សៀវភៅពង្សាវលីចិន
សៀវភៅពង្សាវលីចិន
តើសៀវភៅពង្សាវលីចិន ( ចាយភូ ) ជាអ្វី ?
ចាយភូ គឺជាកំណត់ត្រាគ្រួសារពហុជំនាន់ដែលបានរក្សាទុកដោយបក្សសម្ព័ន្ធចិនមួយ ។ ជាទូទៅ ពង្សាវលីនេះចាប់ផ្តើមដោយការពណ៌នាអំពីបុព្វការីជនទីមួយ—គាត់ជានរណា កន្លែងដែលគាត់រស់នៅ អ្វីដែលគាត់បានធ្វើ—ហើយបន្តមកដល់កូនៗ ចៅៗ ចៅទួត ជាដើម ។
កម្មវិធីស្រាវជ្រាវក្រុមគ្រួសារមានកំណត់ត្រាជនជាតិចិន ចាយភូ ជាង ៦៥,០០០ នៅលើគេហទំព័រនោះ ។ ខណៈដែលឈ្មោះបុគ្គលក្នុងសៀវភៅទាំងនេះមិនទាន់ត្រូវបានធ្វើលិបិក្រមនៅឡើយ នោះអ្នកអាចរកឃើញចិន ចាយភូ នៅលើកម្មវិធីស្រាវជ្រាវក្រុមគ្រួសារ ដោយប្រើការស្វែងរករូបភាពតាមការកំណត់ផ្ទាល់ខ្លួនបាន ។
កម្មវិធីស្រាវជ្រាវក្រុមគ្រួសារមានកំណត់ត្រាជនជាតិចិន ចាយភូ ជាង ៦៥,០០០ នៅលើគេហទំព័រនោះ ។ ខណៈដែលឈ្មោះបុគ្គលក្នុងសៀវភៅទាំងនេះមិនទាន់ត្រូវបានធ្វើលិបិក្រមនៅឡើយ នោះអ្នកអាចរកឃើញចិន ចាយភូ នៅលើកម្មវិធីស្រាវជ្រាវក្រុមគ្រួសារ ដោយប្រើការស្វែងរករូបភាពតាមការកំណត់ផ្ទាល់ខ្លួនបាន ។
តើខ្ញុំរកឃើញសៀវភៅពង្សាវលីចិន ( ចាយភូ ) នៅលើកម្មវិធីស្រាវជ្រាវក្រុមគ្រួសារដោយរបៀបណា ?
- នៅលើកម្មវិធីស្រាវជ្រាវក្រុមគ្រួសារ សូមចុច ស្រាវជ្រាវ ។
- សូមចុច រូបភាព ។
- សូមវាយបញ្ចូល ប្រទេសចិន ឬទីកន្លែងជាក់លាក់នៅក្នុងប្រទេសចិនដែលបុព្វការីជនជាទីសក្ការៈរបស់អ្នកមានដើមកំណើត ។
ហេតុអ្វីខ្ញុំមិនអាចស្វែងរកសៀវភៅពង្សាវលីចិនរបស់ខ្ញុំនៅក្នុងកម្មវិធីស្រាវជ្រាវក្រុមគ្រួសារបាន ?
កម្មវិធីស្រាវជ្រាវក្រុមគ្រួសារមានកំណត់ត្រា ចាយភូ ជាង ៦៥,០០០ សម្រាប់ប្រើនៅលើគេហទំព័រនេះផ្ទាល់ ។ មានចំណុចមួយចំនួនជាហេតុដែលធ្វើឲ្យអ្នកពុំអាចរកឃើញកំណត់ត្រារបស់អ្នក ៖
- អ្នកកំពុងរកមើល ចាយភូ ខុសកន្លែង ។ ព្យាយាមស្វែងរកកន្លែងជាក់លាក់ច្រើនពេក ឬតិចពេក ។
- ប្រហែលយើងគ្មាន ចាយភូ នៃបក្សសម្ព័ន្ធរបស់អ្នក ។ សាកល្បងប្រើបណ្តុំ ចាយភូ តាមអនឡាញផ្សេងទៀតនៅ បណ្ណាល័យសៀងហៃ និង បណ្ណាល័យជាតិនៃប្រទេសចិន ។
- ចាយភូ របស់បក្សសម្ព័ន្ធអ្នកប្រហែលគ្មាននៅលើអ៊ីនធើណែតទេ ឬប្រហែលជាលែងមានតទៅទៀតហើយ ។
តើអ្វីទៅជាសាលបុព្វការីជន បុព្វការីជនជាទីសក្ការៈ និងកំណាព្យតាមជំនាន់ ?
អ្នកអាចស្រាវជ្រាវរក ចាយភូ ដោយប្រើព័ត៌មានដែលមានរួមបញ្ចូលជាទូទៅនៅក្នុង ចាយភូ រួមទាំងបុព្វការីជនជាទីសក្ការៈ សាលបុព្វការីជន ពាក្យគន្លឹះ និងកំណាព្យតាមជំនាន់ផងដែរ ។
- បុព្វការីជនជាទីសក្ការៈ ។ សមាជិកជំនាន់ទីមួយមកពីបក្សសម្ព័ន្ធនេះ ។
- សាលបុព្វការីជន ។ ទីកន្លែងកំណើតរបស់បក្សសម្ព័ន្ធនេះ ។
- កំណាព្យតាមជំនាន់ ។ លំដាប់នៃពាក្យដែលត្រូវបានចេញបង្គាប់សម្រាប់ប្រើក្នុងឈ្មោះបុរសទាំងអស់នៅក្នុងបក្សសម្ព័ន្ធមួយ ដែលបានកើតក្នុងជំនាន់តែមួយ ។ កំណាព្យនេះអាចត្រូវបានប្រើដើម្បីរកមើលថា មនុស្ស ២ នាក់មកពីបក្សសម្ព័ន្ធដូចគ្នាមានទំនាក់ទំនងជិតស្និទ្ធិនឹងគ្នាប៉ុនណាដែរ ។
- ពាក្យគន្លឹះ ។ ពាក្យណាមួយនៅក្នុងកាតាឡុក កម្មវិធីស្រាវជ្រាវក្រុមគ្រួសារ ដែលមាននៅក្នុងកំណត់ចំណាំ ស៊េរី ប្រធានបទ សេចក្តីថ្លែងការណ៍នៃការទទួលខុសត្រូវ អ្នកនិពន្ធ ឬប្រអប់ចំណងជើង ។
តើទីកន្លែងកំណើតរបស់ខ្ញុំដូចគ្នានឹងសាលបុព្វការីជនរបស់ខ្ញុំឬ ?
មិនចាំបាច់ទេ ។ ផ្ទះបុព្វការីជនគឺជាកន្លែងដើមកំណើតនៃបក្សសម្ព័ន្ធរបស់អ្នក ។ អ្នកប្រហែលជាមិនបានកើតនៅកន្លែងនោះទេ ។
តើម្ជុលនៅលើផែនទីតំណាងឲ្យអ្វី ?
នៅពេលអ្នកស្រាវជ្រាវរកចិន ចាយភូ នោះលទ្ធផលស្រាវជ្រាវនឹងបង្ហាញឡើងនៅលើផែនទី ។ ម្ជុលផែនទីតំណាងឲ្យចំនួន ចាយភូ ដែលកម្មវិធីស្រាវជ្រាវក្រុមគ្រួសារមានពីតំបន់នោះក្នុងប្រទេសចិន ។
ហេតុអ្វីបានជាការរុករករូបភាពប្រវត្តិសាស្ត្រគ្មានប្រអប់ឈ្មោះ ?
ចំពោះការរុករករូបភាពប្រវត្តិសាស្ត្រ អ្នកស្រាវជ្រាវរកតាមរយៈរូបភាពឌីជីថល ជាជាងព័ត៌មានដែលបានធ្វើលិបិក្រមរួចហើយ ។ សម្រាប់ព័ត៌មានបន្ថែម សូមមើលអត្ថបទចំណេះដឹង ហេតុអ្វីការរុករករូបភាពប្រវត្តិសាស្ត្រគ្មានប្រអប់ឈ្មោះ ?
តើខ្ញុំអាចទាញយករូបភាព ចាយភូ បានដែរទេ ?
ប្រាកដណាស់ អ្នកអាចទាញយករូបភាព ចាយភូ បាន ។
- សូមស្វែងរករបារឧបករណ៍បញ្ឈរនៅខាងឆ្វេងរូបភាព ហើយចុចលើ
( ឧបករណ៍ ) ។ - ម៉ឺនុយទម្លាក់ចុះនឹងបង្ហាញឡើង ។ សូមចុច
( ទាញយក ) ។
ហេតុអ្វីមានវ៉ុលច្រើនយ៉ាងនេះនៅក្នុង ចាយភូ ?
មាន ចាយភូ ជាច្រើនផ្ទុកប្រវត្តិរបស់គ្រួសារមួយមកពីច្រើនជំនាន់ ដែលសៀវភៅមួយក្បាលមិនអាចដាក់វាអស់ទេ ។
តើខ្ញុំអាចចូលទៅកាន់វ៉ុលផ្សេងនៅក្នុង ចាយភូ តាមអនឡាញដោយរបៀបណា ?
ជម្រើសដើម្បីបង្ហាញវ៉ុលផ្សេងៗនៃ ចាយភូ ស្ថិតនៅផ្នែកខាងស្ដាំដៃនៃអេក្រង់នៅក្នុងសន្លឹកចំហៀង ។
តើខ្ញុំប្រើការស្រាវជ្រាវកម្រិតខ្ពស់ដើម្បីស្វែងរក ចាយភូ ដោយរបៀបណា ?
នៅក្នុងផ្ទាំងខាងស្ដាំដៃនៃអេក្រង់ សូមចុច ការស្រាវជ្រាវកម្រិតខ្ពស់ ដើម្បីស្វែងរកវា ។
ជាមួយនឹងជម្រើសស្រាវជ្រាវកម្រិតខ្ពស់ នោះអ្នកអាចកែលម្អទីកន្លែង និងការស្រាវជ្រាវដោយប្រើបុព្វការីជនជាទីសក្ការៈ សាលបុព្វការីជន ពាក្យគន្លឹះ ឬកំណាព្យតាមជំនាន់បាន ។
ជាមួយនឹងជម្រើសស្រាវជ្រាវកម្រិតខ្ពស់ នោះអ្នកអាចកែលម្អទីកន្លែង និងការស្រាវជ្រាវដោយប្រើបុព្វការីជនជាទីសក្ការៈ សាលបុព្វការីជន ពាក្យគន្លឹះ ឬកំណាព្យតាមជំនាន់បាន ។
តើខ្ញុំប្រើពាក្យគន្លឹះដើម្បីស្វែងរក ចាយភូ របស់ខ្ញុំដោយរបៀបណា ?
- សូមបើកជម្រើសស្រាវជ្រាវកម្រិតខ្ពស់ ។
- សូមទាញផ្ទាំងនោះចុះក្រោមរហូតដល់អ្នកឃើញប្រអប់ពាក្យគន្លឹះទាំងនោះ ។
- សូមបញ្ចូលពាក្យដែលអ្នកអាចរំពឹងថា នឹងរកឃើញនៅលើក្របសៀវភៅដែលមានព័ត៌មានដែលអ្នកត្រូវការ ។
សម្រាប់ព័ត៌មានបន្ថែម សូមមើល គន្លឹះសម្រាប់ការប្រើប្រាស់ប្រអប់ពាក្យគន្លឹះនៅក្នុងការរុករករូបភាពប្រវត្តិសាស្ត្រ ។
តើកម្មវិធីស្រាវជ្រាវក្រុមគ្រួសារមានកំណត់ត្រាពង្សាវលីចិនដែរទេ ?
ប្រាកដណាស់ ។ បន្ថែមលើការចងក្រងដ៏ធំនៃចិន ចាយភូ នោះកម្មវិធីស្រាវជ្រាវក្រុមគ្រួសារមានប្រភេទកំណត់ត្រាពង្សាវលីចិនផ្សេងៗទៀតដូចជា ជីវប្រវត្តិ កំណត់ត្រាទីបញ្ចុះសព កំណត់ត្រាជំរឿន កំណត់ត្រាមរណភាព កំណត់ត្រាតាមកាលកំណត់ ជាដើម ។ អ្នកអាចស្វែងរកកំណត់ត្រាទាំងអស់នេះដោយប្រើមុខងាររុករករូបភាពរបស់យើង ។ ដើម្បីស្វែងរកកំណត់ត្រាទាំងនោះ សូមមើល របៀបស្វែងរកកម្រងកំណត់ត្រាចិនទាំងអស់ មិនមែនត្រឹមតែ ចាយភូ នោះទេ ?
ជំនួយអំពីពង្សាវលីចិន
កម្មវិធីស្រាវជ្រាវក្រុមគ្រួសារ ផ្ដល់នូវធនធានជាភាសាអង់គ្លេសជាច្រើនដើម្បីជួយដល់ពង្សាវលីចិនរបស់អ្នក ។
ស្វែងរកអត្ថបទជាភាសាអង់គ្លេសដែលពន្យល់ពីរបៀបធ្វើការស្រាវជ្រាវពង្សាវលីចិន ។
សួរសំណួរ និងទទួលបានចម្លើយពីអ្នកជំនាញនៅក្នុងក្រុមស្រាវជ្រាវពង្សាវលីចិននៃកម្មវិធីស្រាវជ្រាវក្រុមគ្រួសារ ។
រៀនអំពីរបៀបប្រើសៀវភៅពង្សាវលីចិន ( ចាយភូ ) មកពីអ្នកជំនាញដែលបានបង្រៀននៅ RootsTech ។
តើវាមានប្រយោជន៍ដែរឬទេ ?