të marrin pjesë.

Ordinanca është rezervuar. Ikona ndiqet nga një etiketë e shkurtër me më shumë informacion:

E Pashtypur. E Rezervuar, por karta e emrit nuk është shtypur ende. Mund të përpiqeni të viheni në kontakt me personin që e kërkoi ordinancën, dhe t’i kërkoni atij ose asaj t’jua shpërndajë juve.

E Shtypur. Një kartë e emrit të familjes është shtypur për këtë ordinancë specifike. Nëse vendosni ta shpërndani ordinancën, ju lutemi, shkatërrojeni kartën e emrit të familjes. Shkatërrimi i kartave parandalon përsëritjen e ordinancës.

E Shpërndarë. Ju e rezervuat këtë ordinancë, por më pas e shpërndatë atë te dikush tjetër ose ndoshta në tempull. Ju mund ta hiqni ordinancën nga shpërndarja përveç rastit kur tempulli e ka shtypur kartën e emrit ose dikush tjetër e ka rezervuar atë.

Në Pritje. Kryejini ordinancat e tempullit në rendin e duhur. Në Proces, nënkupton që ordinancat e tjera të tempullit duhet të përfundojnë përpara se të mund të kryeni ordinancën që ju intereson.

Ordinancat nuk janë në dispozicion. Përveç ikonës, shikoni për një etiketë të shkurtër që shpjegon:

Nevojitet më Shumë Informacion. Diçka mungon. Informacioni duhet të shtohet ose të korrigjohet në dokumentin e këtij personi përpara se të mund të kryhet ordinanca.

Nuk Janë Gati. Personi në fjalë ka vdekur më pak se 30 ditë më parë. Ordinancat e tempullit nuk mund të kryhen ende.

Gjendja e ordinancës së personit nuk është në dispozicion, ose ju nuk keni lidhje familjare me atë person.

Në disa raste, paraardhësi jetoi përpara vitit 200 ps.K. Ose një rregullore e privatësisë e pengon programin FamilySearch që ta paraqitë informacionin. Për një vulosje në tempull, ndoshta paraardhësit/es i mungon bashkëshortja/i ose prindi i renditur te Pema Familjare, ose bashkëshorti/ja është ende gjallë.