FamilySearch.org-д та гэр бүлийн түүхийн баяр баясгаланг олон арга замаар мэдрэх боломжтой. Одоо аккаунттай болсон тул таны хийж болох зарим гайхалтай зүйлийг эхлээд судалъя.
Дараах 5 үйл ажиллагааг хийж үзвэл зохино.
1. Гэр бүлийн модоо эхлүүл
Олны мэдэх хэллэгээр бол сайн ярих юм бол бид хамаатан садан болж таардаг. FamilySearch-ийн Гэр бүлийн модны тусламжтайгаар та хэрхэн холбогддогоо харж болно.
Эхлээд модонд өөрийнхөө нэрийг бичээд, дараа нь эцэг эхээ оруул. Өвөө эмээгийнхээ, болж өгвөл тэдний өвөө эмээгийн мэдээллийг нэм. Үүний зорилго бол гэр бүлийнхээ шугамыг өөр хэн нэгнийхтэй холбох явдал юм.
Ийн холбох үед FamilySearch таныг дэлхийн хамгийн том гэр бүлийн дундын мод руу автоматаар нэмэх болно. Та хуваалцсан өвөг дээдсийнхээ нэр, дэлгэрэнгүй мэдээллийг харах боломжтой.
Ийн гэр бүлийн мод нь гэр бүлийн түүхээ олж нээхэд танд тусална. Харин та өөрийн болон гэр бүлийнхээ мэдээллийг оруулснаар бусдад ч бас өөрсдийн түүхийг олж нээхэд тусалж магад. Хэн мэдлээ!
2. Олж нээх үйл ажиллагаануудаар дамжуулан өөрийнхөө тухай хөгжилтэй баримтуудыг олж мэд
Гэр бүлийн түүхийн нэг хэсэг бол эргэн тойрныхоо дэлхий ертөнц, гэр бүлийн гишүүд, өмнө нь төрсөн хүмүүстэй хэрхэн холбогдож байгаагаа харах замаар өөрийнхөө тухай олж мэдэх явдал юм.
FamilySearch-ийн онлайнаар олж нээх үйл ажиллагаанууд нь өнгөрсөн үетэйгээ холбогдох энэ холбоог сайжруулдаг. Мэддэггүй байсан өвөг дээдсийнхээ царайнаас өөрийн инээмсэглэлийг олж харахад эсвэл элэнц өвөөгийнхөө булшны чулуун дээрх бичвэрийг уншихад танд ямар мэдрэмж төрөх бол?
Хулганын товшилтоор бидний олж нээх үйл ажиллагаануудын галерей танд эдгээр болон бусад туршлагыг, тухайлбал Миний өвийн зураглал эсвэл Миний тухай бүх мэдээллийг өгөх боломжтой. Дотнын найз эсвэл гэр бүлийн гишүүн гэх мэт өөр хэн нэгнийг хамтдаа үзэхэд урих үед тэдгээр нь хамгийн их сонирхолтой байх болно.
3. Манай бүртгэлүүдээс хай
Гэр бүлийн түүх нь нарийн ширийн мэдээллээр дүүрэн байдаг тул танай гэр бүл, өвөг дээдсийн тухай дурдсан түүхийн баримт бичгийн цуглуулгаас хайхад цаг зарцуулахыг та хүсэх болно.
Төрсний болон гэрлэлтийн гэрчилгээ, эмгэнэлийн мэдээ, хүн амын тооллогын тайлан, сүмийн бүртгэл, цэргийн үнэмлэх зэрэг нь бүгд гэр бүлийн чухал олдворууд юм. Тэдгээр нь өвөг дээдсийн тань болон тэдний харилцаж байсан бусад хүний амьдралын бодит нотолгоо.
Баримтууд ихэвчлэн өвөг дээдсийн тань өдөр тутмын амьдралын талаарх мэдээллийг өгдөг. Түүхийн үнэн зөв баримттай бол та өвөг дээдсийнхээ ажил мэргэжлийг олж мэдэх, хаана амьдарч байсныг харж, тухайн хүний бодит өндөр, жин, нүдний өнгийг хүртэл мэдэх боломжтой.
Тантай холбоотой хэн нэгнийг дурдсан түүхэн баримт бичиг олдвол бусдад харуулахын тулд Гэр бүлийн модон дээрх түүний профайл дээр хавсаргахаа бүү март.
4. Гэр бүлийн дурсамжийг бичих эсвэл байршуулах
Гэр бүлийн түүхийн нэг хэсэг бол өөрийн түүхийг—гэрэл зураг, түүх, тэр ч байтугай дууны бичлэгээ хойч үедээ үлдээх явдал юм. FamilySearch-д бид эдгээрийг “Дурсамж” гэж нэрлэдэг бөгөөд тэдгээрийг хадгалж үлдээхэд тань туслахыг хүсэж байна.
FamilySearch-ийн Memories аппликэйшн болон FamilySearch.org дээрх Дурсамж таб нь танд тэдгээр дурсамжийг үүсгэх, байршуулах, үзэх, хадгалахад туслах зорилготой. Тэдгээрийг хадгалахад мөн адил “Дурсамж” гэсэн галерей руу ордог бөгөөд ингэснээр та хаанаас ч үзэх боломжтой.
Та одоо бүртгэлтэй болсон тул өөрийнхөө эсвэл хайртай хүнийхээ зургийг байршуулах гэж үзээрэй. Хэрхэн гэдгийг мэдэхийн тулд доорх холбоос дээр дарна уу.
5. Бусдад туслах
Эцэст нь, FamilySearch аккаунтаа нээснээр та түүхэн баримтуудыг индексжүүлэх замаар цаг хугацаа, мэдлэгээрээ хувь нэмэр оруулах боломжтой.
Түүхэн баримтыг индексжүүлэхдээ бодит баримтын дижитал зургийг, тухайлбал, гэрлэлтийн гэрчилгээг харж, мэдээллийг нь манай системд оруулдаг. Баримтыг индексжүүлснээр уг баримт бичиг болон үүний дээрх мэдээллийг FamilySearch-ийн Баримтын цуглуулгаас хайх боломжтой болдог. Энэхүү эх сурвалжийг ашиглан бусад хэрэглэгч ашиг тусыг нь хүртэж, өөрсдийн гэр бүлийн талаарх мэдээллийг олж авах боломжтой.
Баримтыг индексжүүлэх нь гэр бүлийн түүхтэй холбоотой чухал нээлт хийхэд нь хэн нэгэнд туслах сайхан арга юм. Доорх холбоос дээр дарж индексжүүлээд үз. Та бусдад эерэг өөрчлөлт авчрах болно.
