I le Gafa o le Aiga, faaaoga le vaaiga o le Uluai Tuaa e ta ai i totonu ma faaali mai gafa o le au aiga Saina mai faamaumauga jiapu . O lenei lau maimoa e aoga foi mo aganuu e fuafua ai ituaiga, auaiga, ma isi fegalegaleaiga faaleaiga e faaaoga ai se sootaga talitutusa o le itu tamā.
E tolu ona vaega autu, lea e ese mai i isi uma lau e maimoa ai i le Gafa o le Aiga:
- Uluai Tuaa. O le uluai tuaa o le tagata muamua lea, o le sui faavae o le au aiga. O le uluai tuaa e faaopoopo i le pito i luga o le lau maimoa. Ona mafai lea ona e faaali atu pe faaopoopo ona suli e agai i lalo o le siata.
- Tagata o le taulaiga. O le tagata o le taulaiga o le tagata lea o loo faaali mai ona tuaa i le siata. E foliga mai o oe. E mafai ona e faaali atu pe faaopoopo ou tuaa e agai i luga o le siata.
- Ala o le au aiga. O le ala o le au aiga e mulimuli i le laina o le itu tamā i le va o le tagata o le taulaiga ma le uluai tuaa. E faaali mai pe a uma ona taina i totonu ia augatupulaga uma i le va o le uluai tuaa ma le tagata o le taulaiga. O le a e vaai i ai o se faailoga lanusamasama i luga o maafola o tagata taitasi i le ala.
O Laasaga (upega tafailagi)
- I le lisi autu pito i luga, kiliki le Gafa o le Aiga, ona kiliki lea o le Gafa.
- I le vaega agavale pito i luga i le vaaiga o le faasologa o gafa, kiliki le igoa o le vaaiga o i ai nei (Siata Ili, mo se faataitaiga), ona sosoo lea ma le Uluai Tuaa.
- O nisi nei o vaaiga e mafai ona e faaaogaina:
- Kiliki i se igoa i luga o le gafa. O auiliiliga o lena tagata e faaali mai i se lauie i le itu taumatau.
- E otometi lava ona faia e le gafa ia avea oe ma tagata o le taulaiga. Ina ia filifili se tagata fou o le taulaiga, kiliki i le igoa o se isi tagata, sosoo ai ma la latou lauie o auiliiliga, kiliki le Maimoa i le Gafa.
- Ina ia faaopoopo le uluai tuaa, kiliki le aikona “+” i luga a‘e o le ata o le tagata o le taulaiga. Ona kiliki lea o le Faaopoopo le Uluai Tuaa. E mafai ona e faaopoopoa uluai tuaa e ala i le igoa po o le numera ID.
- Ina ia vaai i fanau a se ulugalii, kiliki le
. - Ina ia vaai i matua o se tagata, kiliki le
- Ina ia faaali atu se toalua e ese mai mo se tagata i luga o le gafa, kiliki le [aikona o le toalua] i le agavale pito i luga po o le taumatau o o latou maafola.
- Afai e tele ni matua o se tagata i le polokalama, e te vaaia se aū i le itu agavale o le pusa o le ulugalii mo matua. Kiliki le aū e vaai ai i matua uma mo le tagata.
- Ina ia fesiitai solo le gafa i luga o le lau, kiliki i le vaega pito i tua o le gafa, ma toso.
- Ina ia faalapoa pe faalaitiiti le telē o le gafa, i tafatafa o le agavale pito i luga, kiliki le Faaopoopo (+ ) po o le Toese(- ).
- Ina ia toe faafoi atu le faasologa o gafa ia te oe lava, e mafai ona e faaaogaina se tasi o filifiliga nei:
- Ina ia tapunia uma au laina ua faalautele ma toe foi ia te oe lava, kiliki le
. - Ina ia tatala uma pea laina ua faalautele ma toe foi i le tagata amata, kiliki le
- Ina ia tapunia uma au laina ua faalautele ma toe foi ia te oe lava, kiliki le
O tusiga e faatatau i ai
O ai e tatau ona faaaogaina le vaaiga o le Uluai Tuaa?
E faapefea ona ou fesuiaia taitoalua ma matua i le vaaiga o le Uluai Tuaa i le Gafa o le Aiga?
E faapefea ona ou faaali atu se uluai tuaa e ese ai i le Gafa o le Aiga?
E faapefea ona ou faaopoopo lo‘u uluai tuaa i le Gafa o le Aiga?
I le Gafa o le Aiga, o le a le ala o le au aiga?
E faapefea ona ou faasa‘oa le ala o le au aiga i le Gafa o le Aiga?