15 жилийн турш Рүүтстэк нь хүмүүст хамтдаа суралцах, хуваалцах, гэр бүлийн тухай амьдралыг өөрчлөхүйц мэдээллийг олох газар болсоор ирсэн.
Энэ жил бид өөрсдийн түүхийг олж нээж, бүгд хэрхэн холбогдож байгаагаа харснаар үргэлжлүүлэн дэлхийг нэгтгэх болно. Рүүтстэкээр бидний зорьдог энэхүү эв нэгдэл болон багийн хамтын ажиллагааны сүнс нь "Хамтдаа" хэмээх 2026 оны чуулганы маань урианд төгс нийцэж байна!
Рүүтстэк 2026 хаана болох вэ?
Дэлхийн хамгийн том гэр бүлийн түүхийн чуулга уулзалт болох Рүүтстэк нь дэлхийн хэмжээний арга хэмжээ бөгөөд хаанаас ч онлайнаар оролцох боломжтой. Рүүтстэк нь зөвхөн танхимаар явагдаж байгаад цаг хугацааны явцад дан онлайн руу (КОВИД-19 цар тахлын улмаас) шилжиж, эцэст нь 2023 оноос эхлэн холимог чуулга уулзалт болсон юм. Одоо та Рүүтстэкд хүссэн хэлбэрээрээ оролцох боломжтой!
Төлбөртэй, танхимаар оролцох чуулга уулзалт нь 2026 оны 3-р сарын 5–7-ны хооронд Юта мужийн Солт Лэйк Ситигийн Salt Palace Convention Center-т болно. Мөн та өөрийн тав тухтай гэрээсээ онлайнаар үнэ төлбөргүй оролцох боломжтой.
Бүртгүүлэхдээ тантай хамт чуулга уулзалтад оролцох хүсэлтэй өөр хэн байж болох талаар бодож үзээрэй! Холбоосыг гэр бүл болон найзуудтайгаа хуваалцаж, хамтдаа чуулганд оролцоорой.
Хэрхэн Рүүтстэкийг өөрийн төрөлх хэл дээр үзэх вэ?
10 гайхалтай хөтлөгч энэ жилийн сэдэвтэй уялдуулан "Хамтдаа" уриаг амьдрал дээр бодит болгон амилуулахад туслах болно. Тэд чуулганы гол тайзнаас түүхүүдийг хуваалцаж, оролцогчдыг өөрсдийнхөө төрөлх хэлээр Рүүтстэкд оролцоход нь чиглүүлнэ. Манай Рүүтстэк 2026 арга хэмжээнд дэлхийн өнцөг булан бүрээс оролцох гайхалтай хөтлөгчидтэй танилцаарай.
Рүүтстэк дээр юу болдог вэ?
FamilySearch-ээс зохион байгуулж, бусад тэргүүлэх угийн бичгийн байгууллагуудын ивээн тэтгэдэг Рүүтстэк арга хэмжээ нь уг чуулганаас сурч мэдсэн зүйлээ хэрэгжүүлэхэд тань туслах зорилготой. Гэхдээ Рүүтстэк нь зөвхөн чуулга уулзалт биш. Энэ бол дэлхийн өнцөг булан бүрээс гэр бүлийнхээ талаар илүү ихийг олж мэдэх нийтлэг хүсэл тэмүүллийн дор цугласан хүмүүсийн уулзах газар юм.
Та мэргэжлийн угийн бичгийн судлаачид, оюутнууд, гэр бүлийн түүхчид болон бусад оролцогчийн хамт суралцаж, хамтдаа харилцаа холбоо үүсгэж, суралцаж, тусламж авч, бусдад тусалж гэр бүлийн түүхийнхээ аялалд ахиц дэвшил гаргах болно. Чуулганаас хүлээж болох зүйлүүдийн талаар энд дурдъя.
Гол тайзан дээрх урам зориг өгсөн илтгэлүүд
Манай нэрд гарсан гол илтгэгчид, салбарын мэргэжилтнүүд гэр бүлийнхээ талаар, олж мэдсэн зүйлсээ, угийн бичиг тэдний амьдралд хэрхэн нөлөөлсөн тухай хуваалцахыг илтгэлээс нь сонсоорой. Өмнөх Рүүтстэк чуулганы гол илтгэгчдэд шагналт жүжигчин, продюсер, найруулагч Шон Астин, зохиолч, илтгэгч, Нэлсон Манделагийн ач хүү Мандела Ндаба мөн Эмми ба Төүнигийн шагналт жүжигчин, дуучин Кристин Чэновэт нар багтаж байв.
Удахгүй зохиогдох чуулганы гол илтгэгчдийн жагсаалт 2026 оны эхээр гарах болно. Мөн өмнөх жилүүдийн илтгэгчдийг Рүүтстэкийн видео сангаас орж үзээрэй.
Мэргэжилтнүүдийн зохион байгуулсан ангиуд
Анхлан суралцагчаас авахуулаад мэргэжилтнүүд хүртэлх ур чадварын бүхий л түвшинд зориулсан Рүүтстэкийн санал болгодог олон сэдвийг хамарсан 200+ хүртэлх угийн бичгийн хичээлд оролцоно уу. Та 2026 оны ангиудын урьдчилсан тоймыг үзэж, энэ жил санал болгож буй зарим хичээлүүдийг эртнээс харах боломжтой.
"Гэр бүлийн түүхээ хийж дууссан мэт санагдах үед туслах 3 хялбар стратеги" гэх мэт анхлан эхэлж буй хүмүүст зориулсан хичээлийг сонирхож үзээрэй эсвэл хиймэл оюун ухааны талаар "AI, архивтай нэгдсэн нь: Түүхэн баримтыг хиймэл оюун ухаанаар сайжруулах" гэх мэт хичээлүүдийг хайж үзээрэй.
Рүүтстэк 2026 чуулганы бүтэн хуваарь 2026 оны 1-р сард RootsTech.org дээр тавигдах болно. Ур чадварын өөр өөр түвшинд зориулсан, төрөл бүрийн сэдэвтэй олон хичээлтэй тул та өөрийн гэр бүлийн түүхийн хайлтад тохирсон хичээлийн хуваарийг гаргах боломжтой.
Сэтгэл хөдөлгөм үзэсгэлэнгийн танхим
Өргөн цар хүрээтэй үзэсгэлэнгийн танхимын дундуур алхаж, угийн бичиг судлалын ертөнцөд шинэ зүйлс юу байгааг хараарай. Танил болон шинэ түншүүдтэй уулзаж, салбарын шинэчлэлүүдтэй танилцаж, шинэ бүтээгдэхүүнүүдийг туршиж, асуулт тавих боломжтой.
Та онлайнаар хуралд оролцож байгаа ч гэсэн үзэсгэлэнгийн танхимыг үзэж сонирхох боломжтой! Та онлайн үзэсгэлэнгийн танхимыг хүссэн үедээ үзэх боломжтой. Энэ нь хичээл хооронд эсвэл гол илтгэгчийг хүлээж байх зуур цагийг өнгөрөөх сайхан арга юм.
Үнэ төлбөргүй мөн хөгжилтэйгөөр гэр бүлийнхээ тухай судлах өдөр
Танхимаар оролцох боломжтой бол 3-р сарын 7-ны бямба гарагт Гэр бүлийнхээ тухай судлах өдөрт бидэнтэй нэгдээрэй! Энэхүү үнэ төлбөргүй, хүүхдэд ээлтэй арга хэмжээ нь зугаатай үйл ажиллагаа, хөгжилтэй тоглоом, гэр бүлээрээ дотносож, гэр бүлийн түүхийн баяр баяслыг мэдрэхэд тусалдаг сонирхолтой хичээлүүдээр дүүрэн.
Энэхүү арга хэмжээний үеэр Есүс Христийн Хожмын Үеийн Гэгээнтнүүдийн Сүмийн удирдагчид гэр бүл ба угийн бичгийн ажлын ач холбогдлын талаар урам зориг өгөх захиасуудыг хуваалцах ба эдгээрээс нэгийг нь шууд дамжуулна.
Гэр бүлийнхээ тухай судлах өдөр бол бүх хүнд зориулсан үнэ төлбөргүй арга хэмжээ бөгөөд оролцохын тулд Рүүтстэкд бүртгүүлсэн байх шаардлагагүй. Зүгээр л гэр бүлээ авчраад, шинэ зүйлсийг сурч мэдээрэй!
Рүүтстэк 2026 арга хэмжээнд хэрхэн бүртгүүлэх вэ?
Рүүтстэк 2026-д бидэнтэй нэгдэж, хамтдаа юу сурч, хуваалцаж, хийж болохыг хараарай! Онлайн эсвэл танхимаар оролцохоор бүртгүүлж, өөрийн хүссэн туршлагыг олж авч, мартагдашгүй цаг хугацааг өнгөрүүлэхэд бэлтгээрэй!
Рүүтстэк гэж юу вэ?
Рүүтстэк бол гэр бүлийн түүхээр дамжуулан суралцах, урам зориг авах, хоорондоо холбогдох газар юм. FamilySearch байгууллагаас зохион байгуулж, угийн бичгийн судалгаа явуулдаг бусад олон байгууллагын ивээн тэтгэж буй энэ арга хэмжээний хүрээнд гэр бүлийн түүхийн ажлыг урьд өмнө хийж байгаагүй арга замаар хийхэд тань туслах, мэргэжилтнүүдийн оролцсон зуу зуун хичээл, зөвлөгөө, түүнчлэн тустай арга барилыг санал болгох видео, урам зориг өгөх түүхүүд бидэнд бий. Хүссэн үедээ ашиглаж болох манай сургалтын номын санд зочлоорой эсвэл манай онлайн болон танхимаар зохион байгуулах дараагийн чуулга уулзалтад оролцох төлөвлөгөө гаргаарай.
Холбоотой нийтлэлүүд
FamilySearch дээр бид таныг гэр бүлтэй чинь холбож, хөгжилтэй танин мэдэхүй болон гэр бүлийн түүхийн үйлчилгээг санал болгодог. Яагаад? Учир нь бид гэр бүлүүдийг нандигнаж, үе удмуудыг хооронд нь холбох нь бидний амьдралыг одоо болон үүрд сайжруулдаг гэдэгт итгэдэг. Бид Есүс Христийн Хожмын Үеийн Гэгээнтнүүдийн Сүмээс санхүүждэг ашгийн бус байгууллага юм. Бидний итгэдэг зүйлсийн талаар дэлгэрэнгүй мэдэхийг хүсвэл энд дарна уу.
