O lau lisi o igoa o le aiga mo le malumalu o loo i ai se taofiga tapulaa faaleoleo o igoa e 300 laina e te taina i totonu. O se faamatalaga e ta i totonu, e aofia ai le igoa o se tuaa ma sauniga na e taofia faaleoleo.
A oo loa lau lisi i le tapulaa lea, e lē mafai ona e toe taofi faaleoleoina nisi sauniga seia faaitiitia ifo le lisi i lalo o le tapulaa.
Na muai faaaogaina le taofiga tapulaa faatulagaina o igoa i le 2021. O fesili ma tali nei o loo faamatala auiliili atili ai le tapulaa.
O fesili e fesiligia soo
Aisea ua faatulaga ai se taofiga tapulaa o igoa?
I se tusi na tusia i le aso 8 Oke 2012, sa fautuaina ai e le Au Peresitene Sili tagata o le Ekalesia o i ai ni lisi e toatele aofaiga ina ia “faamatuu atu nei igoa i se taimi talafeagai ina ia mafai ai ona faatino ia sauniga e tatau ai.” O le toatele o o tatou aiga ua maliliu o loo faatalitali mo le avanoa e maua ai faamanuiaga o sauniga e fai ai ma sui. E toatele tagata o le ekalesia o loo auauna atu i malumalu i le salafa o le lalolagi e fesoasoani i lenei galuega.
O se tapulaa fou o le 300 igoa e taofia faaleoleo e mafai ai e oe ona atili faigofie ona faafoe lau lisi o igoa ua taofia faaleoleo. O lenei suiga e mafai ai e tagata o le Ekalesia ona faigofie ona maua avanoa o le malumalu. E le gata i lea, o le a fesoasoani foi i augatuaa e maua sauniga i se taimi talafeagai lelei.
O Peresitene Russell M. Nelson ma isi perofeta o ona po nei ua latou faamamafa maia le taua o le faanatinatiina o le galuega a le Alii e faapotopoto Isaraelu. Ua ia i tatou se matafaioi paia e tuuina atu sauniga e fai ai ma sui mo o tatou lava tuaa. I le avea ai ma se Ekalesia i le lalolagi atoa ma tagata o se aiga toatele e tasi, e mafai ona tatou fesoasoani o le tasi i le isi e faataunuu lenei matafaioi paia.
O laasaga nei e mafai ona e faia pe afai ua tele naua avanoa o le malumalu e faamaea ai i se taimi vave:
- Faasoa atu igoa o aiga i tagata o le aiga, uo, po o se vaega faaleāiga
- Faasoa atu igoa o taofi faaleoleo i le malumalu. O isi e mafai ona maua le igoa mai le Sauniga ua Saunia ma le Family Tree.
- Aveese le Taofia o avanoa mo nisi igoa
E lē mafai ona e faasoaina sauniga na e faaleoleo mai le suegaigoa o le malumalu ua faasoaina atu. A e taumafai, e te vaai i se sāvali: “O sauniga na faasoa atu muamua i le malumalu e lē mafai ona toe faasoaina atu.” E mafai ona e aveesea le taofiga faaleoleo o nei sauniga. A e aveesea le taofiga faaleoleo o nei igoa e toe foi i luga o le lisi fefaasoaai o le tagata na muai faasoaina atu i le malumalu.
Pe a i lalo ifo o le tapulaa lau lisi faaleoleo, e mafai ona e toe aveesea se avanoa na e faasoaina atu muamua.
E le mafai ona e aveesea le faasoaina o sauniga i tulaga nei:
- Ua maea ona faataunuuina sauniga
- O kata ua lolomiina a le malumalu
- Ua taofia faaleoleo e se isi tagata ia sauniga mo se taimi e 120 aso
O a mea e faitaulia i le faaleoleo tapulaa o igoa?
O laina taitasi i luga o lau lisi o igoa ua faaleoleoina e taitasi ona faitau, tusa lava foi pe tele sauniga i laina taitasi. Ina ia iloa lau numera, tagai i le itu tauagavale o le pa i autafa. O le numera pe a mavae le “O A’u Igoa Faaleoleo” o lau aofaiga lea.
O papatisoga, faamauga o papatisoga, sauniga o mulumuluga, faaeega paia, ma faamauga i matua mo se tagata e faaalia i le laina e tasi ma faitauina e tasi le taofiga faaleoleo. O le sauniga o le faamauga i le toalua e faaalia i lona lava laina o taofiga faaleoleo ma faitaulia ai o se taofiga faaleoleo e ese.
O le a le mea e tupu pe afai ua sili atu ma le tapulaa la’u lisi o taofiga faaleoleo?
Afai o lau lisi ua sili atu nai lo le aofaiga faatagaina o avanoa, e tumau pea i luga o lau lisi seia oo i le aso e uma ai le aoga. A uma le aoga o le avanoa taofiga faaleoleo, e faasoa atu sauniga i le malumalu. E mafai e tauāiga ona maua ma faaleoleo i latou i totonu o le Family Tree po o Sauniga ua Saunia.
Afai o lau lisi o taofiga faaleoleo o loo i lalo ifo o le tapulaa ma e leai se tasi na lolomiina pe faamaeaina le galuega, e mafai ona e faalēaogaina le faasoaina o se igoa.
E faapefea ona ou iloa pe ua oo la’u lisi o taofiga faaleoleo i le tapulaa?
Ina ia e tagai i lau lisi o taofiga faaleoleo, saini e alu i totonu i le FamilySearch.org, ma kiliki i le Malumalu. Kiliki le O La’u Taofiga Faaleoleo. I le itu tauagavale, e faaalia i le My Reservations pe fia au taofiga faaleoleo o loo i ai. O le numera Fefaasoaai e lē faatatau i lau tapulaa.
Afai e te taumafai e taofia faaleoleo se sauniga i le maea ai ona e ausia lou tapulaa, e te vaai i se faasilasilaga faapea ua e taunuu i le tapulaa.
O le a le mea e tupu pe a ou oo i le tapulaa o taofiga faaleoleo?
Pe a e oo i le tapulaa, e lē mafai ona e taofia faaleoleo nisi igoa faaopoopo o le aiga. Ina ia faia se avanoa i luga o lau lisi, e mafai ona e faasoaina au taofiga faaleoleo o i ai ma le malumalu. E mafai e isi tagata o le Ekalesia ona faaaoga Sauniga ua Saunia ma fesoasoani ia te oe e faamaea ia sauniga. A maea le galuega, e te maua se faailo i lau Faailoilo i le FamilySearch.
E mafai ona e toe maua mai igoa fefaasoaai ia e le i faia lava i le taimi lava e te maua ai le tele o le avanoa i lau lisi o taofiga faaleoleo. Afai o se taofiga faaleoleo na faasoa atu o loo aofia ai ni sauniga ua lolomi pe faamae’aina, e le mafai la ona le toe faasoaina atu na sauniga.
Pe aofia le faasoa o igoa o le aiga ma le malumalu i la’u tapulaa faatulagaina?
A e faasoa atu se igoa o le aiga i le malumalu, e lē aofia le taofiga faaleoleo i lau tapulaa faatulagaina.
Pe aofia le faasoaina atu o igoa ma se vaega faaleaiga i la’u tapulaa faatulagaina?
Pe a e faasoa atu se igoa o le aiga i se vaega faaleāiga, e le aofia le taofiga faaleoleo i lau tapulaa faatulagaina. O aso masani e uma ai le aoga o le a faaaoga pe a uma ona toe tatala atoa malumalu i le vaega 4.
E faapefea ona aofia i la’u tapulaa faatulagaina le faasoaina atu o igoa o le aiga i se tauāiga po o se isi tagata o le Ekalesia?
E mafai ona e faasoa atu igoa o le aiga i tagata o lou aiga po o uo e ala i le imeli po o se savali a le FamilySearch. O se imeli po o se savali a le FamilySearch e faaalia ai igoa ma sauniga e manaomia. Afai latou te talia ia taofiga faaleoleo, e auina atu na taofiga faaleoleo i a latou lisi o taofiga faaleoleo. E lē toe alia’e mai le taofiga faaleoleo i luga o lau lisi, ma e lē aofia ai foi i lau tapulaa faatulagaina.
Afai ou te faasoaina igoa o le aiga i le malumalu, o le a le umi e tatau ona ou faatali ai mo i latou ina ia faamaeaina?
E faigata ona iloa po o le a le vave e faamaea ai sauniga o igoa na faasoa atu i le malumalu. O mea moni e aofia ai le aofaiga o sauniga e faasoa atu e isi ma le aofaiga o tagata e auai i le malumalu. O le taimi nei, e umi lava le taimi e faamaeaina ai faaeega paia mo alii. O isi sauniga (papatisoga, faamauga, ma mulumuluga) mo alii po o tamaitai e masani ona le umi se taimi e alu ai.
O le i ai o Sauniga Saunia, ua mafai ai ona faafaigofie atili i tauāiga ma tagata o le Ekalesia i le lalolagi atoa ona maua ma faamae’a igoa na faasoa atu i le malumalu. I le i ai o le tele o malumalu ua fausia i le lalolagi atoa, ua mafai ai foi e le toatele e tagata o le Ekalesia ona auai i le faatinoina o galuega o sauniga mo e ua maliliu. O le faaauau ai pea o le faaleleia atili o le faagasologa o le faasoaina ma le tufatufaina atu o le a fesoasoani foi e faapuupuu ai le taimi e faamaeaina ai.
E sili ia te a’u ona faasoa kata o igoa ua lolomiina o le aiga ma tagata o le aiga. Pe mafai ona ou maua se tuusaunoaga i le tapulaa faatulagaina o taofiga?
O le tapulaa faatulagaina o taofiga e faatatau mo tagata faaaoga uma.
Mafaufau e faasoa au igoa o le aiga i ou tauāiga e faaaoga ai le vaaiga fou o le vaega faaleāiga. I se vaega faaleāiga, e mafai e tauāiga ona lolomi le kata pe a ua latou saunia e asiasi i le malumalu. O igoa e te faasoa atu i se vaega faaleaiga e aofia ai i lau tapulaa faatulagaina. Ae e mafai ona e vaai i sauniga o i lau lisi ma po o ai na lolomiina. E mafai ona e tulitataoina le agai i luma i luga o le initoneti ma maua faailo pe a mae’a ia sauniga.
Afai ou te faasoa atu ni taofiga faaleoleo mo ni sauniga patino mo se tuaa, e faapefea e sauniga ou te taofia ona aofia ai i le tapulaa faatulagaina?
O laina taitasi i luga o lau lisi o igoa ua taofia faaleoleo e faitau ta’itasi, e tusa lava foi pe aofia ai ni sauniga se tele. E faatatau foi lena mea pe afai e te faasoa atu se vaega o lena avanoa ua taofia faaleoleo i isi.
O le sauniga o le faamauina i se toalua mo se tagata e aofia ai i se laina e ese mai isi sauniga, ma e faitaulia i taimi uma na o ia. O isi sauniga uma mo se tagata e tuufaatasia i le laina e taofia faaleoleo e tasi. O se taofiga faaleoleo mo le tagata e toatasi e aofia ai sauniga uma o le a faitaulia o taofiga faaleoleo e 2.
O le a le mea e tupu pe a ou faasoaina se igoa faaleāiga i isi e ala i le imeli po o se sāvali, ae ua sili atu ma le tapulaa faatulagaina a se tagata e tuu atu i ai?
E tutusa lava tapulaa faatulagaina o lisi o taofiga faaleoleo a tagata taitasi. E mafai e tagata o le ekalesia ona talia igoa fefaasoaai pe a i lalo ifo o le tapulaa faatulagaina o a latou lisi.
Afai ua tumu se lisi a se tagata e tuu atu i ai, e tumau ai pea lava igoa i luga o lau lisi. E mafai ona e faasoa atu le avanoa taofia faaleoleo i le malumalu po o se vaega faaleaiga.
Afai ou te faaaogaina se isi polokalama e taofi faaleoleo ai sauniga, faamata e i ai pea lava se tapulaa faatulagaina?
O nisi o polokalama e tolu i ai vaega e galulue ma le FamilySearch e fesoasoani ai i tagata o le au paia e taofia faaleoleo igoa o aiga. E galulue faatasi polokalama ma le Gafa o Aiga i le FamilySearch ma e tutusa lava le tapulaa faatulagaina.
A uma ona ou ausia le tapulaa, e faapefea ona ou tulitataoina ia igoa o le aiga ia ou te manao e taofi faaleoleo mulimuli ane?
Faaaoga lau lisi lea e faailoga ai tuaa o o latou sauniga e te manao e taofi faaleoleo i le lumanai. Ina ia faigofie ona maua i le lisi, e mafai ona e faaopoopo i ai le faailoga o le Taofia Faaleoleo o le Malumalu.
Aisea ua taofia ai e le malumalu la’u kata o igoa o le aiga ina ua uma ona ou faamaeaina se sauniga mo se tuaa?
O le tuua o kata o igoa o le aiga i le malumalu e mafai ai e tagata faigaluega o le malumalu ona faamautinoa e le o toe faia faalua le galuega o sauniga ma o loo sa’o ona faamaumau ia sauniga. E fesoasoani foi lea faiga e puipuia ai le salalau o siama ma faaitiitia ai le taimi faatalitali pe a uma lau asiasiga i le malumalu.
O tusiga e faatatau i ai
E faapefea ona ou faasoaina atu igoa o le aiga i le malumalu?
E faapefea ona ou faasoaina a’u igoa a le aiga i aiga ma uo e ala i le imeli?
E faapefea ona ou aveesea le taofiga faaleoleo pe faamatuu atu igoa o aiga mai la’u lisi o le malumalu?
Taimi faatapulaa faatulagaina o sauniga faaleoleo o le malumalu
Pe faapefea ona ou faaaogaina le lisi i le Gafa i le Aiga e tulitatao ai tuaa o ē manaomia sauniga o le malumalu?
FamilySearch Blog
E faapefea ona ou faasoa atu igoa o le aiga e ala atu i se savali i le FamilySearch?
E faapefea ona ou faasoaina sauniga ma se vaega faaleāiga?