E mafai ona e tuuina i luga se faila GEDCOM e faaopoopo iai faamatalaga o talafaasolopito o lou aiga i le Faila Punaoa o Gafa (PRF). O tagata faaaoga o le FamilySearch e mafai ona vaai i le tala faasolopito o lou aiga, ae le mafai ona suia.
Pe a maea ona e tuuina i luga lau faila, ua taofia ia oe le faatonuina atoatoa o lena mea. E mafai ona e:
- Tapeeseina le faila mai le Faila Punaoa o Gafa.
- Toe sui le faila i se faila fou.
- Faatusatusa lau faila GEDCOM i le Gafa o le Aiga ma fesiitai faamatalaga i le Gafa o le Aiga.
Ae e te lei amata
- O le polokalame tau komepiuta o gafa o loo e faaaogaina e ono faataga ai oe e auina atu faamatalaga i totonu o le faila GEDCOM. O faila GEDCOM o se vaega aloaia mo le fesiitaiga o faamatalaga i le va o polokalame o gafa.
- Toe iloilo le faamatalaga i totonu o lau faila GEDCOM.Siaki mo ni mea sese e ala i meafaigaluega i totonu o lau pulega o faamaumauga:
- Ia mautinoa o faailoa igoa, aso, ma nofoaga i se auala aloaia.
- Ia mautinoa ua faasauni au faamatalaga ina ia faasoa faalauaitele.
- Siaki mo ni faafitauli pe afai o iai.
- Siaki mo ni tagata ua fai faalua.
- Siaki mo nofoaga-igoa ua fai faalua.
- Siaki mo tagata taitoatasi e le o faapipiiina.
- Suesue faamatalaga o loo e manao e tuuina i totonu mo soo se mea e te le o manao e lolomi:
- Vaai i faamatalaga ma isi faamatalaga lē faatulagaina. Faailoga faamatalaga e te le o manao e lolomi puipuia faalilolilo, pe tapeeseina. Ona faia lea o le faila GEDCOM.
- E kopi faata (scan) e a matou polokalama faagasolo lau faila ina ia faailoa tagata o loo i lau gafa o ono soifua pea. O faamaumauga o e o loo soifua e le faailoaina i le Faila Punaoa o Gafa.
- Fai lau faila GEDCOM.
- Afai e te leiloa pe faapefea, vaai faatonuga o loo sau i lau polokalame.
- Afai o e fuafua e kopi le faamatalaga i le Gafa o le Aiga, matou te fautuaina lou tuuina i totonu o faila laiti GEDCOM e le sili atu ma le 100 igoa. Pe a maea ona tuuina i luga, e faagasolo e faila laiti le faatusatusaga ma kopi ia faigofie ai ona pulea.
- Afai ete fuafua ia teu malu ma faasoa lau faila, o le a aofia le 100 MB agai i luga.
Laasaga (upega tafailagi)
- Saini i totonu o le FamilySearch ma kiliki Suesuega
- Kiliki Gafa.
- Faasolo i lalo i le "Faapefea ona ese le Gafa FamilySearch mai le Gafa o le Aiga a le FamilySearch?"
- Kiliki Tuu i luga o Lau Gafa Patino.
- Kiliki Tuu i luga faila GEDCOM.
- Kiliki Filifili le Faila —-> saili le faila GEDCOM i luga o lau komepiuta.
- Tuu i totonu le igoa o le gafa.
- I le vaega o Faamatalaga, ta'u i isi poo fea e sau ai le gafa lea ma se mea taua e faatatau i suesuega na mafua ai.
- Kiliki Tuu i luga.
Laasaga (polokalama telefoni feaveai)
I le taimi nei, o faila GEDCOM e tuuina i luga e lē o maua i luga o le polokalame telefoni feaveai o le Gafa o le Aiga. Mo le tuuina i luga o faila, asiasi i le upega tafailagi FamilySearch.
O Laasaga (Family Tree Lite)
I le taimi nei, o faila GEDCOM e tuuina i luga e lē o maua i luga o le Family Tree Lite. Mo le tuuina i luga o au faila, asiasi le upega tafailagi atoa.
Faaiuga
O au faila GEDCOM ua tuuina i luga, e faaopoopoina e le polokalame i le Faila Punaoa o Gafa. O lea gaioiga e mafai ona oo i le 30 minute o taumafai. O le telē o lau faila GEDCOM, o le a umi ai foi le taimi e tuuina i luga.
Afai e maea le gaioiga o le tuuina i luga, o tagata faaaoga uma FamilySearch o le a mafai ona sailia ma silasila i faamatalaga o iai i totonu.
O tusitusiga e fesootai ai
E faapefea ona ou tapenaina a'u faila GEDCOM?
E faapefea ona ou kopiina faamatalaga mai i la'u faila GEDCOM i totonu o le Gafa o le Aiga?
O le a le mea e tupu i faamatalaga sa tuuina i luga mai le faila GEDCOM?