Në Pemën Familjare, një person mund të ketë më shumë se 1 bashkëshort/e ose grup prindërish. Në këtë rast, mund të zgjidhni bashkëshortin/en ose prindërit e parapëlqyer që dëshironi të shikoni në pamjen e trungut familjar.
Këto janë ndikimet e vendosjes së bashkëshortit/es ose prindërve të parapëlqyer:
- Shikoni të gjithë bashkëshortët dhe prindërit në faqen “Personi”.
- Shikoni vetëm bashkëshortin/en dhe prindërit e parapëlqyer në pamjen e trungut familjar dhe në dokumentet e shtypura të grupeve familjare. Tregojnë vetëm pasardhësit dhe paraardhësit e bashkëshortit/es ose prindërve të parapëlqyer.
- Vetëm ju i shikoni ndryshimet tuaja të bashkëshortit/es ose prindërve të parapëlqyer. Përdoruesit e tjerë mund të zgjedhin të tyret.
- Bashkëshorti/ja ose prindërit e parapëlqyer mbeten të përcaktuar derisa t’i ndryshoni ju vetë.
- Vendosja e një bashkëshorti/je ose prindërve të parapëlqyer ndikon në mënyrën se si funksionon Lidhësi i Burimit. Lidhësi i Burimit rreshton vetëm bashkëshortin/en dhe fëmijët e parapëlqyer të atij çifti.
- Faqja “Personi” tregon çiftet sipas datës së martesës. Vendosja e prindërve të parapëlqyer nuk ndikon në rendin me të cilin prindërit shfaqen në faqen “Personi” të fëmijës.
Hapat (faqe interneti)
Pamja për së gjeri
- Te menuja në krye, klikoni te Pema Familjare dhe më pas klikoni te Pema.
- Në cepin e sipërm djathtas ekranit të pemës, klikoni te pamja e trungut familjar dhe më pas zgjidhni veçorinë Për së gjeri.
- Gjeni personin me shumë bashkëshortë ose prindër.
- Nëse jeni duke zgjedhur një bashkëshort/e të parapëlqyer, vendoseni çiftin në pozicionin kryesor.
- Nëse jeni duke zgjedhur një prind të parapëlqyer, vendoseni fëmijën në pozicionin kryesor.
- Për të shfaqur bashkëshortët ose prindërit e tjerë, klikoni te shigjeta për poshtë.
- Për të zgjedhur bashkëshortët e parapëlqyer, përdorni shigjetën ngjitur me emrin e bashkëshortit/es.
- Nëse zgjidhni prindërit e parapëlqyer, shigjeta është e vendosur në të majtë të kutisë që tregon prindërit.
- Klikoni te bashkëshorti/ja ose prindërit e parapëlqyer.
Faqja “Personi”
- Te menuja në krye, klikoni te Pema Familjare dhe më pas klikoni te Pema.
- Gjeni personin me shumë bashkëshortë ose prindër.
- Klikoni tek emri i personit. Në hollësitë që shfaqen, klikoni përsëri tek emri i personit.
- Klikoni te nënndarja Hollësitë.
- Rrëshqitni deri në fund te pjesa Pjesëtarët e Familjes.
- Klikoni te Vendos të Parapëlqyerin/ën.
- Në kutinë që shfaqet automatikisht, klikoni ose te nënndarja Bashkëshorti/ja i/e Parapëlqyer ose te Prindër të Parapëlqyer.
- Klikoni te bashkëshortët ose prindërit e parapëlqyer.
- Klikoni te Ruaj.
Hapat (programi për telefonat celularë)
- Në programin për telefonat celularë Pema Familjare, gjeni dhe prekni me gisht emrin e personit që shfaqet si bashkëshorti/ja ose prindi jo i parapëlqyer.
- Në shiritin poshtë emrit, prekni me gisht te Bashkëshortët ose Prindërit.
- Në të djathtë të bashkëshortit/es ose prindit tuaj të parapëlqyer, prekni me gisht te shigjeta e vogël gri.
- Pranë Bashkëshortit/es të/së Parapëlqyer ose Prindit të Parapëlqyer, prekni me gisht rrethin.
- Kur të ktheheni te pema, tani shfaqet bashkëshorti/ja ose prindi i parapëlqyer.
Hapat (Pema Familjare Varianti i Thjeshtuar)
Programi Pema Familjare Varianti i Thjeshtuar nuk ju lejon të përzgjidhni bashkëshortët ose prindërit e parapëlqyer.