Бараг 20 жил гаруй хугацаанд FamilySearch Каталог нь ном, баримт бичиг, зураг, бусад чухал эх сурвалжуудыг хайж олох газар байсаар ирсэн. Энэ нь долоо хоног бүр 5 сая гаруй хайлт хийдэг судлаачид, номын санчид болон бусад хүний хувьд үнэлж баршгүй зүйл юм. Технологийн чухал дэвшилтүүд бидэнд FamilySearch каталогыг бусдад нээлттэй байлгах мөн шинэ удмын бичгийн эх сурвалжуудыг үргэлжлүүлэн нэмэх боломжийг олгож байна.
FamilySearch каталог гэж юу вэ?
FamilySearch каталог гэдэг нь FamilySearch биет болон дижитал цуглуулга дахь өргөн цар хүрээтэй эх сурвалжуудын жагсаалт юм. Каталогт багтсан зүйлс нь FamilySearch номын сан болон орон нутгийн FamilySearch төвүүд дээр хувь хүн ашиглах мөн онлайнаар хайж болох зүйлс юм.
Каталогийн тусламжтай та дараах зүйлсийг хийх боломжтой. Үүнд:
- FamilySearch-д танд хэрэгтэй зүйлс байгаа эсэхийг мөн хэрхэн хэрэгтэй зүйлсээ олж авахыг харах
- Индексжүүлсэн түүхэн баримтуудын онлайн цуглуулга дахь бичил хальснуудыг үзэх
- Хэвлэх эсвэл ирээдүйд лавлах зорилгоор хадгалахыг хүссэн бичлэгийнхээ хэвлэх жагсаалтыг үүсгэх Зөвлөгөө: Хэвлэх жагсаалтууд нь Солт Лэйк Сити дэх FamilySearch номын санд зочлох төлөвлөгөө гаргах эсвэл дэлхий даяарх олон FamilySearch төвүүдийн аль нэгт зочлох гайхалтай арга зам юм.
Яагаад үүнийг шинэчилсэн бэ?
“Яагаад FamilySearch нь каталогтоо өөрчлөлт оруулсан юм бол гэж та гайхаж байж магадгүй. Үнэхээр сайн ажиллаж байсан ч машины зүйрлэлийг ашиглавал, машин ажиллаж байгаа хэвээр байж болох ч машины бүрээсний доор ямар ч үед эвдэрч болзошгүй одоо үйлдвэрлэгдэхээ больсон эд ангиуд гэх мэт элэгдэлд орсон хэсгүүд байж болох юм. Каталог офлайн байх үед орлуулалтыг хайж олоход хэдэн өдөр эсвэл долоо хоног шаардагдана. Хэрэв хөдөлгүүр нь сүйрлийн улмаас эвдэрсэн бол түүнийг солиход хэдэн сар шаардлагатай болно” гэж FamilySearch-ийн удмын бичгийн сангийн дэд захирал Робэрт Рэймонд хэлэв.
“1996 оны технологи нь хэдэн настай вэ? PalmPilot 1996 онд гарсан. Моторола тэр жилдээ анхны гар утас зарж эхэлсэн. Тоглоомын хайрцаг ашигладаг хэвээр байсан Nintendo 64 нь АНУ-д гарсан. Вэб дөнгөж 5 жилийн настай байсан бөгөөд өнөөдрийн 1 тэрбум гаруй вэбсайттай харьцуулахад ердөө 258,000 вэб сайттай байсан. АНУ дахь таксофоны тоо дөнгөж дээд цэгтээ хүрсэн” гэж тэр нэмж хэлэв.
Каталогийн ажиллагаа хэвээр байгаа ч 2022 оны 6-р сараас хойш хуучин каталогийн системд ямар нэгэн өөрчлөлт, шинэ мэдээлэл нэмэх боломжгүй.
Каталог хэрхэн өөрчлөгдсөн бэ?
Шинэ каталог яг өмнөх шигээ ажиллаж байгаа.
Гэхдээ хэд хэдэн мэдэгдэхүйц өөрчлөлт гарсан.
- Шинэ өгөгдөл: 2022 оноос хойш хийгдсэн шинэ биет худалдан авалтуудын тоо одоо шинэ каталогид орсон бөгөөд шинэ зүйл олж авах тусам нэмэгдэх болно. Биет зүйлс FamilySearch номын сангийн каталогт мөн гарч ирнэ.
- Анхны хайлтын дэлгэц: Хайлтын дэлгэц өөр харгадах ч хуучин шигээ ажиллана. Тодорхой хайлтын төрөл эсвэр төрлүүдийг сонгож, талбарыг бөглөн, Хайх дээр дарна. Та хайлтаа газар, овог, хэргэм цол, зохиолч, сэдэв, түлхүүр үг, дуудлагын дугаар эсвэл хальсны дугаараар хийж болно. Та мөн газар мөн түлхүүр үг зэргээр хайлт хийхдээ хоёр үгийг холбож хийснээр хайлтаа нарийвчилж болно.
- Хайлтын илэрц ба шүүлтүүр: FamilySearch.org-оос түүхэн баримт бичиг хайхдаа та хайлтын шалгуураа нарийвчилж эсвэл өргөсгөж болно. Түлхүүр үг, овог, цол хэргэм зэрэг хайлтын шүүлтүүрүүд хайлтын үр дүнгийн дээгүүр зууван хэлбэрээр харагдана.
- Газрын сайжруулалт: 2023 оны 11-р сард FamilySearch каталог нь каталогид хамаарах газруудын жагсаалтыг ашигладаг байснаас FamilySearch вэбсайтын бусадтай адил стандарт газруудын жагсаалтыг ашиглах болсон. Каталогийн тусгайлсан газруудын жагсаалтыг байгаагаар нь хадгалах боломжгүй. Стандартчилсан газруудын жагсаалт дэлхийн өөр хэсгүүдийг илүү нарийвчилж багтаахын тулд зогсолтгүй сайжирсаар байна. Энэ нь тэдгээр газар нь хуучнаасаа арай өөр нэршлүүдтэй байж болзошгүй гэсэн үг. Илэрцийн хуудасны дээд хэсэгт байрлах “Тэмдэглэл” хэсэгт та хуучин болон шинэ каталогийн газрын нэрсийг тодруулахад туслах газрын мэдээллийг олох болно. Хуучин каталог дахь цөөн хэдэн газар нэмэгдээгүй байгаа бөгөөд илүү олон газар нэмэгдэж орох болно.
Зорилтот тусламж
Каталогыг хэрхэн ашиглах мэдээллийг цуглуулж, туршлагад нэгтгэсэн. Каталогыг хэрхэн ашиглах талаар мэдэж ав дээр дарж үүнийг олоорой.
FamilySearch нь удмын бичиг судлаачдыг ирэх олон жилүүдэд тогтвортой, хамгийн сүүлийн үеийн каталогоор хангахаар ажиллаж байгаа нь технологийн өөрчлөлттэй холбоотой чухал мэдээ юм.
Холбоотой нийтлэл
FamilySearch дээр бид таныг гэр бүлтэй чинь холбож, хөгжилтэй танин мэдэхүй болон гэр бүлийн түүхийн үйлчилгээг санал болгодог. Яагаад? Учир нь бид гэр бүлүүдийг нандигнаж, үе удмуудыг хооронд нь холбох нь бидний амьдралыг одоо болон үүрд сайжруулдаг гэдэгт итгэдэг. Бид Есүс Христийн Хожмын Үеийн Гэгээнтнүүдийн Сүмээс санхүүждэг ашгийн бус байгууллага юм. Бидний итгэдэг зүйлсийн талаар дэлгэрэнгүй мэдэхийг хүсвэл энд дарна уу.
