នៅក្នុងមែកធាងគ្រួសារ បុគ្គលម្នាក់អាចមានស្វាមី ឬភរិយា ឬគូឪពុកម្តាយច្រើនជាង ១ ។ ក្នុងករណីនេះ អ្នកអាចជ្រើសរើសស្វាមី ឬភរិយា ឬឪពុកម្តាយដែលពេញចិត្ត ដែលអ្នកចង់ឃើញនៅលើទិដ្ឋភាពពង្សាវលីបាន ។
ខាងក្រោមនេះជាផលប៉ះពាល់នៃការកំណត់ស្វាមី ឬភរិយា ឬឪពុកម្តាយដែលពេញចិត្ត ៖
- អ្នកមើលឃើញស្វាមីភរិយា និងឪពុកម្តាយទាំងអស់នៅលើទំព័ររបស់បុគ្គលនោះ ។
- អ្នកមើលឃើញតែស្វាមី ឬភរិយា និងឪពុកម្តាយដែលពេញចិត្តនៅក្នុងទិដ្ឋភាពពង្សាវលី និងនៅលើកំណត់ត្រាក្រុមគ្រួសារដែលបានបោះពុម្ពប៉ុណ្ណោះ ។ មានតែកូនចៅ និងបុព្វការីជនរបស់ស្វាមី ឬភរិយា ឬឪពុកម្តាយដែលពេញចិត្តប៉ុណ្ណោះដែលបង្ហាញឡើង ។
- មានតែអ្នកទេ ដែលឃើញការផ្លាស់ប្តូររបស់អ្នកចំពោះស្វាមី ឬភរិយា ឬឪពុកម្តាយដែលពេញចិត្តនោះ ។ អ្នកប្រើប្រាស់ផ្សេងទៀតអាចជ្រើសរើសដោយខ្លួនឯងបាន ។
- ស្វាមី ឬភរិយា ឬឪពុកម្តាយដែលអ្នកពេញចិត្តនៅតែបង្ហាញដូច្នេះរហូតដល់អ្នកផ្លាស់ប្តូរវា ។
- ការកំណត់ស្វាមី ឬភរិយា ឬឪពុកម្តាយដែលពេញចិត្តមានផលប៉ះពាល់លើរបៀបដំណើរការរបស់ តំណភ្ជាប់ប្រភពដើម ។ តំណភ្ជាប់ប្រភពដើម ដាក់តម្រៀបតែស្វាមី ឬភរិយា និងកូនៗរបស់ស្វាមីភរិយាដែលពេញចិត្តនោះប៉ុណ្ណោះ ។
- ទំព័ររបស់បុគ្គលបង្ហាញពីគូស្វាមីភរិយាតាមកាលបរិច្ឆេទអាពាហ៍ពិពាហ៍ ។ ការកំណត់ឪពុកម្តាយដែលពេញចិត្តមិនមានផលប៉ះពាល់ដល់លំដាប់លេខរៀង ដែលឪពុកម្តាយនោះត្រូវបានបង្ហាញនៅលើទំព័របុគ្គលរបស់កូនទេ ។
ជំហាន ( គេហទំព័រ )
ទិដ្ឋភាពផ្ដេក
- នៅម៉ឺនុយខាងលើ សូមចុចលើ មែកធាងគ្រួសារ ហើយបន្ទាប់មក សូមចុចលើ មែកធាង ។
- នៅកែងស្ដាំខាងលើនៃអេក្រង់ សូមចុចលើទិដ្ឋភាពពង្សាវលី ហើយបន្ទាប់មកជ្រើសរើស ផ្ដេក ។
- សូមស្វែងរកបុគ្គលដែលមានស្វាមីភរិយា ឬឪពុកម្ដាយច្រើន ។
- ប្រសិនបើអ្នកកំពុងជ្រើសរើសស្វាមី ឬភរិយាដែលពេញចិត្ត សូមផ្លាស់ទីស្វាមី ឬភរិយានោះទៅទីតាំងសំខាន់ ។
- ប្រសិនបើអ្នកកំពុងជ្រើសរើសឪពុក ឬម្តាយដែលពេញចិត្ត សូមផ្លាស់ទីកូននោះទៅទីតាំងសំខាន់ ។
- ដើម្បីបង្ហាញស្វាមីភរិយា ឬឪពុកម្ដាយផ្សេងទៀត សូមចុចលើប៊ូតុង ព្រួញចុះក្រោម ។
- ដើម្បីជ្រើសរើសស្វាមីភរិយាដែលពេញចិត្ត សូមប្រើ ព្រួញ ដែលនៅក្បែរឈ្មោះស្វាមី ឬភរិយានោះ ។
- ប្រសិនបើអ្នកកំពុងជ្រើសរើសឪពុកម្តាយដែលពេញចិត្ត នោះ ព្រួញ មានទីតាំងនៅខាងឆ្វេងប្រអប់បង្ហាញពីឪពុកម្តាយនោះ ។
- សូមចុចស្វាមី ឬភរិយា ឬឪពុកម្តាយដែលពេញចិត្ត ។
ទំព័របុគ្គល
- នៅម៉ឺនុយខាងលើ សូមចុចលើ មែកធាងគ្រួសារ ហើយបន្ទាប់មក សូមចុចលើ មែកធាង ។
- សូមស្វែងរកបុគ្គលដែលមានស្វាមីភរិយា ឬឪពុកម្ដាយច្រើន ។
- សូមចុចលើឈ្មោះរបស់បុគ្គលនោះ ។ នៅក្នុងព័ត៌មានលម្អិតដែលលេចឡើង សូមចុចលើឈ្មោះរបស់បុគ្គលនោះម្ដងទៀត ។
- សូមចុចលើ ផ្ទាំង ព័ត៌មានលម្អិត ។
- សូមអូសទៅខាងក្រោមនៃផ្នែក សមាជិកគ្រួសារ ។
- សូមចុច កំណត់ថាពេញចិត្ត ។
- នៅក្នុងប្រអប់លេចឡើង សូមចុចលើផ្ទាំង ស្វាមី ឬភរិយាដែលពេញចិត្ត ឬ ឪពុកម្ដាយដែលពេញចិត្ត ។
- សូមចុចលើស្វាមីភរិយា ឬឪពុកម្តាយដែលពេញចិត្ត ។
- សូមចុចលើ រក្សាទុក ។
ជំហាន ( កម្មវិធីឧបករណ៍ចល័ត )
- នៅក្នុងកម្មវិធីមែកធាងគ្រួសារ សូមស្វែងរក ហើយចុចលើឈ្មោះបុគ្គលដែលកំពុងបង្ហាញពីស្វាមី ឬភរិយា ឬឪពុក ឬម្តាយដែលមិនពេញចិត្ត ។
- នៅក្នុងរបាខាងក្រោមឈ្មោះ សូមចុចលើ ស្វាមីភរិយា ឬ ឪពុកម្តាយ ។
- នៅខាងស្តាំស្វាមី ឬភរិយា ឬឪពុក ឬម្ដាយដែលពេញចិត្ត សូមចុច ព្រួញពណ៌ប្រផេះតូច ។
- នៅជាប់នឹងស្វាមី ឬភរិយា ឬឪពុក ឬម្តាយដែលពេញចិត្ត សូមចុចលើ រង្វង់ ។
- នៅពេលអ្នកត្រឡប់ទៅមែកធាងវិញ នោះស្វាមី ឬភរិយា ឬឪពុក ឬម្ដាយដែលអ្នកពេញចិត្ត នឹងបង្ហាញឡើងហើយឥឡូវនេះ ។
ជំហាន ( មែកធាងគ្រួសារមិនពេញលេញ )
មែកធាងគ្រួសារមិនពេញលេញ មិនអាចអនុញ្ញាតឲ្យអ្នកជ្រើសរើសស្វាមីភរិយា ឬឪពុកម្ដាយដែលអ្នកពេញចិត្តទេ ។
អត្ថបទដែលទាក់ទង
តើការបង្ហាញទិដ្ឋភាពផ្ដេកមានប្រយោជន៍អ្វីខ្លះនៅក្នុងមែកធាងគ្រួសារ ?