Gjeni një qendër të programit FamilySearch pranë jush për ta filluar me hov rrugëtimin e historisë suaj familjare. Mund ta gjeni adresën e një qendre vendore në këndin tonë të internetit.
Vullnetarët vendorë në qendrat e programit FamilySearch sigurojnë një larmi shërbimesh:
- Ndihmë e personalizuar rreth mënyrës si ta përdornin programin FamilySearch dhe si të bëni kërkime për historinë familjare.
- E drejtë shtesë e përdorimit të kompjuterave, internetit dhe abonim në këndet e internetit për historinë familjare. (Burimet në dispozicion ndryshojnë sipas vendndodhjes.)
- E drejtë e përdorimit të figurave të dokumenteve historike që janë në dispozicion vetëm në qendra.
Secila qendër është e pashoqe, por ato të gjitha ofrojnë një hapësirë për të mësuar më shumë rreth paraardhësve tuaj. Qendrat janë të vendosura në shumë lloje ndërtesash, si kisha dhe biblioteka.
Hapat (faqe interneti)
- Në cepin e sipërm në të djathtë të ekranit FamilySearch, te kreu, klikoni te (ikona e gjilpërës me kokë).
- Klikoni te Zbuloni një Qendër Vendore.
- Në kutinë Kërko, shkruani vendndodhjen tuaj dhe klikoni te Kërko.
- Klikoni te një qendër nga lista.
- Kërkoni ikonat e gjelbra të pemës së programit FamilySearch në hartë. Klikoni te një ikonë. Mund të shihni emrin e qendrës, adresën, oraret e funksionimit dhe numrin e telefonit.
Hapat (programi për telefonat celularë)
Për programin Pema Familjare:
- Në një pajisje iOS, në cepin e poshtëm djathtas të programit, prekni me gisht te Më shumë. Në një pajisje Android, në pjesën e sipërme majtas, prekni me gisht ikonën me 3 vija.
- Prekni me gisht te Ndihmë.
- Prekni me gisht te Vihuni në Kontakt me Ne.
- Prekni me gisht te Gjej një Qendër të Programit FamilySearch.
- Shfaqet një hartë e vendndodhjes suaj aktuale. Mund të prekni me gisht ndonjë nga pikat e gjelbra në hartë për të parë më shumë informacion për Qendrën e programit FamilySearch. Për të kërkuar një qendër tjetër, shkruani një vend në shiritin e kërkimit në fund të hartës.
Hapat (Pema Familjare Varianti i Thjeshtuar)
Programit Pema Familjare Varianti i Thjeshtuar i mungon një veçori për t’ju ndihmuar të gjeni qendrat e programit FamilySearch. Ju lutemi, përdorni në vend të kësaj faqen e plotë të internetit ose programin.
Kërko ndihmë
Vihuni në kontakt me sektorin e programit FamilySearch në këto rrethana:
- Ju kërkoni një qendër të caktuar të programit FamilySearch dhe nuk e gjeni
- Informacioni i kontaktit për një qendër nuk është i saktë