FamilySearch-д дурсамж хэрхэн оруулах вэ?

Та FamilySearch дурсамж аппликэйшнд гэрэл зураг, дуу бичлэг эсвэл бичиг баримтуудаа нэг, нэгээр нь эсвэл бүлэглэн оруулж болно.

Та эхлэхээсээ өмнө

Мэдээлэл оруулах гэрээг анхааралтай уншина уу.

Формат болон файлын хэмжээний хязгаар

• Бичиг баримтын хувьд 15 MB хүртэлх хэмжээтэй .pdf форматтай файл. Сайтад байршуулахын өмнө .doc болон .docx зэрэг файлуудыг .pdf формат руу хувирга.
• Гэрэл зургийн хувьд 15 MB хүртэлх хэмжээтэй .jpg, .png, .tif, .bmp форматтай файл.
• Аудио: 15 MB хүртэлх хэмжээтэй .mp3, .m4a, .wav

Дараах зүйлийг санаарай.

• .pdf нь олон хуудас багтаах боломжтой цорын ганц файлын төрөл юм.
• Оруулахаасаа өмнө гэрэл зургийг тайрах зэргээр дурсамжийг засварлах. Ямар нэг зүйл оруулсны дараа засварлах боломжгүй.

Дурсамжийн алхмууд (вэбсайт)

1. Familysearch.org руу нэвтэрч ор
2. Дэлгэцийн дээд хэсэг дэх цэсийн Дурсамж дээр дар.
3. Галерей дээр дар.
4. Дугуй дотор байрлах нэмэх тэмдэг (+)-ийг дар.
5. Компьютероосоо мэдээллийг зөөж авчраад, оруулах эсвэл Файл сонгох дээр дар.
6. Гэрэл зургуудыг тус тусад нь хавсарга. (Нэмэлт тусламж авахын тулд доорх холбоотой нийтлэлүүдийг үзнэ үү.)

Хувь хүн хуудсан дээрх алхмууд (вэбсайт)

1. Familysearch.org руу нэвтэрч ор
2. Цэсийн самбар дээрээс Ургийн мод-ыг сонго.
3. Мод-ыг сонго.
4. Нэг хүнийг сонгоод, дараа нь Хувь хүн-ийг сонгон тухайн хүний хуудсыг харна.
5. Дурсамж таб дээр дар.
6. Дурсамж нэмж оруулах дээр дар.
7. Дараах дурсамжийн төрлүүдээс нэгийг сонго:
   
   1. Аудио: Дуу хоолойгоо бичин түүхээ ярина. Аудио дурсамж тус бүрийг 5 хүртэл минут бичиж болно. Бичлэг хийхдээ бичих товч-ийг дар. Хийж дууссаныхаа дараа дууссан гэсэн товчлуурыг дар. Тэгээд Хадгалах дээр дар.
   2. Түүх: Өөрийн төхөөрөмж эсвэл галерейгаас 10 хүртэлх зургийг оруулж болно. Гарчиг өгөөд түүхээ оруулна уу. Түүхүүд нь стандарт байдлаар олон нийт үзэхээр тавигддаг. Түүхийг хувийн болгохын тулд Нууц-ыг дар. Хадгалах дээр дар.
   3. Файл: Файлууд оруулна. Өөрийн төхөөрөмж, Галерей эсвэл Google Photos дээр даран оруулж ирнэ.

Олон тооны файл эсвэл гэрэл зураг байршуулах алхмууд

Дараалсан файлуудыг сонгохдоо:

1. Эхний файл дээр дар.
2. Компьютерынхоо гар дээрх Shift товчлуурыг дар.
3. Shift товчлуур-ыг дарсан чигтээ байршуулахыг хүссэн сүүлийн файл дээрээ дар.
4. Танд байршуулахад бэлэн болсон хавсралтуудын жагсаалт тодорч харагдана. Дэлгэцэд буй зааврыг дагаж зургуудыг байршуулна.

Дараалсан бус файлуудыг сонгохдоо:

1. Хавтаснаас дараалсан бус зургуудыг сонгохдоо эхний зургийг олоод, сонго.
2. Control товчлуур (Ctrl)-ыг удаан дар.
3. Control товчлуур-ыг дарсан чигтээ байршуулахыг хүссэн бүх зурган дээрээ дар. Дараа нь дэлгэцэн дээрх зааврыг дагаж оруулна уу.

Алхмууд (Memories гар утасны аппликэйшн)

1. Дугуй дотор байрлах нэмэх тэмдэг (+)-ийг товш.
2. Баримт нэмэх эсвэл Гэрэл зураг нэмэх дээр товш.
3. Хэрэглэхийг хүсэж буй сонголт дээрээ товшино уу:
   
   1. Android: Камер эсвэл Файл
   2. Apple iOS: Гэрэл зураг авах, Зургийн цомог эсвэл Миний файлууд

Төхөөрөмжөөсөө нэг файл сонгоод, Байршуулах дээр дар. Зургийн аппарат үйлдлийг ашиглан агуулгынхаа зургийг ав. Зургаа засварлаад, Хадгалах дээр дар.

Алхмууд (Family Tree гар утасны аппликэйшн)

1. Хувь хүний дэлгэрэнгүй мэдээллийн хуудсыг нээхийн тулд дээр нь дар.
2. Дурсамж дээр товш.
3. нэмэх тэмдэг (+) дээр товш.
4. Баримт нэмэх эсвэл Зураг нэмэх дээр товш.
5. Сонголт дээр товш:
   
   1. Андройд: Камер, Файл эсвэл FamilySearch Галерей.
   2. Apple iOS: Гэрэл зураг авах, Зургийн цомог, Миний файлууд эсвэл Миний FamilySearch Галерей.

Өөрийн төхөөрөмжөөс эсвэл Цомгоос сонгоод, Байршуулах дээр товш. Зургийн аппарат үйлдлийг ашиглан агуулгын зургийг ав. Зургаа засварлаад, Хадгалах дээр дар.

Family Tree Lite

Одоогоор Family Tree Lite хувилбар дээр Дурсамж функц байхгүй байна. 

Дууссаныхаа дараа

Хэрвээ өнгөнүүд нь FamilySearch дээр эсрэгээр (сөрөг хэлбэрээр) харагдаж байвал зургийг арилгана уу. Үүнийг өөр файлын формат руу хөрвүүлээд дахин оруул.

Ургийн модон дахь хувь хүнтэй холбохын тулд гэрэл зураг, бичиг баримтыг нэг бүрчлэн тэмдэглэ. Дурсамжийн файлаа олоход хялбар байлгах үүднээс гарчиг, үйл явдлын огноо, үйл явдлын байршил ба тайлбарыг нэм. 

Ургийн модонд хувь хүний дурсамж орсон дарааллаараа харагдана. Та энэ дарааллыг өөрчлөх боломжгүй.

Холбоотой нийтлэлүүд

Гэрэл зураг, түүх, бичиг баримт, аудио бичлэгийн файлд хэрхэн гарчиг нэмэх эсвэл засвар оруулах вэ?
Яагаад миний гэрэл зураг, бичиг баримт ороогүй байна вэ?
Ургийн модон дээр өвөг дээдэс, хамаатан садныхаа дурсамжийг хэрхэн тааглаж тэмдэглэх вэ?
Ямар журмаар FamilySearch.org-д дурсамж оруулах вэ?