Таны ариун сүмийн гэр бүлийн нэрсийн жагсаалтад дээд тал нь 300 мөр нэр захиалах боломжтой. Захиалгад өвөг дээдсийн нэр болон таны захиалсан ёслолууд орно.
Таны жагсаалт хязгаартаа хүрвэл, энэ хязгаараас доошлуулах хүртэл дахин ёслол захиалах боломжгүй болно.
Энэ захиалгын хязгаарыг 2021 оноос эхлэн ашиглаж эхэлсэн. Дараах асуулт, хариултуудад хязгаарлалтын талаар илүү дэлгэрэнгүй тайлбарласан.
Түгээмэл асуудаг асуултууд
Яагаад захиалгын тоог хязгаарлах болсон бэ?
2012 оны 10-р сарын 8-нд бичсэн захидалд Тэргүүн зөвлөл урт жагсаалттай гишүүдийг “шаардлагатай ёслолуудыг гүйцэтгэхийн тулд эдгээр нэрийг дэс дараатай илгээхэд” уриалсан. Бидний гэр бүлийн нас барсан олон гишүүн төлөөлөн гүйцэтгэх ёслолоор ирэх адислалыг хүлээн авах боломжийг хүлээж байгаа. Дэлхий даяарх олон гишүүн уг ажилд туслахаар ариун сүмүүдэд үйлчилж байна.
Захиалгын тоог 300-аар хязгаарлах нь захиалгын жагсаалтыг илүү хялбар зохицуулахад тань тусална. Энэхүү өөрчлөлт нь Сүмийн гишүүдэд ариун сүмд илүүтэй үйлчлэх боломжийг олгодог. Түүнчлэн энэ нь өвөг дээдэст маань ёслолоо цаг алдалгүй хүлээн авахад тусална.
Ерөнхийлөгч Рассэлл М.Нэлсон болон орчин цагийн бусад бошиглогч Израилыг цуглуулах Их Эзэний ажлыг яаравчлуулахын ач холбогдлыг тодотгосон. Өвөг дээдсийнхээ өмнөөс ёслолуудыг төлөөлөн гүйцэтгэх ариун хариуцлага бидэнд байдаг. Дэлхий дахины Сүмийн болон хүн төрөлхтөн хэмээх нэгэн том гэр бүлийн гишүүдийн хувьд энэхүү ариун хариуцлагыг биелүүлэхэд бид нэг нэгэндээ тусалж чадна.
Ойрын хугацаанд ариун сүмд хийж гүйцэтгэх ажлууд тань овоорсон байгаа бол та дараах алхмын дагуу хийж болно. Үүнд:
- Гэр бүлийн нэрсээ гэр бүл, найз нөхөд, эсвэл гэр бүлийн бүлэгтэй хуваалцах
- Захиалгуудыг ариун сүмтэй хуваалц. Бусад хүн нэрийг Ёслолууд нь бэлэн гэдгээс болон Ургийн модноос олох боломжтой.
- Зарим нэрийг захиалгаас хасах
Та ариун сүмтэй хуваалцсан нэрсийн жагсаалтаас захиалсан нэрийг бусадтай хуваалцах боломжгүй. Та ийн хуваалцах гэж оролдвол, “Ариун сүмтэй өмнө нь хуваалцсан ёслолуудыг ахин хуваалцаж болохгүй” гэсэн зурвасыг харах болно. Та эдгээр ёслолыг захиалгаасаа хасаж болно. Таныг эдгээр нэрийн захиалгыг цуцлах үед тухайн нэрс ариун сүмтэй анх хуваалцсан хүний хуваалцсан жагсаалтад буцаж ордог.
Таны захиалгын жагсаалт хязгаараас доошлох үед, өмнө нь хуваалцсан байсан захиалгаа буцааж авч болно.
Дараах нөхцөлд ёслолыг хуваалцсан үйлдлээ буцаах боломжгүй. Үүнд:
- Ёслолуудыг аль хэдийн гүйцэтгэсэн
- Ариун сүм картуудыг хэвлэсэн
- Өөр нэг гишүүн уг ёслолыг 120 хоногийн хугацаатай захиалсан
Захиалгын хязгаарт юу юу тоологдох вэ?
Захиалгын жагсаалт дээрх мөр бүрд хэдэн ёслол байгаагаас үл хамааран, нэг л удаа тоологдоно. Та тоогоо харахын тулд зүүн талын баганыг харна уу. “Миний захиалга”-ын ард байгаа тоо таны нийт тоог харуулна.
Нэг хүний баптисм, гишүүний баталгаа, тосолгоо, хишиг, эцэг эхтэйгээ лацдан холбуулсан ёслол зэрэг нь бүгд нэг мөрөнд харагдаж, нэг захиалга гэж явна. Эхнэр, нөхрийн лацдан холболтыг өөр захиалга дээр бичсэн байдаг бөгөөд тусдаа нэг захиалга гэж тоологдоно.
Миний захиалгын жагсаалт хязгаараас аль хэдийн хэтэрсэн байвал юу болох вэ?
Таны жагсаалт заагдсан хязгаараас давсан байвал, хугацаа нь хэтрэх хүртэл энэ жагсаалтдаа байх болно. Захиалгын хугацаа хэтрэх үед, ёслолуудыг ариун сүмтэй хуваалцдаг. Таны хамаатнууд эдгээрийг Ургийн мод эсвэл Ёслолууд нь бэлэн үйлдлээр дамжуулан олж, захиалж болно.
Таны захиалгын жагсаалт хязгаараас доош байгаа мөн хэн нэгэн уг ажлыг гүйцэтгээгүй, хэвлээгүй бол та захиалгаа буцааж авч болно.
Миний захиалгын жагсаалт хязгаартаа хүрсэн эсэхийг би хэрхэн мэдэж болох вэ?
Захиалгын жагсаалтаа үзэхийн тулд Familysearch.org руу нэвтэрч ороод, Ариун сүм дээр дар. Миний захиалга дээр дарна. Зүүн талд байх Миний захиалга таны хэдэн нэр захиалсныг харуулдаг. Хуваалцсан тоо нь таны хязгаар дотор тоологдохгүй.
Хэрвээ та хязгаартаа хүрсний дараа ёслол захиалахаар оролдвол, танд хязгаар хэтэрсэн гэсэн мэдэгдэл харагдах болно.
Захиалгын хязгаарт хүрвэл юу болох вэ?
Хэрэв та хязгаартаа хүрсэн бол, дахин гэр бүлийн нэр захиалж чадахгүй. Жагсаалтдаа зай гаргахын тулд та одоо байгаа захиалгуудаа ариун сүмтэй хуваалцаж болно. Сүмийн бусад гишүүн Ёслолууд нь бэлэн үйлдлийг ашиглан ёслолуудыг гүйцээхэд танд тусалж чадна. Ажил нь дууссан бол FamiliySearch мэдэгдэл дотор танд мэдэгдэл ирнэ.
Дуусаагүй байгаа, хуваалцсан нэрсийг та захиалгын жагсаалтдаа зай гармагц буцаан авч болно. Хэрэв хуваалцсан захиалга дахь ёслолыг хэвлэсэн эсвэл дуусгасан бол тэдгээр ёслолыг буцаан авах боломжгүй.
Гэр бүлийнхээ нэрсийг ариун сүмтэй хуваалцах нь миний хязгаар дотор орж тооцогдох уу?
Таныг гэр бүлийн нэрсээ ариун сүмтэй хуваалцахад, эдгээр захиалга таны хязгаар дотор орж тоологдохгүй.
Гэр бүлийнхээ нэрсийг гэр бүлийн бүлэгтэй хуваалцах нь миний хязгаар дотор тоологдох уу?
Гэр бүлийн нэрсээ гэр бүлийн бүлэгтэй хуваалцахад, эдгээр захиалга таны хязгаар дотор тоологдоно. Ариун сүмүүдийг 4-р шатлалд бүрэн нээгдсэний дараа, дуусах хугацаа ердийнхөөр явагдаж эхэлнэ.
Гэр бүлийнхээ нэрсийг хамаатантайгаа эсвэл Сүмийн өөр нэг гишүүнтэй хуваалцах нь яагаад миний хязгаар дотор тоологддог вэ?
Та гэр бүлийн нэрсийг хамаатан, найз нөхөдтэйгөө э-мэйл эсвэл FamilySearch зурвасаар хуваалцаж болно. Э-мэйл эсвэл FamilySearch зурвас нь нэрс болон шаардлагатай ёслолуудыг харуулдаг. Хэрэв тэд захиалгыг хүлээн зөвшөөрвөл, захиалга тэдний захиалгын жагсаалт руу орно. Уг захиалга таны жагсаалтад харагдахаа болих ба хязгаар дотор тань тоологдохгүй.
Хэрэв би гэр бүлийн нэрсээ ариун сүмтэй хуваалцвал, ёслолуудыг гүйцэтгэхийг хэр удаан хүлээх ёстой вэ?
Ариун сүмтэй хуваалцсан нэрсийн ёслолуудыг хэр хурдан хугацаанд гүйцэтгэж дуусахыг таамаглахад хэцүү байдаг. Энэ нь бусдын хуваалцсан ёслолын болон ариун сүмд орж буй хүмүүсийн тооноос шалтгаалдаг. Одоогоор эрэгтэй хүний хишиг хүртэх ёслол хамгийн удаан хугацаанд гүйцэтгэгдэж байна. Эрэгтэй, эмэгтэй хүмүүст зориулсан бусад ёслол (баптисм, гишүүний баталгаа, тосолгоо) нь ерөнхийдөө тийм ч их хугацаа шаарддаггүй.
Ёслолууд нь бэлэн үйлдлийг ашиглан гэр бүлийн гишүүд болон дэлхий даяарх Сүмийн гишүүдийн ариун сүмтэй хуваалцсан нэрсийг олж, ёслолуудыг гүйцэтгэж дуусгахад илүү хялбар болсон. Дэлхий даяар ариун сүмийн тоо нэмэгдэж байгаа энэ үед илүү олон гишүүн нас барагсдын төлөөх ёслолын ажилд оролцох боломжтой болж байна. Хуваалцах, хуваарилах ажлыг тасралтгүй сайжруулж байгаа нь гүйцэтгэлийн хугацааг богиносгоход мөн дэмжлэг болж байна.
Би гэр бүлийн хэвлэсэн нэрийн картуудыг гэр бүлийн гишүүдтэйгээ хуваалцахыг илүү дээр гэж үзэж байна. Би захиалгад тавьсан хязгаарлалтаас чөлөөлөгдөж болох уу?
Захиалгын хязгаарлалт бүх хэрэглэгчид үйлчилнэ.
Үүний оронд гэр бүлийнхээ нэрсийг гэр бүлийн бүлэг хэмээх шинэ үйлдлийг ашиглан хамаатнуудтайгаа хуваалцах талаар бодож үзээрэй. Гэр бүлийн бүлэгт хамаатнууд тань ариун сүм явахдаа картыг хэвлэн авч явж болно. Гэр бүлийн бүлэгтэй хуваалцсан нэрс таны хязгаар дотор тоологдоно. Гэхдээ та жагсаалтад байгаа ёслолуудыг мөн тэдгээрийг хэн хэвлэснийг харж болно. Та үйл явцыг онлайнаар шалгаж, ёслолуудыг гүйцэтгэх үед мэдэгдэл хүлээн авч болно.
Хэрэв би өвөг дээдсийнхээ зарим ёслолын захиалгыг хуваалцвал эдгээр ёслол миний хязгаар дотор хэрхэн тоологдох вэ?
Захиалгын жагсаалт дээрх мөр бүр дээр хэдэн ёслол байгаа гэдгээс үл хамааран, нэг л удаа тоологдоно. Уг мөр дэх зарим ёслолыг бусадтай хуваалцсан ч мөн адил байх болно.
Эхнэр, нөхөртэйгөө лацдан холбогдох ёслолыг бусад ёслолоос тусдаа мөрд бичдэг ба ямагт тусдаа тоологдоно. Хувь хүний бусад бүх ёслолыг захиалгын нэг мөрд хамт бичнэ. Нэг хүний бүх ёслолыг агуулсан захиалга 2 захиалга гэж тоологдоно.
Хэрэв би гэр бүлийн нэрийг э-мэйл болон зурвасаар хуваалцаад, энэ нь хүлээн авах хүний хязгаараас хэтэрвэл яах вэ?
Хүн бүрийн захиалгын жагсаалтын хязгаар адил байна. Бусад гишүүний захиалгын жагсаалт хязгаартаа хүрээгүй бол хуваалцсан нэрсийг хүлээн авч болно.
Хэрэв хүлээн авах хүний жагсаалт дүүрэн байвал, нэрс нь таны жагсаалт дээр хэвээрээ үлдэнэ. Та уг захиалгыг ариун сүмтэй эсвэл гэр бүлийн бүлэгтэй хуваалцаж болно.
Хэрэв би өөр программ ашиглаж ёслолуудыг захиалбал, энд хязгаар тогтоох уу?
Хэд хэдэн гуравдагч программ хангамж FamilySearch-тэй хамтран ажиллаж гишүүдийг гэр бүлийн нэрсийг захиалахад тусалдаг. FamilySearch болон Ургийн модтой хамтран ажилладаг программууд нь ижил хязгаартай байдаг.
Би хязгаартаа хүрчихсэн бол дараа нь захиалах гэр бүлийн нэрсийг хэрхэн хадгалах вэ?
Дагаж байгаа гэсэн жагсаалтыг ашиглан, ирээдүйд ёслолыг нь захиалахыг хүсэж байгаа өвөг дээдсийнхээ нэрсийг тэмдэглэж болно. Жагсаалтаасаа хялбар олохын тулд та Ариун сүмийн захиалгын шошгыг нэмж болно.
Өвөг дээдсийн төлөө ёслолыг гүйцэтгэсний дараа ариун сүм яагаад миний гэр бүлийн нэрийн картыг авч үлддэг вэ?
Гэр бүлийн нэрийн картыг ариун сүмд үлдээх нь ариун сүмийн ажилтнуудад ёслолуудыг давхардуулахгүй байлгах мөн үнэн зөв бүртгэсэн эсэхийг баталгаажуулахад тусалдаг. Түүнчлэн энэ нь вирус тархахгүй байхад тусалж, ариун сүмд орсны дараа хүлээх шаардлагагүй болгодог.
Холбоотой нийтлэл
Би гэр бүлийнхээ нэрсийг ариун сүмтэй хэрхэн хуваалцах вэ?
Би гэр бүлийн нэрсээ э-мэйлээр гэр бүл, найз нөхөдтэйгөө хэрхэн хуваалцах вэ?
Би ариун сүмийн жагсаалтаасаа гэр бүлийнхээ нэрсийн захиалгыг хэрхэн цуцлах юм уу хасах вэ?
Ариун сүмийн ёслол захиалах цагийн хязгаар
Ариун сүмийн ёслолуудыг нь гүйцэтгэх хэрэгтэй байгаа өвөг дээдсийнхээ ёслолуудыг хянахын тулд би Ургийн мод доторх Дагаж байгаа гэсэн жагсаалтыг хэрхэн ашиглах вэ?
FamilySearch блог
Би FamilySearch-ийн зурвасаар дамжуулан гэр бүлийн нэрсээ хэрхэн хуваалцах вэ?
Би ёслолуудыг гэр бүлийн бүлэгтэй хэрхэн хуваалцах вэ?