Saili Tuaa i Faamaumauga
E mafai e faamaumauga ona maua ni auiliiliga fou ma fausia se auala pepa mo se tuaa faapitoa.
O le faafaigofieina o le sailiga o tuaa
O le sailiga o ou tuaa i se faamaumauga o talafaasolopito e tai pei lava o se sailiiliga i le Google. E te taina i totonu mea o loo e iloa e uiga i se mea o loo e manao e sue. Ona sailia lea e le polokalama sailiili totonu o faaputuga o faamatalaga e sue ai faamaumauga sili ona tutusa.
Mo se sailiga o se tuaa, e lelei ona ta i totonu faamatalaga e pei o le igoa o le tagata ma le nofoaga ma le vaitau na soifua ma maliu ai. E fesoasoani foi le mafai lea ona taina o soo se sootaga e pei o le toalua, matua poo fanau.
Ta i totonu mea o loo e iloa poo mea e mafai ona e maua mai tagata o aiga. Aua le popole pe afai e te le o iloa uma; e mafai lava ona faia se sailiga i ni faamatalaga laiti.
O le isi mea e fai
O faamaumauga faatalafaasolopito e fesoasoani ia oe e aoina auiliiliga o se tala faaleaiga. E mafai ona latou tuuina mai faamatalaga taua pe mata’ina e pei o tuatusi, igoa o tagata o aiga, ma faamatalaga patino e pei o le umī, lanu o mata, ma le galuega. Atonu e te mauaina foi le saini a lou tuaa.
Sefe mea e te mauaina e uiga i ou tuaa i o latou talaaga otooto i le Gafa o le Aiga. O mea e te sefeina o le a teuina ma o le a otometi ona faasoaina atu i tagata o aiga o e ono saili mo ni faamatalaga tutusa. O nei auiliiliga o ni punavai foi e mafai ona faamaonia mea moni o le olaga o lena tagata ma fesoasoani e faamaonia ai fegalegaleaiga.