ស្ថានភាព និងរូបតំណាងនៃពិធីបរិសុទ្ធ • FamilySearch

នៅក្នុងមែកធាងគ្រួសារ រូបតំណាងខុសគ្នាតំណាងឲ្យស្ថានភាពនៃពិធីបរិសុទ្ធក្នុងព្រះវិហារបរិសុទ្ធរបស់បុគ្គលម្នាក់ ។

រូបតំណាង	អត្ថន័យ
	ពិធីបរិសុទ្ធអាចត្រូវបានចែកចាយជាមួយព្រះវិហារបរិសុទ្ធ ឬជាមួយចង្កោមគ្រួសារមួយ ដែលមានអ្នកជាសមាជិក ។ អ្នកអាចបម្រុងពិធីបរិសុទ្ធទាំងនេះទុកបាន រួចហើយអ្នកមានរយៈពេល ១២០ ថ្ងៃដើម្បីបញ្ចប់ពិធីបរិសុទ្ធទាំងនេះ ។
	បុគ្គលនេះជាប់សាច់ញាតិជាមួយអ្នក ហើយមានពិធីបរិសុទ្ធមួយដើម្បីស្នើសុំបាន ។ អ្នកមានពេល ២ ឆ្នាំដើម្បីបញ្ចប់ពិធីបរិសុទ្ធទាំងឡាយ ។ ប្រសិនបើបុគ្គលនេះបានកើតនៅអំឡុង ១១០ ឆ្នាំចុងក្រោយ នោះអ្នកត្រូវតែសុំការអនុញ្ញាតពីសាច់ញាតិជិតដិតដែលនៅរស់ពីមុនពេលអាចធ្វើពិធីបរិសុទ្ធនេះបាន ។ សូមគិតដល់អារម្មណ៍របស់អ្នកផ្សេង ។ តើមានបុគ្គលណាម្នាក់ទៀត ដែលមានទំនាក់ទំនងជិតដិតជាងអ្នក ដែលអាចធ្វើកិច្ចការដូចគ្នានេះបានដែរឬទេ ? ប្រហែលជាអ្នកអាចអញ្ជើញពួកគេឲ្យចូលរួម ។
	ពិធីបរិសុទ្ធនេះត្រូវបានបម្រុងទុករួចហើយ ។ រូបតំណាងនេះមានបន្ដដោយស្លាកខ្លីមួយដែលមានព័ត៌មានបន្ថែម ៖ មិនបានបោះពុម្ព ។ ត្រូវបានបម្រុងទុកហើយ ប៉ុន្ដែកាតឈ្មោះគ្រួសារមិនទាន់បានបោះពុម្ពនៅឡើយទេ ។ អ្នកអាចទាក់ទងបុគ្គលដែលបានស្នើសុំពិធីបរិសុទ្ធនោះ ហើយសូមឲ្យគាត់ចែកចាយវាជាមួយអ្នក ។ បានបោះពុម្ព ។ កាតឈ្មោះគ្រួសារមួយត្រូវបានបោះពុម្ពរួចហើយសម្រាប់ពិធីបរិសុទ្ធជាក់លាក់នេះ ។ ប្រសិនបើអ្នកសម្រេចចិត្តចែកចាយពិធីបរិសុទ្ធនេះ សូមបំផ្លាញប័ណ្ណឈ្មោះគ្រួសារ ។ ការបំផ្លាញប័ណ្ណការពារមិនឲ្យធ្វើពិធីបរិសុទ្ធដដែលៗ ។ បានចែកចាយ ។ អ្នកបានបម្រុងពិធីបរិសុទ្ធនេះទុក ប៉ុន្ដែក្រោយមកបានចែកចាយវាជាមួយនឹងនរណាម្នាក់ផ្សេងទៀត ឬប្រហែលជាមួយព្រះវិហារបរិសុទ្ធ ។ អ្នកអាចឈប់ចែកចាយពិធីបរិសុទ្ធនេះ លុះត្រាតែព្រះវិហារបរិសុទ្ធបានបោះពុម្ពប័ណ្ណឈ្មោះ ឬនរណាម្នាក់ផ្សេងទៀតបានបម្រុងពិធីបរិសុទ្ធនេះទុកតែប៉ុណ្ណោះ ។ កំពុងរង់ចាំ ។ ធ្វើពិធីបរិសុទ្ធក្នុងព្រះវិហារបរិសុទ្ធទៅតាមលំដាប់លំដោយត្រឹមត្រូវ ។ កំពុងដំណើរការ មានន័យថា ពិធីបរិសុទ្ធព្រះវិហារបរិសុទ្ធផ្សេងទៀតត្រូវតែត្រូវបានធ្វើរួចរាល់ មុនពេលអ្នកអាចធ្វើពិធីបរិសុទ្ធដែលអ្នកចង់ធ្វើ ។
	មិនមានពិធីបរិសុទ្ធទេ ។ ក្រៅពីរូបតំណាង សូមរកមើលស្លាកខ្លីមួយដែលពន្យល់ ៖ ត្រូវការព័ត៌មានបន្ថែម ។ បាត់ព័ត៌មានអ្វីមួយ ។ ព័ត៌មានចាំបាច់ត្រូវបន្ថែម ឬកែតម្រូវនៅលើកំណត់ត្រារបស់បុគ្គលនេះ ពីមុនអាចធ្វើពិធីបរិសុទ្ធបាន ។ ពុំទាន់រួចរាល់ ។ បុគ្គលដែលស្នើនេះស្លាប់មិនទាន់បាន ៣០ ថ្ងៃនៅឡើយទេ។ ពិធីបរិសុទ្ធក្នុងព្រះវិហារបរិសុទ្ធមិនទាន់អាចធ្វើបាននៅឡើយទេ ។
	ពិធីបរិសុទ្ធបានបញ្ចប់រួចរាល់ហើយ ឬមិនចាំបាច់ឡើយ ។
	ស្ថានភាពពិធីបរិសុទ្ធរបស់បុគ្គលនោះមិនមានទេ ឬអ្នកមិនជាប់សាច់ញាតិជាមួយបុគ្គលនោះទេ ។ ក្នុងករណីខ្លះ បុព្វការីជនបានរស់នៅពីមុន គ.ស. ឆ្នាំ២០០ ។ ឬគោលនយោបាយឯកជនភាពកម្មវិធីស្រាវជ្រាវក្រុមគ្រួសារបច្ចុប្បន្នរារាំងយើងមិនឲ្យបង្ហាញព័ត៌មាននេះទេ ។ សម្រាប់ការផ្សាភ្ជាប់ក្នុងព្រះវិហារបរិសុទ្ធ ប្រហែលជាបុព្វការីជនដែលខ្វះស្វាមី ឬភរិយា ឬឪពុក ឬម្តាយដែលបានរាយនៅក្នុងមែកធាងគ្រួសារ ឬស្វាមី ឬភរិយាគឺនៅរស់ ។