Өвөг дээдсээ бүртгэлээс олох
Бичиг баримтууд нь шинэ мэдээллийг ил гаргаж, тодорхой өвөг дээдсийнхээ талаарх цаасан баримтуудыг үүсгэж болно.
Өвөг дээдсээ хайхтай холбоотой анхны ойлголтууд
Түүхэн бичиг баримтын сангаас өвөг дээдсээ хайх нь Google дээр хайхтай адилхан. Та олохыг хүссэн зүйлийнхээ талаар мэддэг зүйлээ оруулна. Дараа нь хайлтын систем нь асар их хэмжээний өгөгдлөөс шигшиж хамгийн сайн таарч тохирсон мэдээллийг хайж олдог.
Өвөг дээдэсийн хайлтыг хийхийн тулд тухайн хүний нэр, хаана, хэзээ амьдарч, нас барсан гэх мэт мэдээллийг оруулах нь сайн. Мөн эхнэр нөхөр, эцэг эх, үр хүүхэд гэх аливаа харилцаа холбоог бас оруулах нь тустай.
Өөрийн мэдэх мөн хамаатан саднаасаа олж мэдсэн зүйлээ оруулаарай. Бүгдийг мэдэхгүй бол санаа зовох хэрэггүй. Бага мэдээллээр ч гэсэн хайлт хийх боломжтой.
Дараа нь юу хийх вэ?
Түүхэн бичиг баримтууд нь гэр бүлийн түүхийн дэлгэрэнгүй мэдээллийг цуглуулахад танд тусалдаг. Тэдгээр нь хаяг, гэр бүлийн гишүүдийн нэр болон өндөр, нүдний өнгө, ажил мэргэжил гэх мэт хувийн чухал буюу сонирхолтой мэдээлэл өгч болно. Та бүр өвөг дээдсийнхээ гарын үсгийг хүртэл олж магадгүй.
Өвөг дээдсийнхээ талаар олж мэдсэн зүйлээ Гэр бүлийн модны профайл дээр нь хадгалаарай. Таны хадгалсан зүйлийг хадгалан үлдээж, адилхан мэдээлэл хайж байж болох хамаатантай тань автоматаар хуваалцана. Эдгээр дэлгэрэнгүй мэдээлэл нь тухайн хүний амьдралын талаарх баримт мэдээллийг баталгаажуулж, харилцаа холбоог нотлоход туслах эх сурвалж болж болох юм.