O le vaaiga o le Uluai Tuaa na mamanuina e fesoasoani ai i tagata e i ai tuaa Saina e ta ai i totonu a latou tusi o gafa (jiapu) i le Gafa o le Aiga. O tagata mai aganuu o le itu tamā ia e fuafuaina ia ituaiga, au aiga, ma isi fegalegaleaiga faaleaiga i se auala e talitutusa ma au aiga Saina e mafai foi ona fesoasoani ai lenei vaaiga.
Afai e i ai sou tuaa Saina, e sili atu le lelei o le vaaiga a le Uluai Tuaa pe afai e te iloaina le uluai tuaa o lou au aiga. Afai e te le iloa po o ai o ia, atonu e faigofie atu mo oe ona faaaoga le vaaiga Faataatia po o se isi vaaiga i le Gafa o le Aiga.
O tagata faaaoga e i ai tuaa mai isi aganuu e taliaina lava e faataitai i le vaaiga o le Uluai Tuaa. Ia iloa o le vaaiga o le Uluai Tuaa e le o faamoemoe e avea o se siata lautele o tupuaga masani.
O le ala o le au aiga o loo fuafuaina e faaaoga ai tulafono e patino i le jiapufaaSaina. O lona uiga e mulimuli i le laina o le itu tamā o lou tamā e fuafua ai se ala o le au aiga ma faaali atu ai le fesootaiga. O le vaaiga o le Uluai Tuaa o le a le maua ai se ala o le au aiga i le va o oe ma soo se isi o ou tuaa, e oo lava ia i latou o loo i lau laina tuusao.
O tusiga e faatatau i ai
E faapefea ona ou faaaogaina le vaaiga o le Uluai Tuaa i le Gafa o le Aiga?