O taiala nei e fesoasoani ia te oe e ta sa’o ai igoa i totonu o le Gafa o le Aiga.
Filifili le gagana sa’o
Pe a e faaopoopoina pe faasa’oina se igoa i totonu o le Gafa o le Aiga, e mafai ona e suia le tulaga o le gagana. O le faatulagaga o le gagana e mafai ai e oe ona e taina i totonu le igoa i le faasologa sa’o faatasi ai ma seti sa’o o fuainumera ma mataitusi.
Ta i totonu le igoa sa’o i le vaega o Faamatalaga Taua
I le vaega o Faamatalaga Taua, ta i totonu le igoa o le tagata na faaigoa ai i le fanau mai po o le igoa faaletulafono atoa.
- Faamataitusi Tetele—Faaaoga le faamataitusi tetele masani.
- Igoa ae le‘i faaipoipo ma igoa ina ua faaipoipo—Afai na sui e se tamaitai lona faaiu ina ua uma ona faaipoipo, ia faaaoga lona igoa a’o le’i faaipoipo.
- Suiga o igoa faaletulafono—Afai na sui faaletulafono e se tagata lona igoa e ese mai i suiga o le faaiu ina ua uma ona faaipoipo, ta i totonu le igoa aupito fou faaletulafono.
- Igoa e sili ona masani ona faaaoga--Afai e le’i faaaogaina e le tagata lona igoa faaletulafono a o ola, ta i totonu le igoa e masani ona faaaoga i le vaega o Faamatalaga Taua. Ta i totonu le igoa faaletulafono i le vaega o Isi Faamatalaga.
Tuu ia vaega taitasi o le igoa i le avanoa sa’o
- Faalagiga—Faaaoga Faalagiga mo upu e pei o le “Afioga” po o le “Susuga.” E mafai ona e tuua faaavanoa le vaega o le ulutala.
- Igoa Muamua—Ta i totonu le igoa muamua ma igoa ogatotonu. Tuu igoa tauvalaau i le vaega o “Isi Faamatalaga.”
- Igoa Faaiu—Ta i totonu le igoa o le aiga po o le faaiu. Afai na sui e se tamaitai lona faaiu ina ua uma ona faaipoipo, ta i totonu lona igoa a’o le’i faaipoipo. Afai e leai se faaiu o le tagata, faaavanoa pea le vaega e ta ai le Igoa Faaiu.
- Faaopoopoga—Ta i totonu upu e pei o le “Jr.” po o le “Sr.,” po o se numera faa-Roma. Mo se faataitaiga: Ioane Samita III. E mafai ona e tuua faaavanoa le vaega lea.
Tuu igoa tauvalaau ma isi fesuiaiga i le vaega o Isi Faamatalaga
Faaopoopo isi igoa sa faaaoga e se tagata i le vaega o “Isi Faamatalaga.” O faataitaiga nei:
- Igoa tauvalaau
- Igoa na faaaoga muamua a’o le’i siitia atu pe ina ua uma foi ona siitia atu i se atunuu fou
- Igoa e faaaoga ia aua ai nei iloa le faasinomaga
- Suiga o igoa mai le vaetamaina, tatalaina o faaipoipoga, po o nisi faatinoga faaletulafono
- E tele eseesega e mafua i tu ma aga o le faaigoaina, e pei o igoa “dit” faa-Farani.
- Igoa faaipoipo o tamaitai
- Eseesega o sipelaga
Alo ese mai upu ma fuainumera ma mataitusi e le taulia
E le mafai ona e sefeina se igoa e i ai se mataitusi e le taulia i soo se vaega o igoa. E i ai se fe’au lapatai e faamatala mai ai le faafitauli. Afai e faaali mai le fe’au i le lanu mumu, e tatau ona e aveesea mataitusi e le taulia.
- O mataitusi po o fuainumera nei e le faatagaina: \ @ # $ % ^ & * _ + = | ~ ? < > [ ] { } ( ) ; : 0 1 2 3 4 5 6 7 8 9.
- Aua nei i ai ni avanoa faaopoopo.
- E mafai ona e faaaogaina vase penifaaso’o ma komaliliu o ni vaega o le igoa.
- Aua le faaaogaina igoa e na’o uluai mataitusi.
- Aloese mai upu e le o ni igoa. O faataitaiga e aofia ai le le faaigoaina, le faaigoaina, Mister, Ava, masaga, po o le atalii.
- Ta i totonu numera o augatupulaga, e pei o le III, i le vaega faaopoopo.
Tusiga e faatatau i ai
E faapefea ona ou suia faamatalaga taua i totonu o le Gafa o le Aiga?
E faapefea ona ou faaopoopo igoa tauvalaau i le Gafa o le Aiga?
E faapefea ona ou taina i totonu se igoa mai se isi gagana i totonu o le Gafa o le Aiga?
Aisea e i ai le faailoga fesili i le igoa o se tagata i le Gafa o le Aiga?
E faapefea ona ou tuu i totonu igoa Sikenitineiva i le Gafa o le Aiga?