O le a vave ona oo mai le RootsTech 2024, ma o loo matou tulimatai atu e talimalo i le Aso o le Mauaina o Aiga faaletausaga i le aso Aso Toonai 2 Mati, 2024, i le taimi o le konafesi.
Manatua, fesootai, ma iloa le aafiaga o le aiga ma e pele ia te oe i lenei tausaga i le Aso o le Mauaina o Aiga.
Auai i luga o le initoneti i le Aso o le Mauaina o Aiga i le 2024 e ala i le maimoaina i mea e tutupu e faasalalau tuusao atu i luga o le tulaga autu.
O le Savali a Peresitene M. Russell Ballard o lē ua Maliu, mo le Aso o le Mauaina o Aiga
O le a faasalalauina atu se savali faapitoa o le Aso o le Mauaina o Aiga i le 1:30 PM MT i le aso 2 o Mati, 2024. RootsTech 2024, maimoa mai i se ata tifaga e lei vaaia muamua (na gaosia i le 2023) o Peresitene M. Russell Ballard o lē ua maliu o loo faamatala ai lona lava talaaga faaleaiga ma le talatuu o paionia.
O M. Russell Ballard o le Sui Peresitene o le Korama a Aposetolo e Toasefululua o Le Ekalesia a Iesu Keriso o le Au Paia o Aso e Gata Ai mai le 2018 seia oo i lona maliu i le 2023, ma sa i ai sona aafiaga matagofie i olaga o le toatele.
O lona tuuto lotofaananau i lona faletua ua maliu, o Barbara, o le la faaipoipoga faamanuiaina, o le malaga o le tausia o le la fanau e toa 7, ma lona lava talatuu faapaionia o le a faaalia uma i se ata moni musuia na pueina a o lei maliu i le tausaga ua te’a.
O le savali a Peresitene Ballard i lenei ata o le a aotele ai le uiga o le manatua, autu o le RootsTech 2024. O le a Ia faamanatu mai ia i tatou le faataunuuga ma le uiga o le olaga a o tatou faaaluina le taimi e manatua ai o tatou tuaa ua mavae ma tuua ai se manatuaga o o tatou lava olaga mo fanau i le lumanai.
O le a mafai ona e matamata i le vitio tuusao i le rootstech.org.
O Vasega i le Aso o le Mauaina o Aiga
E i ai foi vasega RootsTech e faia i le Aso Toonai ia i latou uma o e lesitala fai fua mo le Aso o le Mauaina o Aiga. Afai e te auai mai e ala i le initoneti, pau le mea e te faia o le lesitala mo le gaoioiga fai fua i luga o le initoneti!
O le a mafai ona e aoao mai tagata tomai faapitoa o gafa i le auala e amata ai i le faigamalaga o le iloaina po o ai oe. O le a latou aveina oe i se aafiaga o le sailiiliga a le tagata lava ia ma le aiga e fesoasoani e te malamalama lelei ai i le mea e te sau ai.
O vasega e mai le “Manatu o se polofesa i le faasaoina o lau tala,” e aoaoina e le alii taalo pasiketipolo faapolofesa o Jimmer Fredette, ma le “Faaauai o aafiaga e maua o le aiga mo le tupulaga laiti,” e aoaoina e Christine Francis. Afai ua faatoa amata ona oomi i totonu o le tala o lou aiga, e i ai se mea mo oe i le Aso o le Mauaina o Aiga 2024! Afai e te fiafia i auala e sili atu ona maualuga mo talafaasolopito o aiga, siaki isi a tatou vasega i le rootstech.org.
O Le A Le RootsTech?
O le RootsTech o se nofoaga e aoao ai, e musuia ai, ma fai ai sootaga e ala i talafaasolopito o aiga. E talimalo ai le FamilySearch ma lagolagoina e isi faalapotopotoga taulamua i gafa, e faitau selau a matou vasega atamamai, vitio o motugaafa ma faiga faafaigofie, ma tala musuia e mafai ona fesoasoani ia te oe e iloa talafaasolopito o aiga i se ala e lei faia muamua. Asiasi i la tatou potutusi manaomia tele e aoao ai, pe fai ni fuafuaga e auai faatasi ma i matou mo le isi a tatou gaoioiga o le konafesi i luga o le initoneti pe faafesagai foi.
