ការងាររបស់យើងមានឥទ្ធិពលយ៉ាងខ្លាំងលើជីវិតរបស់យើង ។ យើងចំណាយពេលរាប់ម៉ោងនៅកន្លែងធ្វើការ ដាក់ផែនការកាលវិភាគរបស់យើងកុំឲ្យជាន់ម៉ោងធ្វើការ និងព្យាយាមដាក់កាលវិភាគសកម្មភាពដែលមិនមែនម៉ោងធ្វើការ ដូច្នេះទើបមិនប៉ះពាល់ដល់ការងារ ។ បទពិសោធន៍នេះមិនមែនជារឿងចម្លែកសម្រាប់សម័យទំនើបនេះទេ ។ បុព្វការីជនរបស់យើងបានរៀបចំផែនការជីវិតរបស់ពួកលោកនៅជុំវិញកិច្ចការប្រចាំថ្ងៃដូចយើងសព្វថ្ងៃនេះផងដែរ ។ ការស្វែងយល់បន្ថែមអំពីការងាររបស់បុព្វការីជនរបស់យើង អាចផ្តល់ឲ្យយើងនូវការយល់ដឹងកាន់តែស៊ីជម្រៅអំពីជីវិតរស់នៅរបស់ពួកលោក ថាតើមានលក្ខណៈបែបណា ។ មុខរបរផលិតព្រួយគឺជាមុខរបរគួរឲ្យចាប់អារម្មណ៍មួយកាលពីអតីតកាល ។
ប្រវត្តិនៃសិប្បករផលិតព្រួញ
សិប្បករផលិតព្រួញគឺជាអ្នកជំនាញខាងសិប្បកម្មដោយដៃដ៏ប៉ិនប្រសប់ ក្នុងការធ្វើព្រួញសម្រាប់កីឡាបាញ់ធ្នូ ការបរបាញ់ ហើយជាគ្រឿងសឹកក្នុងប្រវត្តិសាស្រ្ត ។
ទោះបីជាអ្នកផលិតព្រួញមានរាប់ពាន់ឆ្នាំមកហើយក្តី ពួកគេទើបតែទទួលបានភាពល្បីល្បាញនៅអឺរ៉ុបក្នុងមជ្ឈិមសម័យនៅពេលដែល ស្នា និងធ្នូវែងៗត្រូវបានយកមកប្រើប្រាស់ប៉ុណ្ណោះ ។
កងទ័ពនៅសម័យនោះបានប្រើព្រួញអស់រាប់រយរាប់ពាន់គ្រាប់ ជាពិសេសក្នុងអំឡុងពេលសង្គ្រាមរាប់រយឆ្នាំមកនេះ ( ឆ្នាំ១៣៣៧-១៤៥៣ ) ។ សិប្បករផលិតព្រួញ សិប្បករផលិតធ្នូ ( គឺជាអ្នកផលិតធ្នូ ) និងអ្នកធ្វើខ្សែធ្នូ ( ជាមនុស្សដែលចងភ្ជាប់ធ្នូ ) ជារបរដែលមានតម្រូវការខ្ពស់ក្នុងអំឡុងពេលមានសង្គ្រាម ។ រាជវង្ស ត្រកូលអភិជន និងកងទ័ព ជាអ្នកជួលពួកគេ ពួកគេជាមនុស្សសំខាន់ខ្លាំងណាស់ ដល់ថ្នាក់ពួកគេទទួលបានឯកសិទ្ធិពិសេស និងការលើកលែងពន្ធទៀតផង ។
នៅអំឡុងឆ្នាំ១៣៧០ ក្រុមហ៊ុន Worshipful Company of Fletchers បានបង្កើតជាសមាគមពាណិជ្ជកម្ម ។ មុនឆ្នាំនោះ សិប្បករផលិតព្រួញ ចូលរួមជាមួយគ្នានៅក្នុងសមាគមអ្នកផលិតធ្នូ ។ ការបង្កើតជាសមាគមពាណិជ្ជកម្មផ្ទាល់ខ្លួនរបស់ពួកគេបានជួយសិប្បករផលិតព្រួញដើម្បីធានាថា ព្រួញដែលផលិតមានគុណភាពខ្ពស់ ។ មកទល់ពេលនេះ នៅតែមានវត្តមានសមាគមចាស់ជាងគេរបស់ទីក្រុងឡុងដ៍ ដែលមានក្រុមហ៊ុនចំនួន ១១០ សមាគមនេះភាគច្រើនជាអង្គការសប្បុរសធម៌ដែលលើកកម្ពស់ប្រពៃណីនៃកីឡាបាញ់ធ្នូ ។ សិប្បករផលិតព្រួញនៅតែបង្កើតព្រួញសម្រាប់ កីឡាបាញ់ព្រួញ ការបរបាញ់ និងបង្ហាញពីប្រវត្តិសាស្រ្តឡើងវិញ ។
ផ្នែករបស់ព្រួញ
ជាធម្មតា ព្រួញចែកចេញជាបួនផ្នែក ៖ ដងព្រួញ ក្បាលព្រួយ ស្លាបព្រួញ និងគន្លឹះព្រួញ ។ ផ្នែកនីមួយៗនៃព្រួញដើរតួនាទីក្នុងការជួយឲ្យវាហោះ ។
ដងព្រួញ
ដងព្រួញគឺជាតួសំខាន់នៃព្រួញ ដែលគ្រប់ផ្នែកទាំងអស់ភ្ជាប់ជាមួយ ។ ក្នុងប្រវត្តិសាស្រ្ត ដងព្រួយផលិតឡើងពីឈើ ។ នៅក្នុងសម័យទំនើប ដងព្រួយផលិតពីអាលុយមីញ៉ូម សំឡីកែវ ឬវត្ថុធាតុដើមផ្សេងៗ ។
ក្បាលព្រួញ
ក្បាលព្រួញ គឺជាផ្នែកខាងចុងបង្អស់នៃព្រួញ ។ ក្បាលព្រួញខ្លះមុតស្រួច ហើយក្បាលព្រួញផ្សេងទៀតទាល អាស្រ័យលើគោលបំណងនៃការប្រើប្រាស់ព្រួញនោះ ។
ក្នុងប្រវត្តិសាស្រ្ត ក្បាលព្រួយមានទំហំខុសៗគ្នាសម្រាប់ការបរបាញ់សត្វតូចៗកម្សាន្ត ដូចជាទន្សាយ ឬបក្សី និងការបរបាញ់សត្វធំកម្សាន្ត មានដូចជាសត្វក្តាន់ ឬខ្លាឃ្មុំ ។ ក្បាលព្រួញសម្រាប់ធ្វើសង្គ្រាម និងការប្រយុទ្ធ គឺមានរូបរាងខុសគ្នាទាំងស្រុង ។ ក្បាលព្រួញទាលអាចបានប្រើសម្រាប់ហាត់បាញ់ទៅលើគោលដៅ ។
ស្លាបព្រួញ
ស្លាបព្រួញសំដៅទៅលើរោមដែលដាក់នៅផ្នែកកន្ទុយផ្ទុយពីផ្នែកក្បាលនៃព្រួយ ។ រោមទាំងនេះមិនមែនប្រើសម្រាប់តុបតែងលម្អនោះទេ ។ វាធ្វើឲ្យព្រួញមានលំនឹង និងការពារកុំឲ្យញ័រ នៅពេលព្រួញកំពុងហោះ ។
ស្លាបព្រួញ ជាទូទៅមានរោមបក្សី ៣ ឬ ៤ ( ដែលហៅថាព្រួញចង្អុលទិស ) ភ្ជាប់ទៅនឹងដងដោយមុំស៊ីមេទ្រីគ្នា ។ មុំនៃស្លាបបក្សីជួយឲ្យព្រួញវិលនៅពេលវាហោះ ។
គន្លឹះព្រួញ
គន្លឹះព្រួញ គឺជាកន្លាក់តូចមួយដែលកាត់ចោះផ្នែកខាងចុងនៃស្លាបព្រួយនៅលើដងព្រួញ ។ គន្លឹះព្រួញធ្វើឲ្យអ្នកបាញ់ព្រួញអាចទាក់ព្រួញទៅនឹងខ្សែព្រួញដោយសុវត្ថិភាព ។ នៅពេលដែលអ្នកបាញ់ព្រួយទាញខ្សែព្រួញយឺតមកក្រោយ ហើយបន្ទាប់មកបន្ធូរទៅវិញ នោះកម្លាំងនៃខ្សែដែលទាក់នឹងគន្លឹះព្រួញ រុញគ្រាប់ព្រួញទៅមុខ ។
ក្នុងប្រវត្តិសាស្រ្ត គន្លឹះព្រួញត្រូវបានឆ្លាក់ភ្ជាប់នឹងដងព្រួញ ។ នៅក្នុងសម័យទំនើប គន្លឹះព្រួញជាផ្នែកមួយផ្សេងដែលភ្ជាប់ទៅនឹងដងព្រួញ ។ ការបំបែកពីគ្នានេះធ្វើឲ្យវាកាន់តែងាយស្រួលក្នុងការផ្លាស់ប្ដូរនៅពេលខូចគន្លឹះ ។ ការឆ្លាក់គន្លឹះព្រួញទៅនឹងដងអាលុយមីញ៉ូម ឬសំឡីកែវ គឺពិបាកជាងការឆ្លាក់គន្លឹះព្រួយទៅនឹងដងឈើឆ្ងាយណាស់ ។
របៀបផលិតព្រួញ
សិប្បករព្រួញខ្លះបានចូលរួមក្នុងផលិតកម្មទាំង ៤ ផ្នែក ខណៈដែលអ្នកផ្សេងទៀតមានជំនាញផលិតជាក់លាក់តែមួយប៉ុណ្ណោះ ។ នៅពេលដែលផ្នែកទាំង ៤ បានធ្វើហើយ និងដាក់ផ្គុំចូលគ្នា សិប្បករផលិតព្រួញ នឹងមានព្រួញដែលបានដំឡើងរួចរាល់ហើយ ។
បន្ទាប់ពីជ្រើសរើសឈើសម្រាប់ផលិតព្រួញ ជាធម្មតាវាផលិតពីដើមប៊ឺច ដើមអាស ឬដើមហាស៊ែល សិប្បករផលិតព្រួញច្រៀក និងបិតឈើនោះចេញជារាងដែលចង់បានសម្រាប់ព្រួញនោះ ។ ទំហំនៃព្រួញធ្វើតម្រូវទៅតាមការប្រើប្រាស់សម្រាប់មុខងារអ្វីមួយ ។ ដងព្រួញកាន់តែធ្ងន់ វានឹងកាន់តែមានកម្លាំងខ្លាំង និងចាក់ទម្លុះគោលដៅបានល្អ ប៉ុន្តែដងព្រួញដែលស្រាលអាចហោះលឿនជាង ។ ល្បឿនហោះរបស់ព្រួញក៏អាស្រ័យលើទំហំនៃធ្នូដែលត្រូវស៊ីគ្នាជាមួយនឹងផ្លែព្រួញផងដែរ ។
សិប្បករផលិតព្រួញនឹងផលិតក្បាលព្រួញពីថ្ម ឬលោហៈ ហើយភ្ជាប់វាទៅខាងចុងនៃដងព្រួញ ។
សិប្បករផលិតព្រួញបានប្រើបច្ចេកទេសផ្សេងៗដើម្បីផលិតក្បាលព្រួញដែលមានសុវត្ថិភាព ។ ក្បាលព្រួញមួយចំនួនមានផ្នែកប្រហោងដើម្បីឲ្យស៊ីគ្នាទៅនឹងផ្នែកខាងចុងនៃដងព្រួញ ។ វានឹងមានសុវត្ថិភាពដោយប្រើបំណែកស្តើងនៃលោហៈ ខ្សែចង ឬកាវ ឬជ័រឈើ ដែលផលិតពីវត្ថុធាតុដើម ដូចជាដើមស្រល់ ក្រមួនឃ្មុំ ឬខ្លាញ់សត្វជាដើម ។
នៅពេលក្បាលព្រួញបានតម្លើងរួចហើយ សិប្បករផលិតព្រួញត្រូវជ្រើសរើសរោមបក្សីដូចជា រោមកុក រោមក្ងាន ឬរោមមាន់បារាំង ដែលមានទំហំ និងរាងត្រឹមត្រូវ ដើម្បីរក្សាលំនឹង និងបង្កើនភាពជាក់លាក់របស់គ្រាប់ព្រួញ ។ បន្ទាប់ពីកាត់តម្រឹមរោមឲ្យមានទំហំត្រឹមត្រូវហើយ នោះសិប្បករផលិតព្រួញភ្ជាប់វាទៅនឹងដងព្រួយ ដោយប្រើកាវ ឬខ្សែ ។ ជាចុងក្រោយត្រូវកាត់គន្លឹះនៅខាងចុងស្លាបព្រួញនៃដងព្រួញដោយប្រើមុខកំបិតតូចមួយ ។ ឥឡូវនេះ សិប្បករផលិតព្រួញបានបញ្ចប់ការផលិតរួចរាល់សម្រាប់ការប្រើប្រាស់ហើយ ។
នាមត្រកូលយកតាមឈ្មោះមុខរបរជាសិប្បករផលិតព្រួញ
នាមត្រកូលគឺជាផ្នែកមួយនៃអត្ដសញ្ញាណរបស់យើង ហើយជាញឹកញាប់ឆ្លុះបញ្ចាំងនូវកេរដំណែលរបស់យើង ប៉ុន្ដែវាមិនតែងតែដូច្នេះជានិច្ចនោះទេ ។ នៅពេលដែលសហគមន៍បានរីករាលដាល នាមត្រកូលបានក្លាយជារបៀបមួយដើម្បីសម្គាល់បុគ្គលទាំងឡាយ ហើយក្លាយជាតំណមរតកជាច្រើនជំនាន់ ។
នាមត្រកូលខ្លះមានដើមកំណើតចេញពីមុខរបររបស់បុគ្គលម្នាក់នោះ ដូចជាឈ្មោះត្រកូល fletcher ( សិប្បករផលិតព្រួញ ) ។ ប្រសិនបើនាមត្រកូលរបស់អ្នកគឺ Fletcher ការស្គាល់ពីសាវតារនៃឈ្មោះរបស់អ្នក អាចផ្ដល់ដល់អ្នកនូវការយល់ដឹងអំពីជីវិតរបស់បុព្វការីជនរបស់អ្នក ។
ឈ្មោះ Fletcher បានមកពីភាសាបារាំងពីបុរាណ flecher ដែលមានន័យថា « សិប្បករផលិតព្រួញ » ។ ខណៈដែល Fletcher គឺជាឈ្មោះតាមមុខរបរ តែវាអាចបានមកពីឈ្មោះពីបុព្វការីជននៃគ្រួសារមួយមកពី Normandy ដែលយកឈ្មោះតាម Jean de la Fléche ជាអភិជនដែលបានធ្វើសប្បទានដីនៅប្រទេសអង់គ្លេស បន្ទាប់ពីចម្បាំង Norman ក្នុងឆ្នាំ១០៦៦ គ.ស. ។
ខណៈពេលដែលនាមត្រកូលភាគច្រើនត្រូវបានរកឃើញនៅក្នុងកោះអង់គ្លេស និងអាមេរិកខាងជើង នោះនាមត្រកូលផ្សេងទៀតដែលទទួលបានមកពីមុខរបរផលិតព្រួញ អាចមាននៅក្នុងភាសាផ្សេងទៀតដូចជា ៖
ភាសា | នាមត្រកូល | អត្ថន័យ |
| ចិន | Zhang | ទាញសន្ធឹង ទាញឲ្យយឺត ( ប្រហែលជាបានចង្អុលបង្ហាញអំពីសិប្បករផលិតធ្នូដែលបានទាញសន្ធឹងធ្នូឈើ ) |
| ភាសាអង់គ្លេស | Arrasmith Benbow Bowman Stringer | ជាងព្រួញ ពត់ធ្នូ អ្នកបាញ់ធ្នូ សិប្បករផលិតខ្សែធ្នូ |
| អាល្លឺម៉ង់ | Pfeilmacher | សិប្បករផលិតព្រួញ |
| ហុងគ្រី | Nyilas | អ្នកបាញ់ធ្នូ ធ្នូ |
| អ៊ីតាលី | Fileccia Saitta | ព្រួញ អ្នកបាញ់ធ្នូ សិប្បករផលិតព្រួញ |
| ប៉ូឡូញ | Sajdak | សិប្បករផលិតបំពង់ព្រួញ អ្នកបាញ់ធ្នូ សិប្បករផលិតព្រួញ |
| ស្កុតឡង់ ហ្គេលិក | Mac an Fleisdeir ( យកលំនាំតាមភាសាអង់គ្លេស Lister ) | កូនប្រុសរបស់សិប្បករផលិតធ្នូ |
តើអ្នកមាននាមត្រកូលយកតាមឈ្មោះមុខរបរដែរទេ ? ស្រាវជ្រាវស្វែងរកនាមត្រកូលរបស់ FamilySearch ។
ការស្វែងរកមុខរបររបស់បុព្វការីជនរបស់អ្នក
ការសិក្សាអំពី មុខរបរ និងប្រវត្តិរបស់បុព្វការីជនរបស់អ្នកមិនត្រឹមតែគួរឲ្យចាប់អារម្មណ៍ប៉ុណ្ណោះទេ ប៉ុន្តែវាអាចជួយអ្នកឲ្យយល់អំពីជីវិតរបស់ពួកលោក ហើយអាចនាំឲ្យអ្នកបន្ថែមសមាជិកទៅក្នុងមែកធាងគ្រួសាររបស់អ្នកផងដែរ ។
អ្នកអាចស្វែងយល់អំពីមុខរបរគ្រួសាររបស់អ្នកដោយប្រើកំណត់ត្រាជំរឿន ។ នៅក្នុងប្រទេសជាច្រើន ការធ្វើជំរឿនរួមបញ្ចូលទាំងមុខរបររបស់ប្រជាជនផងដែរ ។ ពេលខ្លះកំណត់ត្រានៃការកើត និងការស្លាប់ កំណត់ត្រាសេចក្តីព្រាង បញ្ជីអ្នកដំណើរ បញ្ជីរាយឈ្មោះអំពីមុខរបរ និងដំណឹងមរណភាពក៏មានព័ត៌មានអំពីរបៀបដែលមនុស្សរកប្រាក់ចំណូលផងដែរ ។
នៅពេលដែលអ្នករកឃើញព័ត៌មានបន្ថែមអំពីបុព្វការីជនរបស់អ្នក និងអំពីជីវិតរបស់ពួកលោក ត្រូវប្រាកដថាអ្នកបន្ថែមអ្វីដែលរកឃើញទៅក្នុងមែកធាងគ្រួសាររបស់អ្នក ។
អត្ថបទដែលទាក់ទង
នៅ កម្មវិធីស្រាវជ្រាវក្រុមគ្រួសារ យើងយកចិត្តទុកដាក់លើការភ្ជាប់អ្នកទៅនឹងគ្រួសាររបស់អ្នក ហើយយើងផ្ដល់ជូននូវបទពិសោធន៍រុករកដ៏រីករាយ ព្រមទាំងសេវាកម្មពង្សប្រវត្តិដោយឥតគិតថ្លៃ ។ ហេតុអ្វី ? ព្រោះយើងឲ្យតម្លៃដល់ក្រុមគ្រួសារ ហើយជឿថា ការភ្ជាប់មនុស្សជាច្រើនជំនាន់អាចធ្វើឲ្យជីវិតរបស់យើងបានកាន់តែប្រសើរឡើងនាពេលឥឡូវនេះ និងជារៀងរហូតតទៅ ។ យើងគឺជាអង្គការដែលមិនស្វែងរកប្រាក់កម្រៃ ដោយទទួលបានការឧបត្ថម្ភពីសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ ។ ដើម្បីរៀនបន្ថែមទៀតអំពីជំនឿរបស់យើង សូមចុចត្រង់នេះ ។
