Гэр бүлийн модон дахь эцэг эх, хүүхдийн холбоо хамаарлыг хэрхэн засах вэ?

Эцэг эх, хүүхдийн холбоо хамаарлыг засахаасаа өмнө ихэвчлэн дүн шинжилгээ хийх шаардлагатай болдог. Давхардсан бүртгэл эсвэл холбоо хамаарлын буруу холбооснууд гэсэн хоёр төрлийн асуудал үүсэж болно.

Иймэрхүү асуудлыг шийдэх нь сүрдмээр байж магадгүй юм. Хэрэв та холбоо хамаарлыг андуурч устгасан эсвэл сольсон бол Хамгийн сүүлд хийгдсэн өөрчлөлтүүд үйлдлээр дамжуулан сэргээх боломжтой. Энэ нийтлэлийн төгсгөлд байгаа Холбоотой нийтлэлийн жагсаалтад өгөгдсөн эдгээр зааварчилгааны холбоосыг олно уу.  

Хүүхдийн бүртгэлийг гэр бүлийн бүртгэлээс хасахад уг хүүхдийн бүртгэл Гэр бүлийн модонд үлдэнэ. Хэрэв уг хүүхэд эхнэр/нөхөр, хүүхдүүдтэй холбогдсон байвал тэдэнтэй холбоотой хэвээр байна. Үүний нэгэн адил, та эцэг эхийн хүүхэдтэйгээ холбогдсон холбоо хамаарлыг устгах үед эцэг эх бүрийн гэр бүлийн модны бүртгэл Гэр бүлийн модонд үлддэг.

Та эхлэхээсээ өмнө

Юу нь буруу болохыг олж мэдэхэд цаг зарцуул.

• Хэрэв тухайн хүүхэд уг гэр бүлд байх ёсгүй бол хүүхдийн эцэг эхтэйгээ холбогдсон холбоо хамаарлыг устга эсвэл соль. Ингэхийн тулд энэ нийтлэлд байгаа зааварчилгааг ашигла.
• Хэрэв хүүхдүүд нь зөв боловч эцэг эхийн хэн нэг нь эсвэл хоёулаа буруу бол тэр буруу эцэг эхийг хасах эсвэл солих хэрэгтэй. Зөв эцэг эхийн эхнэр, нөхрийг хас эсвэл соль. Энэ нийтлэлийн төгсгөлд байгаа Холбоотой нийтлэлийн жагсаалтад өгөгдсөн эхнэр/нөхрийн мэдээллийг хасах эсвэл солих зааварчилгааны холбоосыг олно уу. 
• Хэрэв та эцэг эх, хүүхдүүдийг хэд хэдэн удаа эсвэл хэд хэдэн гэр бүлд харсан бол давхардсан хүмүүсийн ID дугаарыг үзээрэй.
  
  • ID дугаарууд нь өөр байвал давхардсан бүртгэлүүдийг нэгтгэ. Энэ нийтлэлийн төгсгөлд байгаа Холбоотой нийтлэлийн жагсаалтад өгөгдсөн эдгээр зааварчилгааны холбоосыг олно уу. 
  • ID дугаар нь ижил боловч тухайн хүүхэд эцэг эхийнхээ хэн нэгтэй нэгээс дээш удаа холбогдсон байвал энэ нийтлэлд байгаа зааварчилгааг ашиглан, илүү холбоо хамаарлыг устга.

Зөвлөмж: Холбоо хамаарлыг нь өөрчилж байгаа хүмүүсийн нэр, ID дугаарыг бичиж тэмдэглэ. Одоо та өөрчлөлтийг буцаах боломжтой.

Алхмууд (вэбсайт)

FamilySearch.org вэбсайт дээрх Гэр бүлийн модыг ашиглан, гэр бүлээс хүүхдийн мэдээллийг хасах эсвэл солих алхмуудыг энд харуулав.

1. FamilySearch.org руу нэвтэр.
2. Та Гэр бүлийн мод дээр, дараа нь Мод дээр дарна уу.
3. Буруу эцэг эхтэй хүүхдийн Хувь хүн хуудас руу орно.
4. Хэрэв Дэлгэрэнгүй гэсэн хэсэг нээгдээгүй бол Дэлгэрэнгүй дээр дарна.
5. Хуудасны доод хэсэгт байрлах Гэр бүлийн гишүүд гэсэн хэсэгт очно.
6. Эцэг эх ба ах эгч, дүү гэсний доороос хүүхдийн нэрийг олж, Засах дүрс дээр дарна.
7. Хэрэв эцэг эхийн нэг нь буруу бол тэр буруу эцэг эхийн хажууд байгаа Хасах эсвэл солих дээр дар. Хэрэв эцэг эх хоёулаа буруу бол тэр хүүхдийн хажууд байгаа Хасах эсвэл солих дээр дар.
8. Ингэхэд хасах эсвэл солих гэсэн цонх гарч ирнэ. Холбоо хамаарал, эх сурвалж, тайлбарыг баталгаажуулсны дараа шалгах нүдийг чагталж,
9. доорх зүйлсээс аль нэгийг нь сонгон үйлдэнэ. Үүнд:
   
   1. Эцэг эхийн хэн нэгийг эсвэл хоёуланг хасах бол тохирох Хасах товчлуур дээр дар. Шалтгаанаа тайлбарлаад, Хасах дээр дар.
   2. Эцэг эхийн хэн нэгийг эсвэл хоёуланг солих бол тохирох Солих товчлуур дээр дарахад Хувь хүнийг солих гэсэн цонх гарч ирнэ.
      
      • Эцэг эхийн ID дугаарыг мэддэг бол ID дугаар дээр дар. ID дугаарыг нь оруулаад, Дараах дээр дарна. Тохирлыг нэмэх дээр дар.
        
        • Хэрэв та эцэг эхийг хоёуланг нэмэхийг хүсвэл, Хосуудыг сонгох дээр дар.
        • Хэрэв та эцэг эхийн аль нэгийг нэмэх бол Хувь хүнийг сонгох дээр дар. Уг өөрчлөлтийг оруулах болсон шалтгаанаа тайлбарлаж, Солих дээр дарна.
      • Хэрэв эцэг эхийн ID дугаарыг мэдэхгүй байвал хайлтын талбаруудыг бөглөж, Дараах дээр дар.
        
        • Жагсаалтад зөв хүн эсвэл хос гарч ирвэл Тохирлыг нэмэх дээр дар. Хэрэв та эцэг эхийг хоёуланг нэмэхийг хүсвэл, Хосуудыг сонгох дээр дарах ба нэгийг нэмэх бол Хувь хүнийг сонгох дээр дарна. Уг өөрчлөлтийг оруулах болсон шалтгаанаа тайлбарлаж, Солих дээр дар.
        • Хэрэв та тохирох мэдээллийг олоогүй бол эцэг эхийн бүртгэл үүсгэхдээ Хувь хүн үүсгэх дээр дарна уу.

Алхмууд (гар утасны аппликэйшн)

Гэр бүлийн мод гар утасны аппликэйшныг ашиглан, гэр бүлээс хүүхдийг хасах эсвэл солих алхмуудыг энд харуулав.

1. Гэр бүлийн мод гар утасны апп дээр буруу эцэг эхтэй хүүхдийн Хувь хүн хуудас руу орно.
2. Эцэг эх таб дээр товшино.
3. Хүүхдийн нэрийг олж, Засах дүрс дээр товш.
   
   1. Хэрэв эцэг эхийн нэг нь буруу бол тухайн эцэг эхийн доош буусан сум дээр товшин, Эцгийг хасах эсвэл солих юм уу Эхийг хасах эсвэл солих дээр товшино.
   2. Эцэг эх хоёулаа буруу бол Эцэг эхийг хасах дээр товшиход
4. шинэ цонх гарч ирнэ. 
   
   1. Эцэг эхийн хэн нэгний мэдээллийг эсвэл хоёуланг хасахдаа та холбоо хамаарлыг нягталж шалгасан гэсэн нүдийг чагтлаад, Үргэлжлүүлэх дээр товшино. Шалтгаанаа тайлбарлаад, Хасах дээр товш.
   2. Эцэг эхийн хэн нэгний мэдээллийг солихдоо та холбоо хамаарлыг нягталж шалгасан гэсэн нүдийг чагтлаад, Солих товчлуур дээр товшиход Хувь хүнийг солих гэсэн цонх гарч ирнэ.
      
      • Хэрэв та эцэг эхийн аль нэгний ID дугаарыг мэддэг бол ID дугаар дээр товш. ID дугаарыг нь оруулаад, Үргэлжлүүлэх дээр товшино. Сонгох дээр товш. Уг мэдээлэл яагаад зөв болохыг тайлбарлаж, Солих дээр товш.
      • Хэрэв эцэг эхийн ID дугаарыг мэдэхгүй байвал, хайлтын талбаруудыг бөглөж, Үргэлжлүүлэх дээр товш.
        
        • Харин хайлтын илэрцийн жагсаалтад зөв хүн гарч ирвэл, Сонгох дээр товш.  Уг өөрчлөлтийг оруулах болсон шалтгааныг тайлбарлаж, Солих дээр товшино.
        • Хэрэв эцэг/эх харагдахгүй байгаа бол Тохирсонгүй дээр товш. Уг өөрчлөлтийг оруулах болсон шалтгааныг тайлбарлаж, Солих дээр товшино.

Алхмууд (Family Tree Lite)

Family Tree Lite ашиглан, гэр бүлээс хүүхдийн мэдээллийг хасах эсвэл солих алхмуудыг энд харуулав.

1. Family Tree Lite (lite.fs.org) руу нэвтэрч орно уу.
2. Буруу эцэг эхтэй хүүхдийн Хувь хүн хуудас руу ор.
3. Уг хүүхдийн нэрийн доор байгаа Гэр бүлийг үзэх дээр товш.
4. Эцэг эх ба ах эгч, дүү гэсний доороос хүүхдийн нэрийг олж, Засах дүрс дээр товш.
5. Хэрэв эцэг эхийн нэг нь буруу бол тэр буруу эцэг эхийн нэрийн доор байгаа Хасах эсвэл солих дээр товш. Хэрэв эцэг эх хоёулаа буруу бол тэр хүүхдийн нэрийн доор байгаа Хасах эсвэл солих дээр товшоод,
6. доорхын аль нэгийг дагаж үйлдэнэ. Үүнд:
   
   1. Эцэг эхийн хэн нэгийг эсвэл хоёуланг хасах бол тохирох Хасах товчлуур дээр товш. Шалтгаанаа оруулаад, Хасах дээр товш.
   2. Эцэг эхийн хэн нэгийг эсвэл хоёуланг солих бол тохирох Солих товчлуур дээр товшиход Хувь хүнийг солих гэсэн цонх гарч ирнэ.
      
      • Эцэг эхийн ID дугаарыг мэддэг бол ID дугаараар хайх дээр дарж, дугаарыг нь оруулаад, Дараагийнх дээр товш. (FamilySearch Lite нь автоматаар ID дугаарын богино зураасыг нэмдэггүй мөн үсгүүдийг томоор бичдэггүй тул үүнийг гараар оруулна уу) Хувь хүнийг нэмэх эсвэл Хосыг нэмэх дээр товш.
      • Хэрэв эцэг эхийн ID дугаарыг мэдэхгүй байвал, хайлтын талбаруудыг бөглөж, Дараах дээр товш. Харин хайлтын илэрцийн жагсаалтад зөв хүн эсвэл хос гарч ирвэл Хувь хүнийг нэмэх эсвэл Хосыг нэмэх дээр товш. Харин байхгүй бол эцэг эхийн шинэ бүртгэл үүсгэхийн тулд Хувь хүн үүсгэх дээр товш. 

Санал болгох дараагийн алхмууд

Эцэг эх, хүүхдийн холбоо хамаарлыг хасах эсвэл өөрчлөх нь эцэг эхийн хосын холбоог салгах юм уу өөрчилдөггүй. Хэрэв эцэг эхийн хэн нэг нь буруу бол буруу эцэг эсвэл эхийг хасах юм уу солих хэрэгтэй.

Холбоотой нийтлэлүүд

Төрсөн, хойд, үрчлэн авсан, асран хүмүүжүүлэгч гэсэн холбоо хамаарлыг Гэр бүлийн модон дээр хэрхэн онцлох вэ?
Гэр бүлийн модон дахь хувь хүн дээр оруулсан өөрчлөлтүүдийг хэрхэн харах вэ?
Би Гэр бүлийн модон дахь давхардсан бүртгэлүүдийг хэрхэн нэгтгэх вэ?
Гэр бүлийн модон дахь хэн нэгэн буруу эхнэр/нөхөртэй холбогдсон байна
Нэг хүүхэд Гэр бүлийн модны нэг гэр бүлд нэгээс олон удаа харагдаж байна