ការប្រើប្រាស់ទម្រង់បទដ្ឋានសម្រាប់កាលបរិច្ឆេទ និងទីកន្លែងនៅក្នុងមែកធាងគ្រួសារ ធ្វើឲ្យភាពត្រឹមត្រូវ និងលទ្ធភាពក្នុងការស្វែងរកព័ត៌មានដែលអ្នកវាយបញ្ចូលបានប្រសើរឡើង ។
មុនពេលអ្នកចាប់ផ្ដើម
- ទីកន្លែងជាច្រើនមាន ឬធ្លាប់មានឈ្មោះដូចគ្នា ឬស្រដៀងគ្នា ។ មនុស្សសរសេរកាលបរិច្ឆេទតាមរបៀបជាច្រើន ។ មែកធាងគ្រួសារជួយអ្នកធ្វើឲ្យកាលបរិច្ឆេទ និងទីកន្លែងមានជាបទដ្ឋាន ពេលអ្នកវាយបញ្ចូលវា ។
- បទដ្ឋានធ្វើឲ្យភាពត្រឹមត្រូវ និងភាពច្បាស់លាស់ប្រសើរឡើង សម្រាប់អ្នកផ្សេងទៀតដែលមើលព័ត៌មានដែលអ្នកបញ្ចូល ។ បទដ្ឋាននានាក៏ធ្វើឲ្យភាពត្រឹមត្រូវនៃការស្រាវជ្រាវ តម្រុយកំណត់ត្រា និងមុខងារស្ទួនរបស់មែកធាងគ្រួសារបានប្រសើរឡើងផងដែរ ។
- ពេលដែលកាលបរិច្ឆេទ ឬទីកន្លែងមួយពុំមានបទដ្ឋាន នោះមែកធាងគ្រួសារកំណត់វាថាជាបញ្ហាទិន្នន័យមួយ ហើយបង្ហាញឧទានសញ្ញាពណ៌ក្រហមមួយនៅក្បែរវា ។ ដើម្បីដោះស្រាយបញ្ហានេះ សូមកែកាលបរិច្ឆេទ និងទីកន្លែង ហើយជ្រើសរើសបទដ្ឋានមួយ ។
ជំហាន ( គេហទំព័រ )
- នៅក្នុងប្រអប់កាលបរិច្ឆេទ ឬទីកន្លែងនៅក្នុងមែកធាងគ្រួសារ សូមចាប់ផ្ដើមវាយបញ្ចូលកាលបរិច្ឆេទ ឬទីកន្លែង ។
- គន្លឹះសម្រាប់កាលបរិច្ឆេទ ៖
- ថ្ងៃទី ២៩ ខែ កុម្ភៈ ធ្វើឲ្យមានបទដ្ឋានសម្រាប់តែឆ្នាំដែលមាន ៣៦៦ ថ្ងៃប៉ុណ្ណោះ ។
- សូមប្រើ មុន គ.ស. ឬ ម.ស.ធ. ។សម្រាប់ « មុនគ្រិស្ដសករាជ » ឬ « មុនយុគសម័យធម្មតា » ។ បទដ្ឋានបង្ហាញជា មុន គ.ស. ។
- មែកធាងគ្រួសារធ្វើបទដ្ឋាន ដោយប្រើប្រាស់ប្រតិទិនហ្គ្រេហ្គោរៀន ។ ដើម្បីបញ្ចូលកាលបរិច្ឆេទមួយពីប្រតិទិនផ្សេងទៀត សូមបញ្ចូលកាលបរិច្ឆេទនោះ វាយបញ្ចូលចន្លោះមួយ ហើយបន្ទាប់មកវាយបញ្ចូលកំណែហ្គ្រេហ្គោរៀនរបស់កាលបរិច្ឆេទនោះ ។
- ពេលបញ្ចូលកាលបរិច្ឆេទ វាអាចនឹងមានជម្រើស ២ បង្ហាញឡើង ( ឧទាហរណ៍ ៥ វិច្ឆិកា ១៩១១ ឬ ថ្ងៃទី ៥ ខែ វិច្ឆិកា ឆ្នាំ ១៩១១ ) ។ សូមជ្រើសរើសកាលបរិច្ឆេទដែលមានសញ្ញាប្រតិទិនមួយនៅក្បែរវា ( ជាធម្មតាជម្រើសទីពីរគឺ ថ្ងៃទី ៥ ខែ វិច្ឆិកា ឆ្នាំ ១៩១១ ) ។ កាលបរិច្ឆេទត្រឹមត្រូវនឹងការពារពីកំហុសទិន្នន័យ ដែលទាក់ទងនឹងទម្រង់កាលបរិច្ឆេទ ។
- គន្លឹះសម្រាប់ទីកន្លែង ៖
- មូលដ្ឋានទិន្នន័យនៃទីកន្លែងបទដ្ឋានពុំទាន់ពេញលេញនៅឡើយទេ ។ បទដ្ឋាននឹងប្រសើរឡើងនៅពេលខាងមុខ ។
- ប្រសិនបើអាច សូមបញ្ចូលឈ្មោះទីកន្លែងដូចដែលវាមាន នៅពេលព្រឹត្តិការណ៍នោះបានកើតឡើង ។
- អ្នកមានជម្រើសដើម្បីបញ្ចូលទីកន្លែងជាភាសាកំណើតរបស់អ្នក ឬភាសាដើមនៃទីកន្លែងនោះ ។
- ប្រសិនបើបទដ្ឋានត្រឹមត្រូវពុំមានទេ សូមវាយបញ្ចូលទីកន្លែងដូចដែលអ្នកចង់កត់ត្រាវា វាយបញ្ចូលចន្លោះមួយ ហើយបន្ទាប់មកវាយបញ្ចូលកំណែមួយរបស់ឈ្មោះទីកន្លែងដែលអាចធ្វើឲ្យមានជាបទដ្ឋាន ។ ឈ្មោះទីកន្លែងនេះអាចជាឈ្មោះទីកន្លែងនៅសម័យទំនើប ឬឈ្មោះរបស់ខោនធី រដ្ឋ ខេត្ត ឬប្រទេសមួយដែលមាននាពេលបច្ចុប្បន្ននេះ ។
- គន្លឹះសម្រាប់កាលបរិច្ឆេទ ៖
- ពេលអ្នកវាយបញ្ចូល នោះប្រព័ន្ធនឹងបង្ហាញពីបទដ្ឋានដែលមាន ។ សូមចុចលើបទដ្ឋានដែលត្រឹមត្រូវ ។
- ដើម្បីជ្រើសរើសគ្មានបទដ្ឋាន សូមចុចកូនកណ្ដុរនៅកន្លែងផ្សេងទៀតនៅលើអេក្រង់ ។
- ដើម្បីរក្សាអ្វីដែលអ្នកបានវាយបញ្ចូល សូមចុចជម្រើសទីមួយនៅលើបញ្ជីបទដ្ឋាន ។ មែកធាងគ្រួសារជ្រើសរើសបទដ្ឋានមួយបើវាអាច ។
- ដើម្បីផ្លាស់ប្ដូរបទដ្ឋាន គ្រាន់តែចុចលើប្រអប់នោះ ហើយជ្រើសរើសបទដ្ឋានមួយដែលអ្នកចង់បាន ។ ប្រសិនបើមិនមានបទដ្ឋានត្រឹមត្រូវទេ សូមវាយបញ្ចូលកាលបរិច្ឆេទ ឬទីកន្លែងនោះម្ដងទៀត ។
- ប្រព័ន្ធនឹងទំនងជាជម្រុញអ្នកឲ្យធ្វើបច្ចុប្បន្នភាពលើមូលហេតុដែលថា ព័ត៌មាននេះត្រឹមត្រូវ ។ សូមធ្វើបែបនេះ រួចហើយចុច រក្សាទុក ។
ជំហាន ( កម្មវិធីឧបករណ៍ចល័ត )
- នៅក្នុងប្រអប់កាលបរិច្ឆេទ ឬទីកន្លែងនៅក្នុងកម្មវិធីឧបករណ៍ចល័តមែកធាងគ្រួសារ សូមចាប់ផ្ដើមវាយបញ្ចូលកាលបរិច្ឆេទ ឬទីកន្លែង ។
- គន្លឹះសម្រាប់កាលបរិច្ឆេទ ៖
- ថ្ងៃទី ២៩ ខែ កុម្ភៈ ធ្វើឲ្យមានបទដ្ឋានសម្រាប់តែឆ្នាំដែលមាន ៣៦៦ ថ្ងៃប៉ុណ្ណោះ ។
- សូមប្រើ មុន គ.ស. ឬ ម.ស.ធ. ។សម្រាប់ « មុនគ្រិស្ដសករាជ » ឬ « មុនយុគសម័យធម្មតា » ។ បទដ្ឋានបង្ហាញជា មុន គ.ស. ។
- មែកធាងគ្រួសារធ្វើបទដ្ឋាន ដោយប្រើប្រាស់ប្រតិទិនហ្គ្រេហ្គោរៀន ។ ដើម្បីបញ្ចូលកាលបរិច្ឆេទមួយពីប្រតិទិនផ្សេងទៀត សូមបញ្ចូលកាលបរិច្ឆេទនោះ វាយបញ្ចូលចន្លោះមួយ ហើយបន្ទាប់មកវាយបញ្ចូលកំណែហ្គ្រេហ្គោរៀនរបស់កាលបរិច្ឆេទនោះ ។
- ពេលបញ្ចូលកាលបរិច្ឆេទ វាអាចនឹងមានជម្រើស ២ បង្ហាញឡើង ( ឧទាហរណ៍ ៥ វិច្ឆិកា ១៩១១ ឬ ថ្ងៃទី ៥ ខែ វិច្ឆិកា ឆ្នាំ ១៩១១ ) ។ សូមជ្រើសរើសកាលបរិច្ឆេទដែលមានសញ្ញាប្រតិទិនមួយនៅក្បែរវា ( ជាធម្មតាជម្រើសទីពីរគឺ ថ្ងៃទី ៥ ខែ វិច្ឆិកា ឆ្នាំ ១៩១១ ) ។ ការធ្វើរបៀបនេះនឹងការពារកុំឲ្យមានកំហុសទិន្នន័យ ដែលទាក់ទងនឹងទម្រង់កាលបរិច្ឆេទ ។
- គន្លឹះសម្រាប់ទីកន្លែង ៖
- មូលដ្ឋានទិន្នន័យនៃទីកន្លែងបទដ្ឋានពុំទាន់ពេញលេញនៅឡើយទេ ។ បទដ្ឋាននឹងប្រសើរឡើងនៅពេលខាងមុខ ។
- ប្រសិនបើអាច សូមបញ្ចូលឈ្មោះរបស់ទីកន្លែងដូចដែលវាមាននៅពេលព្រឹត្តិការណ៍នោះបានកើតឡើង ។
- អ្នកមានជម្រើសដើម្បីបញ្ចូលទីកន្លែងជាភាសាកំណើតរបស់អ្នក ឬភាសាដើមនៃទីកន្លែងនោះ ។
- ប្រសិនបើបទដ្ឋានត្រឹមត្រូវពុំមានទេ សូមវាយបញ្ចូលទីកន្លែងដូចដែលអ្នកចង់កត់ត្រាវា វាយបញ្ចូលចន្លោះមួយ ហើយបន្ទាប់មកវាយបញ្ចូលកំណែមួយរបស់ឈ្មោះទីកន្លែងដែលអាចធ្វើឲ្យមានជាបទដ្ឋាន ។ នេះអាចជាឈ្មោះទីកន្លែងនៅសម័យទំនើប ឬឈ្មោះរបស់ខោនធី រដ្ឋ ខេត្ត ឬប្រទេសមួយដែលមាននាពេលបច្ចុប្បន្ននេះ ។
- គន្លឹះសម្រាប់កាលបរិច្ឆេទ ៖
- ពេលអ្នកវាយបញ្ចូលឈ្មោះ ឬកាលបរិច្ឆេទ នោះប្រព័ន្ធនឹងបង្ហាញពីបទដ្ឋានដែលមាន ។
- សូមចុចលើបទដ្ឋានដែលត្រឹមត្រូវ ។ អ្នកអាចនឹងត្រូវអូសមើលបញ្ជីបទដ្ឋានទីកន្លែង ដើម្បីស្វែងរកបទដ្ឋានមួយដែលត្រឹមត្រូវ ។
- ប្រសិនបើពុំមានបទដ្ឋានដែលអាចអនុវត្តបានទេ សូមទៅកាន់ផ្នែកខាងក្រោមនៃបញ្ជីបទដ្ឋាន ហើយសូមចុចលើ មិនមាននៅខាងលើនេះ ។
- ដើម្បីរក្សាអ្វីដែលអ្នកបានវាយបញ្ចូល ហើយឲ្យប្រព័ន្ធជ្រើសរើសបទដ្ឋានដែលអាចអនុវត្តបានមួយ សូមចុចកន្លែងផ្សេងខុសពីបញ្ជីបទដ្ឋាន ។
- ដើម្បីផ្លាស់ប្ដូរបទដ្ឋាន អ្នកត្រូវវាយបញ្ចូលកាលបរិច្ឆេទ ឬទីកន្លែងនោះម្ដងទៀត ។ មិនដូចជាគេហទំព័រទេ កម្មវិធីឧបករណ៍ចល័តពុំអនុញ្ញាតឲ្យអ្នកផ្លាស់ប្ដូរបទដ្ឋានមួយ ដោយពុំវាយបញ្ចូលព័ត៌មានម្ដងទៀតឡើយ ។
ជំហាន ( មែកធាងគ្រួសារមិនពេញលេញ )
មែកធាងគ្រួសារមិនពេញលេញ ធ្វើឲ្យកាលបរិច្ឆេទ និងទីកន្លែងមានជាបទដ្ឋានដោយស្វ័យប្រវត្តិ ពេលអ្នកបន្ថែម ឬកែសម្រួលវា ។ អ្នកពុំអាចជ្រើសរើសបទដ្ឋានមួយទេ ។
អត្ថបទដែលទាក់ទង
ខ្ញុំពុំដឹងពីកាលបរិច្ឆេទជាក់លាក់ដើម្បីបញ្ចូលទៅក្នុងមែកធាងគ្រួសារទេ
តើខ្ញុំដោះស្រាយបញ្ហាទិន្នន័យនៅក្នុងមែកធាងគ្រួសារដោយរបៀបណា ?
ផ្លូវកាត់សម្រាប់ការវាយបញ្ចូលកាលបរិច្ឆេទទៅក្នុងមែកធាងគ្រួសារ