បញ្ជីឈ្មោះគ្រួសារក្នុងព្រះវិហារបរិសុទ្ធរបស់អ្នកមានចំនួនកំណត់នៃការបម្រុងទុករហូតដល់ទៅ ៣០០ ឈ្មោះនៃជួរដេក ។ ឈ្មោះមួយរួមមាននូវឈ្មោះរបស់បុព្វការីជនម្នាក់ និងពិធីបរិសុទ្ធដែលអ្នកបានបម្រុងទុក ។
នៅពេលបញ្ជីរបស់អ្នកឈានដល់ចំនួនកំណត់ នោះអ្នកនឹងមិនអាចបម្រុងទុកពិធីបរិសុទ្ធបន្ថែមទៀតបានទេ លុះត្រាតែចំនួននៅក្នុងបញ្ជីនេះធ្លាក់មកនៅក្រោមចំនួនកំណត់ជាមុនសិន ។
ចំនួនកំណត់សម្រាប់ការបម្រុងទុកត្រូវបានអនុវត្តជាលើកដំបូងនៅឆ្នាំ ២០២១ ។ សំណួរ និងចម្លើយខាងក្រោមនេះពន្យល់ពីចំនួនកំណត់ឲ្យកាន់តែលម្អិតបន្ថែមទៀត ។
សំណួរដែលសួរជាញឹកញាប់
ហេតុអ្វីបានជាមានការកំណត់ចំនួនចំពោះការបម្រុងទុកយ៉ាងដូច្នេះ ?
នៅក្នុងលិខិតមួយដែលបានចុះនៅថ្ងៃទី៨ ខែតុលា ឆ្នាំ២០១២ គណៈប្រធានទីមួយបានលើកទឹកចិត្តដល់សមាជិកដែលបានបម្រុងទុកឈ្មោះគ្រួសារច្រើនឲ្យ « បញ្ចេញឈ្មោះទាំងនេះឲ្យបានទាន់ពេលវេលា ដើម្បីឲ្យពិធីបរិសុទ្ធដែលចាំបាច់អាចធ្វើឡើងបាន » ។ សមាជិកគ្រួសារដែលបានស្លាប់របស់យើងជាច្រើននាក់កំពុងរង់ចាំឱកាសដើម្បីទទួលបានពរជ័យនៃពិធីបរិសុទ្ធជំនួសទាំងនេះ ។ មានសមាជិកជាច្រើនកំពុងបម្រើនៅក្នុងព្រះវិហារបរិសុទ្ធនៅជុំវិញពិភពលោក ដើម្បីជួយដល់កិច្ចការនេះ ។
ចំនួនកំណត់ថ្មីសម្រាប់ការបម្រុងទុកចំនួន ៣០០ នេះធ្វើឲ្យអ្នកអាចគ្រប់គ្រងបញ្ជីបម្រុងទុករបស់អ្នកបានកាន់តែងាយស្រួល ។ ការផ្លាស់ប្តូរនេះអនុញ្ញាតឲ្យសមាជិកសាសនាចក្រកាន់តែងាយរកឃើញឱកាសដើម្បីបម្រើក្នុងព្រះវិហារបរិសុទ្ធ ។ បន្ថែមពីលើនេះ ការណ៍នេះនឹងជួយដល់បុព្វការីជនឲ្យទទួលពិធីបរិសុទ្ធបានកាន់តែទាន់ពេលវេលា ។
ប្រធាន រ័សុល អិម ណិលសុន និងព្យាការីសម័យទំនើបផ្សេងទៀតបាន សង្កត់ធ្ងន់ទៅលើសារៈសំខាន់នៃការពន្លឿន កិច្ចការរបស់ព្រះអម្ចាស់ដើម្បីប្រមូលសាសន៍អ៊ីស្រាអែល ។ យើងមាន កាតព្វកិច្ចដ៏ពិសិដ្ឋ ក្នុងការធ្វើពិធីបរិសុទ្ធជំនួសឲ្យបុព្វការីជនរបស់យើងផ្ទាល់ ។ ក្នុងនាមជាសាសនាចក្រទូទាំងពិភពលោក និងជាសមាជិកនៃគ្រួសារមនុស្សជាតិដ៏ធំមួយ យើងអាចជួយគ្នាទៅវិញទៅមកដើម្បីបំពេញកាតព្វកិច្ចដ៏ពិសិដ្ឋនេះបាន ។
ទាំងនេះគឺជាជំហានដែលអ្នកអាចអនុវត្តបាន ប្រសិនបើអ្នកមានឱកាសធ្វើកិច្ចការព្រះវិហារបរិសុទ្ធច្រើនពេកដែលត្រូវបញ្ចប់ក្នុងពេលឆាប់ៗនេះ ៖
- សូមចែកចាយឈ្មោះគ្រួសារជាមួយនឹងសមាជិកគ្រួសារ មិត្តភក្តិ ឬចង្កោមគ្រួសារ
- សូមចែកចាយការបម្រុងទុកនានាជាមួយនឹងព្រះវិហារបរិសុទ្ធ ។ អ្នកផ្សេងទៀតអាចស្វែងរកឈ្មោះចេញពី ពិធីបរិសុទ្ធត្រៀមរួច និងមែកធាងគ្រួសារ បាន ។
- ឈប់បម្រុងទុកឈ្មោះមួយចំនួន
អ្នកមិនអាចចែកចាយពិធីបរិសុទ្ធដែលអ្នកបានបម្រុងទុកមកពីបញ្ជីសារពើភ័ណ្ឌនៃព្រះវិហារបរិសុទ្ធដែលបានចែកចាយនោះទេ ។ នៅពេលដែលអ្នកព្យាយាមចែកចាយ នោះអ្នកនឹងឃើញសារមួយប្រាប់ ៖ « ពិធីបរិសុទ្ធដែលបានចែកចាយជាមួយនឹងព្រះវិហារបរិសុទ្ធពីមុនមក មិនអាចចែកចាយម្ដងទៀតបានទេ » ។ អ្នកអាចឈប់បម្រុងទុកពិធីបរិសុទ្ធទាំងនេះបាន ។ នៅពេលអ្នកឈប់បម្រុងទុកឈ្មោះទាំងនេះ វានឹងត្រឡប់ទៅក្នុងបញ្ជីចែកចាយរបស់បុគ្គលដើមដែលបានចែកចាយវាជាមួយនឹងព្រះវិហារបរិសុទ្ធនោះវិញ ។
នៅពេលបញ្ជីបម្រុងទុករបស់អ្នកមិនទាន់ដល់ចំនួនកំណត់ នោះអ្នកអាចឈប់ចែកចាយការបម្រុងទុក ដែលអ្នកបានចែកចាយពីមុនមកបាន ។
អ្នកមិនអាចឈប់ចែកចាយពិធីបរិសុទ្ធនៅក្នុងករណីទាំងនេះបានទេ ៖
- ពិធីបរិសុទ្ធទាំងឡាយបានធ្វើរួចរាល់អស់ហើយ
- ព្រះវិហារបរិសុទ្ធបានបោះពុម្ពកាតរួចហើយ
- នរណាម្នាក់ផ្សេងទៀតបានបម្រុងពិធីបរិសុទ្ធទុកសម្រាប់រយៈពេល ១២០ ថ្ងៃ
តើអ្វីខ្លះទៅដែលរាប់បញ្ចូលទៅក្នុងចំនួនកំណត់សម្រាប់ការបម្រុងទុក ?
នៅក្នុងជួរដេកនីមួយៗនៅក្នុងបញ្ជីបម្រុងទុករបស់អ្នករាប់តែម្ដងប៉ុណ្ណោះ ទោះបីជាជួរនោះតំណាងឲ្យពិធីបរិសុទ្ធជាច្រើនក៏ដោយ ។ ដើម្បីមើលតួលេខរបស់អ្នក សូមមើលរបារចំហៀងនៅខាងឆ្វេងដៃ ។ តួលេខបន្ទាប់ពី « ការបម្រុងទុករបស់ខ្ញុំ » គឺជាចំនួនសរុបរបស់អ្នក ។
ពិធីបុណ្យជ្រមុជទឹក ពិធីបញ្ជាក់ ពិធីលាងជម្រះ អំណោយទានពិសិដ្ឋ និងការផ្សារភ្ជាប់ទៅនឹងឪពុកម្ដាយសម្រាប់បុគ្គលម្នាក់ ត្រូវដាក់បង្ហាញនៅលើជួរដេកមួយ ហើយរាប់ថាជាការបម្រុងទុកមួយ ។ ពិធីបរិសុទ្ធនៃការផ្សារភ្ជាប់ទៅនឹងស្វាមី ឬភរិយាបង្ហាញនៅក្នុងជួរដេកនៃការបម្រុងទុក ហើយរាប់ថាជាការបម្រុងទុកផ្សេងគ្នា ។
តើនឹងមានអ្វីកើតឡើង ប្រសិនបើបញ្ជីបម្រុងទុករបស់ខ្ញុំហួសចំនួនកំណត់ហើយនោះ ?
ប្រសិនបើបញ្ជីរបស់អ្នកមានចំនួនច្រើនជាងចំនួនបម្រុងទុកដែលបានអនុញ្ញាតរួចទៅហើយ ពិធីបរិសុទ្ធទាំងនោះនឹងបន្តនៅក្នុងបញ្ជីរបស់អ្នករហូតដល់ផុតកំណត់កាលបរិច្ឆេទរបស់ពិធីបរិសុទ្ធទាំងនោះ ។ នៅពេលការបម្រុងទុកទាំងឡាយផុតកំណត់ នោះពិធីបរិសុទ្ធទាំងនេះនឹងចែកចាយជាមួយនឹងព្រះវិហារបរិសុទ្ធ ។ សាច់ញាតិអាចស្វែងរក និងបម្រុងទុកពិធីបរិសុទ្ធទាំងនេះបាននៅក្នុង មែកធាងគ្រួសារ ឬតាមរយៈ ពិធីបរិសុទ្ធត្រៀមរួច ។
ប្រសិនបើបញ្ជីបម្រុងទុករបស់អ្នកស្ថិតនៅក្រោមចំនួនកំណត់ ហើយគ្មាននរណាម្នាក់បោះពុម្ព ឬបានធ្វើកិច្ចការនោះទេ នោះអ្នកអាចឈប់ចែកចាយឈ្មោះមួយបាន ។
តើខ្ញុំអាចដឹងថា តើបញ្ជីបម្រុងទុករបស់ខ្ញុំឈានដល់ចំនួនកំណត់ដោយរបៀបណា ?
ដើម្បីមើលបញ្ជីបម្រុងទុករបស់អ្នក សូមចូលទៅកាន់គេហទំព័រ FamilySearch.org ហើយចុចលើ ព្រះវិហារបរិសុទ្ធ ។ សូមចុចលើ ការបម្រុងទុករបស់ខ្ញុំ ។ នៅខាងឆ្វេងដៃផ្ទាំង ការបម្រុងទុករបស់ខ្ញុំ បង្ហាញនូវការបម្រុងទុកជាច្រើនដែលអ្នកមាន ។ ចំនួនបានចែកចាយមិនអនុវត្តចំពោះចំនួនកំណត់របស់អ្នកទេ ។
ប្រសិនបើអ្នកព្យាយាមបម្រុងទុកពិធីបរិសុទ្ធមួយ បន្ទាប់ពីអ្នកឈានដល់ចំនួនកំណត់ហើយ នោះអ្នកនឹងទទួលបានការជូនដំណឹងថា អ្នកបានឈានដល់ចំនួនកំណត់ហើយ ។
តើមានអ្វីកើតឡើង នៅពេលខ្ញុំឈានដល់ចំនួនកំណត់សម្រាប់ការបម្រុងទុក ?
នៅពេលអ្នកឈានដល់ចំនួនកំណត់ នោះអ្នកមិនអាចបម្រុងទុកឈ្មោះគ្រួសារបន្ថែមទៀតបានឡើយ ។ ដើម្បីធ្វើឲ្យបញ្ជីរបស់អ្នកមានកន្លែងទំនេរ អ្នកអាច ចែកចាយការបម្រុងទុកដែលមានស្រាប់ជាមួយនឹងព្រះវិហារបរិសុទ្ធ បាន ។ សមាជិកដទៃទៀតនៃសាសនាចក្រអាចប្រើ ពិធីបរិសុទ្ធត្រៀមរួច ហើយជួយអ្នកឲ្យបំពេញពិធីបរិសុទ្ធទាំងនោះបាន ។ នៅពេលកិច្ចការនេះបានធ្វើរួចរាល់ហើយ នោះអ្នកនឹងទទួលបានការជូនដំណឹងនៅក្នុង សេចក្តីជូនដំណឹងពីកម្មវិធីស្រាវជ្រាវក្រុមគ្រួសារ ។
អ្នកអាចទាញយកឈ្មោះដែលបានចែកចាយដែលនៅមិនទាន់បានធ្វើរួចរាល់នៅឡើយមកវិញភ្លាមៗបាន នៅពេលដែលអ្នកមានកន្លែងទំនេរសល់នៅក្នុងបញ្ជីបម្រុងទុករបស់អ្នក ។ ប្រសិនបើការបម្រុងទុកដែលបានចែកចាយមួយ មានបញ្ចូលនូវពិធីបរិសុទ្ធដែលបានបោះពុម្ព ឬធ្វើរួចរាល់ហើយ នោះពិធីបរិសុទ្ធទាំងនោះមិនអាចឈប់ចែកចាយបាននោះទេ ។
តើការចែកចាយឈ្មោះគ្រួសារជាមួយនឹងព្រះវិហារបរិសុទ្ធ រាប់ចូលទៅក្នុងចំនួនកំណត់របស់ខ្ញុំដែរឬទេ ?
នៅពេលអ្នកចែកចាយឈ្មោះគ្រួសារជាមួយនឹងព្រះវិហារបរិសុទ្ធ នោះការបម្រុងទុកនឹងមិនត្រូវបានរាប់ចូលទៅក្នុងចំនួនកំណត់របស់អ្នកឡើយ ។
តើការចែកចាយឈ្មោះជាមួយនឹងចង្កោមគ្រួសាររាប់ចូលទៅក្នុងចំនួនកំណត់របស់ខ្ញុំដែរឬទេ ?
នៅពេលអ្នកចែកចាយឈ្មោះគ្រួសារមួយជាមួយនឹងចង្កោមគ្រួសារ នោះការបម្រុងទុកនោះរាប់ចូលទៅក្នុងចំនួនកំណត់របស់អ្នកហើយ ។ កាលបរិច្ឆេទផុតកំណត់ធម្មតានឹងអនុវត្តបន្ទាប់ពីព្រះវិហារបរិសុទ្ធបើកឡើងវិញទាំងស្រុងនៅដំណាក់កាលទី ៤ ។
តើការចែកចាយឈ្មោះគ្រួសារជាមួយនឹងសាច់ញាតិ ឬសមាជិកសាសនាចក្រម្នាក់ទៀត រាប់ចូលទៅក្នុងចំនួនកំណត់របស់ខ្ញុំដែរឬទេ ?
អ្នកអាចចែកចាយឈ្មោះគ្រួសារជាមួយនឹងសាច់ញាតិ ឬមិត្តភក្ដិ តាមរយៈអ៊ីមែល ឬ សារនៃកម្មវិធីសា្រវជ្រាវក្រុមគ្រួសារ បាន ។ អ៊ីមែល ឬសារនៃកម្មវិធីសា្រវជ្រាវក្រុមគ្រួសារមួយបង្ហាញពីឈ្មោះ និងពិធីបរិសុទ្ធដែលត្រូវការ ។ ប្រសិនបើពួកគាត់ទទួលយកការបម្រុងទុកនោះ នោះការបម្រុងទុកទាំងនេះនឹងត្រូវផ្ទេរទៅកាន់បញ្ជីបម្រុងទុករបស់ពួកគាត់ ។ នៅចំណុចនេះ ការបម្រុងទុកទាំងនេះនឹងលែងបង្ហាញឡើងនៅក្នុងបញ្ជីរបស់អ្នកទៀតហើយ ហើយវាមិនរាប់ចូលទៅក្នុងចំនួនកំណត់របស់អ្នកទេ ។
ប្រសិនបើខ្ញុំចែកចាយឈ្មោះគ្រួសារជាមួយនឹងព្រះវិហារបរិសុទ្ធ តើវាត្រូវចាំយូរប៉ុនណាដើម្បីបញ្ចប់ពិធីបរិសុទ្ធនោះ ?
វាពិបាកដើម្បីដឹងទុកជាមុនថា តើកិច្ចការពិធីបរិសុទ្ធសម្រាប់ឈ្មោះដែលបានចែកចាយជាមួយនឹងព្រះវិហារបរិសុទ្ធនេះ នឹងបញ្ចប់បានលឿនប៉ុនណា ។ កត្តានានារួមមាន ចំនួនពិធីបរិសុទ្ធដែលអ្នកដទៃបានចែកចាយ និងចំនួនអ្នកចូលរួមក្នុងព្រះវិហារបរិសុទ្ធ ។ បច្ចុប្បន្ននេះ អំណោយទានពិសិដ្ឋភេទប្រុសត្រូវចំណាយពេលធ្វើយូរជាងគេបំផុត ។ ពិធីបរិសុទ្ធផ្សេងទៀត ( ពិធីបុណ្យជ្រមុជទឹក ពិធីបញ្ជាក់ និងពិធីលាងជម្រះ ) សម្រាប់បុរស ឬស្ត្រី ជាទូទៅមិនចំណាយពេលច្រើននោះទេ ។
ជាមួយនឹង ពិធីបរិសុទ្ធត្រៀមរួច នោះសមាជិកគ្រួសារ និងសមាជិកសាសនាចក្រនៅជុំវិញពិភពលោកអាចរកឃើញឈ្មោះ និងបញ្ចប់ពិធីបរិសុទ្ធឲ្យឈ្មោះដែលបានចែកចាយជាមួយនឹងព្រះវិហារបរិសុទ្ធកាន់តែងាយស្រួលជាងមុន ។ ដោយមានព្រះវិហារបរិសុទ្ធជាច្រើនទៀតកំពុងសាងសង់នៅជុំវិញពិភពលោកនេះ នោះសមាជិកកាន់តែច្រើនក៏អាចចូលរួមធ្វើកិច្ចការពិធីបរិសុទ្ធជូនមរណជនបានផងដែរ ។ ការបន្ដកែលម្អនៅក្នុងដំណើរការចែកចាយ និងបែងចែក ក៏នឹងជួយកាត់បន្ថយពេលវេលាដើម្បីបញ្ចប់ពិធីបរិសុទ្ធផងដែរ ។
ខ្ញុំចង់ចែកចាយកាតឈ្មោះគ្រួសារ ដែលបានបោះពុម្ពហើយជាមួយនឹងសមាជិកគ្រួសារ ។ តើខ្ញុំអាចទទួលបានការលើកលែងចំពោះចំនួនកំណត់សម្រាប់ការបម្រុងទុកដែរឬទេ ?
ចំនួនកំណត់សម្រាប់ការបម្រុងទុកអនុវត្តចំពោះអ្នកប្រើប្រាស់គ្រប់រូបទាំងអស់ ។
សូមពិចារណាចែកចាយឈ្មោះគ្រួសារជាមួយនឹងសាច់ញាតិរបស់អ្នក ដោយប្រើមុខងារចង្កោមគ្រួសារថ្មីនេះជំនួសវិញ ។ នៅក្នុងចង្កោមគ្រួសារ សាច់ញាតិទាំងឡាយអាចបោះពុម្ពកាតបាន នៅពេលពួកគេត្រៀមខ្លួនទៅកាន់ព្រះវិហារបរិសុទ្ធ ។ ឈ្មោះដែលអ្នកចែកចាយជាមួយនឹងចង្កោមគ្រួសាររាប់ចូលទៅក្នុងចំនួនកំណត់របស់អ្នក ។ ប៉ុន្តែអ្នកអាចមើលឃើញពិធីបរិសុទ្ធទាំងនេះនៅលើបញ្ជីរបស់អ្នក និងអ្នកដែលបានបោះពុម្ពពិធីបរិសុទ្ធទាំងនោះបាន ។ អ្នកអាចតាមដានការរីកចម្រើនតាមអនឡាញ ហើយទទួលបានការជូនដំណឹង នៅពេលដែលពិធីបរិសុទ្ធទាំងនោះបានធ្វើរួចរាល់ ។
ប្រសិនបើខ្ញុំបានចែកចាយការបម្រុងទុកសម្រាប់ពិធីបរិសុទ្ធតែមួយចំនួនប៉ុណ្ណោះជូនបុព្វការីជនម្នាក់ តើពិធីបរិសុទ្ធដែលខ្ញុំបានទុកទាំងនេះ នឹងរាប់ចូលទៅក្នុងចំនួនកំណត់ដោយរបៀបណា ?
ជួរដេកនីមួយៗនៅក្នុងបញ្ជីបម្រុងទុករបស់អ្នក ត្រូវបានរាប់តែម្ដងប៉ុណ្ណោះ ទោះបីជាជួរនោះមាននូវពិធីបរិសុទ្ធជាច្រើនក៏ដោយ ។ ការណ៍នេះអនុវត្តដូចគ្នា ប្រសិនបើអ្នកចែកចាយផ្នែកនៃការបម្រុងទុកនោះជាមួយនឹងអ្នកដទៃ ។
ការផ្សារភ្ជាប់ទៅនឹងស្វាមី ឬភរិយាសម្រាប់បុគ្គលម្នាក់ ត្រូវបានដាក់បញ្ចូលនៅក្នុងជួរដេកដាច់ដោយឡែកមួយពីពិធីបរិសុទ្ធផ្សេងទៀត ហើយតែងតែត្រូវបានរាប់ដាច់តែឯងជានិច្ច ។ ពិធីបរិសុទ្ធផ្សេងទៀតទាំងអស់សម្រាប់បុគ្គលម្នាក់ ត្រូវដាក់បញ្ចូលគ្នានៅក្នុងជួរដេកនៃការបម្រុងទុកមួយ ។ ការបម្រុងទុកសម្រាប់បុគ្គលម្នាក់ ដែលមាននូវពិធីបរិសុទ្ធទាំងអស់នឹងរាប់ថាជាការបម្រុងទុកចំនួន ២ ។
តើនឹងមានអ្វីកើតឡើង ប្រសិនបើខ្ញុំចែកចាយឈ្មោះគ្រួសារជាមួយអ្នកដទៃ តាមរយៈអ៊ីមែល ឬការផ្ញើសារ ប៉ុន្តែវាលើសពីចំនួនកំណត់របស់អ្នកទទួលនោះ ?
បញ្ជីបម្រុងទុករបស់បុគ្គលម្នាក់ៗមានចំនួនកំណត់ដូចៗគ្នា ។ សមាជិកអាចទទួលឈ្មោះដែលបានចែកចាយបាន នៅពេលដែលបញ្ជីរបស់ពួកគេនៅមិនទាន់លើសចំនួនកំណត់ ។
ប្រសិនបើបញ្ជីរបស់អ្នកទទួលពេញហើយ នោះឈ្មោះទាំងនេះនឹងបន្ដនៅក្នុងបញ្ជីរបស់អ្នក ។ អ្នកអាចចែកចាយការបម្រុងទុកនេះជាមួយនឹងព្រះវិហារបរិសុទ្ធ ឬក៏ចង្កោមគ្រួសារបាន ។
ប្រសិនបើខ្ញុំប្រើកម្មវិធីផ្សេងទៀតដើម្បីបម្រុងទុកពិធីបរិសុទ្ធ តើវានៅតែមានចំនួនកំណត់ដែរឬទេ?
កម្មវិធីភាគីទីបីមួយចំនួនដំណើរការជាមួយនឹងកម្មវិធីស្រាវជ្រាវក្រុមគ្រួសារ ដើម្បីជួយសមាជិកឲ្យបម្រុងទុកឈ្មោះគ្រួសារ ។ កម្មវិធីទាំងនោះដំណើរការជាមួយនឹងមែកធាងគ្រួសារនៃកម្មវិធីស្រាវជ្រាវក្រុមគ្រួសារ ហើយមានដែនកំណត់ដូចគ្នា ។
ក្រោយពីខ្ញុំឈានដល់ចំនួនកំណត់ហើយ តើខ្ញុំតាមដានឈ្មោះគ្រួសារ ដែលខ្ញុំចង់បម្រុងទុកសម្រាប់ពេលក្រោយដោយរបៀបណា ?
សូមប្រើបញ្ជីតាមដានរបស់អ្នកដើម្បីដាក់តំណចំណាំលើបុព្វការីជន ដែលអ្នកចង់ធ្វើការបម្រុងទុកពិធីបរិសុទ្ធជូនគាត់នៅពេលអនាគត ។ ដើម្បីធ្វើឲ្យពិធីបរិសុទ្ធទាំងនោះងាយស្រួលរកនៅក្នុងបញ្ជី អ្នកអាចបន្ថែមស្លាក ការបម្រុងទុកព្រះវិហារបរិសុទ្ធបាន ។
ហេតុអ្វីបានជាព្រះវិហារបរិសុទ្ធរក្សាទុកកាតឈ្មោះគ្រួសាររបស់ខ្ញុំ បន្ទាប់ពីខ្ញុំបានធ្វើពិធីបរិសុទ្ធជូនបុព្វការីជនម្នាក់រួចរាល់ហើយ ?
ការទុកកាតឈ្មោះគ្រួសារនៅក្នុងព្រះវិហារបរិសុទ្ធ អនុញ្ញាតឲ្យអ្នកធ្វើការនៅក្នុងព្រះវិហារបរិសុទ្ធធានាបានថា កិច្ចការពិធីបរិសុទ្ធមិនបានធ្វើឡើងស្ទួនគ្នា ហើយថាពិធីបរិសុទ្ធត្រូវបានកត់ត្រាទុកយ៉ាងត្រឹមត្រូវ ។ ការអនុវត្តនេះក៏ជួយទប់ស្កាត់ការរីករាលដាលមេរោគ និងកាត់បន្ថយពេលវេលារង់ចាំក្រោយពីការទៅព្រះវិហារបរិសុទ្ធរបស់អ្នកហើយផងដែរ ។
អត្ថបទដែលទាក់ទង
តើខ្ញុំចែកចាយឈ្មោះគ្រួសារជាមួយនឹងព្រះវិហារបរិសុទ្ធដោយរបៀបណា ?
តើខ្ញុំចែកចាយឈ្មោះគ្រួសាររបស់ខ្ញុំជាមួយគ្រួសារ និងមិត្តភក្ដិតាមអ៊ីមែលដោយរបៀបណា ?
តើខ្ញុំឈប់បម្រុងទុក ឬបញេ្ចញឈ្មោះគ្រួសារចេញពីបញ្ជីព្រះវិហារបរិសុទ្ធរបស់ខ្ញុំដោយរបៀបណា ?
ពេលកំណត់នៃការបម្រុងទុកនៃពិធីបរិសុទ្ធក្នុងព្រះវិហារបរិសុទ្ធ
តើខ្ញុំប្រើបញ្ជីតាមដាននៅក្នុងមែកធាងគ្រួសារ ដើម្បីតាមដានបុព្វការីជនដែលត្រូវការពិធីបរិសុទ្ធក្នុងព្រះវិហារបរិសុទ្ធដោយរបៀបណា ?
ប្លក់កម្មវិធីស្រាវជ្រាវក្រុមគ្រួសារ
តើខ្ញុំចែកចាយឈ្មោះគ្រួសារតាមរយៈសារក្នុងកម្មវិធីស្រាវជ្រាវក្រុមគ្រួសារដោយរបៀបណា ?
តើខ្ញុំចែកចាយពិធីបរិសុទ្ធជាមួយនឹងចង្កោមគ្រួសារដោយរបៀបណា ?