Ինչպե՞ս միավորել կրկնօրինակները տոհմածառում ID-ով:

Տոհմածառում Հնարավոր կրկնօրինակներ գործառույթը չի կարող ցուցակագրել մարդու բոլոր կրկնօրինակ գրառումները: Եթե գիտեք կրկնօրինակի ID համարը, որը առկա չէ ցանկում, դուք կարող եք օգտագործել այն՝ գրանցումները միավորելու համար։ 

Նախքան սկսելը

Ձեռք բերեք միավորվող գրառման նույնականացման ID համարը: Երկու գրանցումներն էլ պետք է լինեն նույն տոհմածառում, եթե դուք պատրաստվում եք դրանք տեղափոխել, օրինակ, երկուսն էլ հանրային տոհմածառի, երկուսն էլ ձեր մասնավոր տոհմածառի կամ երկուսն էլ նույն ընտանեկան խմբի տոհմածառի մեջ:

Քայլեր (կայք)

1. Վերևի ցանկում սեղմեք Տոհմածառ, իսկ հետո սեղմեք Ծառ։
2. Անհրաժեշտության դեպքում անցեք այն ծառին, որում գտնվում են կրկնօրինակները։
3. Գտեք այն անձին, որին ցանկանում եք միավորել։
4. Սեղմեք անձի անվան վրա: Բացվող մանրամասներում կրկին սեղմեք անձի անվան վրա: Դուք կտեղափոխվեք այդ անձի էջ:
5. Սեղմեք Մանրամասներ ներդիրը։
6. Սեղմեք Միավորել ըստ ID համարի։ Այն գտնվում է Գործիքներ բաժնում՝ էջի աջ կողմում: 
7. Մուտքագրեք ID համարը մեծատառերով և գծիկով: 
8. Սեղմեք Շարունակել: Միավորման էկրանը բացվում է դիտարկիչի նոր ներդիրում:
   
   • Ձախակողմյան գրանցում․ Սա հնարավոր կրկնօրինակումն է: Այն ջնջվում է, երբ միավորում եք գրանցումները։
   • ​​Աջակողմյան գրանցում․ Սա այն գրանցումն է, որից սկսել եք: Այն պահպանվում է, երբ միավորում եք գրանցումները։
9. Որոշեք՝ արդյոք գրանցումները նույն անձի մասին են: 
   
   1. Համեմատեք ձախ և աջ կողմերը՝ փնտրելով համընկնող անուններ, ամսաթվեր, վայրեր և ընտանիքի անդամներ: 
   2. Կարդացեք էկրանի ցանկացած նախազգուշական հաղորդագրություն:  
   3. Եթե ​​ձախ կողմի գրանցումն ամենաճշգրիտն է, վերագործարկեք միավորման գործընթացը այլ անձի էջից, որպեսզի նրա գրանցումը պահպանվի: 
   4. Եթե գրանցումները նույն անձի մասին չեն, սեղմեք Համընկնում չէ։ Եթե գրանցումները նույն անձի մասին են, սեղմեք Այո, շարունակել։ Եթե համոզված չեք, սեղմեք Չեղարկել։ 
10. Պահպանված գրանցման մեջ վերանայեք կանաչ ֆոն ունեցող բոլոր տեղեկությունները: Ընդգծված տեղեկությունները կպատճենվեն պահպանված գրանցման մեջ, երբ ավարտեք միավորումը: Եթե ​​այս տեղեկությունները չպետք է պահվեն պահպանված գրառման մեջ, սեղմեք Հետարկել։
11. Սեղմեք Շարունակել։ 
12. Ավարտեք միավորումը. 
    
    1. Վերանայեք պահպանված գրանցումը: 
    2. Եթե ամեն ինչ ճիշտ է, սեղմեք Ավարտել միավորումը։ 
    3. Բացատրելու համար, թե ինչու եք միավորել այս գրանցումները, կամ ընտրեք առաջարկվող պատճառաբանությունը, կամ մուտքագրեք ձերը:
13. Սեղմեք Պահպանել:  

Միավորումից անմիջապես հետո և կարճ ժամանակով հասանելի է «հետարկել» տարբերակը: Այն ձեզ թույլ է տալիս հեշտությամբ հետարկել 2 գրանցումների միավորումը։                   

Քայլեր (բջջային հավելված)

1. Տոհմածառի բջջային հավելվածում բացեք կրկնօրինակ գրանցումներից մեկի անձի էջը:
2. Անհրաժեշտության դեպքում անցեք այն ծառին, որում գտնվում են կրկնօրինակները։
3. Սեղմեք երեք կետեր-ը վերին աջ անկյունում: 
4. Սեղմեք Հնարավոր կրկնօրինակներ։
   
5. Սեղմեք Միավորել ըստ ID համարի։ 
6. Մուտքագրեք ID համարը մեծատառերով և գծիկով և սեղմեք Գնալ։ 
7. Սեղմեք Վերանայել միավորումը։ 
8. Կարդացեք նախազգուշացումը և սեղմեք Շարունակել միավորումը: Հայտնվում է միավորման էկրանը: 
   
   • Ձախակողմյան գրանցում․ Սա հնարավոր կրկնօրինակումն է: Այն ջնջվում է, երբ միավորում եք գրանցումները։ 
   • Աջակողմյան գրանցում․ Սա այն գրանցումն է, որից սկսել եք: Այն պահպանվում է, երբ միավորում եք գրանցումները։ 
9. Որոշեք՝ արդյոք գրանցումները նույն անձի մասին են: 
   
   • Համեմատեք ձախ և աջ կողմերը՝ փնտրելով համընկնող անուններ, ամսաթվեր, վայրեր և ընտանիքի անդամներ: 
   • Եթե ձախակողմյան գրանցումն ամենաճշգրիտն է, սեղմեք Փոխարկել՝ այն պահելու համար։ 
10. Որոշեք՝ արդյոք պետք է պահպանել որևէ տեղեկություն ջնջվող անձից: 
    
    • Տեղեկատվությունը ձախից աջ տեղափոխելու համար սեղմեք Փոխարինել: 
    • Ձախից աջ տեղեկատվություն ավելացնելու համար սեղմեք Ավելացնել։ 
    • Հուշում. Եթե ձախակողմյան գրանցումը պարունակում է կրկնօրինակ ծնողներ, ամուսին/կին կամ երեխաներ, ավելացրեք դրանք պահպանված գրանցման մեջ: Կրկնօրինակները կարող եք միավորել ավելի ուշ: 
11. Ավարտելուց հետո պտտեք ներքև՝ մինչև էջի ներքևի հատվածը և սեղմեք Շարունակել միավորումը։ 
12. Մուտքագրեք որևէ պատճառ և բացատրեք, թե ինչու եք միավորել այս գրանցումները: 
13. Սեղմեք Միավորել։

Նշում․ Հավելվածի iOS տարբերակն ունի միայն Փոխարինել տեղեկատվությունը հնարավորությունը՝ Փոխարկելու կամ Ավելացնելու փոխարեն։

Քայլեր (Family Tree Lite)

Ներկայումս Family Tree Lite-ը թույլ չի տալիս միավորել։ Մուտք գործեք FamilySearch կայքը կամ Family Tree բջջային հավելվածը , որպեսզի շարունակեք միավորման գործընթացը։   

Առաջարկվող հաջորդ քայլերը

1. Հեռացրեք սխալ սկզբնաաղբյուրները կամ հիշողությունները պահպանված գրանցումից: 
2. Վերանայեք անձի ընտանիքի անդամներին և փնտրեք հնարավոր կրկնօրինակները:

Առնչվող հոդվածներ

Ինչպե՞ս միավորել հնարավոր կրկնօրինակները Տոհմածառում։
Ինչպե՞ս կարող եմ գտնել մահացած անձին տոհմածառում:
Ինչպե՞ս որոշել՝ արդյոք տոհմածառի երկու գրանցումները նույն անձի մասին են:
Ինչպե՞ս կարող եմ հետարկել միավորումը տոհմածառում: