Бидний тухай
2011 оноос хойш FamilySearch-ын зохион байгуулж буй Рүүтстэк арга хэмжээ нь гэр бүлүүдийг бусдаас онцлог байдлаар цуглуулсаар байна. Юта мужийн Солт Лэйк Ситид анх зохион байгуулагдаж байсан үеэсээ хойш энэхүү жил тутмын чуулга уулзалт цар хүрээгээ тэлж, хувьсан өөрчлөгдсөн. Танхимаар эсвэл онлайнаар байсан ч Рүүтстэк нь өнгөрсөн, одоо, ирээдүйн холбоог үргэлж чухалчилсаар ирсэн билээ.
Та Рүүтстэкээс юу хүлээж болох вэ?
Гэр бүлийн түүхийн чуулга уулзалт. Хүссэн үедээ ашиглах сургалтын номын сан. Хамгийн чухал ач холбогдол бүхий хүмүүс, газар, түүхүүдтэй илүү ойртох арга зам. Рүүтстэк нь энэ бүгдээр хязгаарлагдахгүй илүү олон зүйлийг багтаасан. Бидэнтэй нэгдэж, холбогдохын баяр баяслыг хамтдаа мэдрээрэй.
Суралцах
Рүүтстэк нь бүх төрлийн сонирхол, түвшинд тааруулсан Гэр бүлийн түүхийн хичээлийг бараг бүх улсад 40 гаруй хэл дээр санал болгодог. Товчхондоо хүн бүрд тохирсон зүйл бий гэсэн үг.
Шинэлэг санаа
Рүүтстэк нь жил бүр компаниудтай хамтран танд гэр бүлийн түүхийн шинэ холбоо бий болгоход туслах шинэ санаачилга, өндөр дэвшилтэт технологийг танилцуулдаг.
Урам зориг
Гэр бүлийн түүх нь түүх намтрын тухай юм. Гурван өдрийн арга хэмжээний болон бүтэн жилийн турш бид өргөн дэмжих, урам зориг өгөх, сонирхол татах хувь хүний түүхүүдийг онцолдог.
Холбоо
Рүүтстэкийн бусад оролцогчтой найзалж нөхөрлөх эсвэл удаан хугацаанд холбоо тасарсан хамаатнуудынхаа талаар олж мэдэх зэрэг хүмүүс хоорондын холбоо нь Рүүтстэкийн үндсэн зорилго юм.
Товч баримт
- Рүүтстэк 2026 арга хэмжээ 2026 оны 3-р сарын 5–7-ны өдрүүдэд онлайнаар болон танхимаар зохион байгуулагдах болно.
- Та цахимаар үнэ төлбөргүй оролцож болох бөгөөд бүтэн жилийн турш нөхөн үзэх боломжтой.
- Рүүтстэк дэх Хамаатнууд хэсэг эргэн ирэх болно!
Манай баг хамт олон
Рүүтстэкийн баг хамт олон нь дэлхий даяар тархсан гэр бүлийн төлөөлөл бөгөөд хүн бүрд урам зориг өгөх туршлагыг бий болгохоор зорин ажилладаг. Багийн сайн дурынхнаас арга хэмжээ зохион байгуулагч хүртэлх бүх хүн танд гэр бүлээ олж мэдэхийн баяр баясгаланг мэдрэхэд туслахыг зорьдог.
Хойд Америк
Европ
Ойрх Дорнод
Латин Америк
Aфрик
Ази, Номхон далайн
Манай зохион байгуулагч
FamilySearch International нь гэр бүлийн үе удам хоорондын холбоог бий болгохоор зорьж буй ашгийн бус байгууллага бөгөөд гэр бүл бол амьдралд утга учир мөн баяр баясгалан авчирдаг гэдэгт итгэдэг. FamilySearch нь өөрийн эх сурвалж, бүртгэлд хандах эрхийг дэлхий даяар үнэ төлбөргүй санал болгодог.
